Chɛɛ Pita ni wan a boo kai‑a an ma, an ma na sɔnkɔɛ chɛ. Mbɛ a si‑a a gbɛɛ ma, a‑a a ɔ yian, Mansa Yataa‑a a ma buɛ min dɔ, a bɔ‑a pimbi chen chɛ a. Pita‑a a fɔ wan an ye, a ɔ, an ni a ɔ yian Chimisi a, a basan an suun ma nyɔɛ n na Chasi ɔ. Mbɛ a ka‑a nɔ, a ta‑a kaina dɔ mende.
Mansa Ɛdɔdi‑a a ma kɛn, an‑na an ya a kan Pita a, chɛɛ an ma a yen ni, a faa tɛ‑a wan gbeden. Mbɛ a‑a pimbi chenɛ chɛ kun ma fɛn mɔɛ chɛ n dɔ tisa gbɛɛ ɛ. Mbɛ a‑a a fɔ, a ɔ, an ni an fa. Chɛ gbakɔ, Mansa Ɛdɔdi yii‑a wan, a ka Chudia chɛnyɛ ɔ, mbɛ a ta‑a Sisayea duu ɔ tima ɛnden ko a.
Mbɛ pimbi chen kun ma fɛn mɔɛ chɛ kunɛ‑a, mbɛ a‑a pimbi chenɛ gbu da n na kaenɛ n yen. A‑a chɛ ɔ yen kɛn, a ni wan a yii ma gbɛ, mbɛ mɔɛ chɛ n gbɛɛ pimbi chen chɛ a, an ben‑da bui‑a. Mbɛ a‑a a 'a chɛɛ chɛ mɛ bɔ a sa a, a toen ni, a ni a wandi fa.