CHISƆSI 'A SƆ MƆƐ NU 12:12 - Yataa 'a Dɔbɛnɛ Nama

¹² Pita ban‑da chɛ ɔ sɔn‑da kɛn, a ta‑a wan Mɛi 'a chenɛ a, min 'na denɛ tɔ ni Chɔn. A tɔ ni to Maki. Mɔ sɛsɛ a kanden fan ni an chen chɛ a, an mbe samun chɛ‑a.

CHISƆSI 'A SƆ MƆƐ NU 12:12 ပူးပေါင်းရင်းမြစ်များ

CHISƆSI 'A SƆ MƆƐ NU 12:25

Mbɛ Banabasi n fea Sɔɔ a, an ban‑da kɛn an 'na wai ma, an ta‑a min chɛ koe a Chuusaɛn, an yɛ‑a wan Andiɔki. An na‑a Chɔn dɔndɔ an na an boo a, min tɔ ni to Maki.

CHISƆSI 'A SƆ MƆƐ NU 12:5

Mbɛ an‑na Pita ma gban pimbi chenɛ a. Chɛɛ a tima chɛ a, chɔchi mɔɛ chɛ n ni wan Yataa fai‑a a ko a, an faa gbɛɛ a.

CHISƆSI 'A SƆ MƆƐ NU 13:13

Mbɛ Pɔɔ n bɛ a bɔɛ n na, an si‑a dɛndɛ ɔ, mbɛ an bɔ‑a Pafɔsi duu ɔ, an ta‑a Paaka duu ɔ, min ni Panfidia chɛnyɛ ɔ. An che‑a kɛn nɔ, Chɔn Maki‑a an to wan, mbɛ a yɛ‑a Chuusaɛn duu ɔ.

CHISƆSI 'A SƆ MƆƐ NU 16:40

Pɔɔ an fea Sidasi a, an bɔ‑a wan pimbi chen chɛ a, mbɛ an ta‑a wan Didia 'a chenɛ a. A sin, an suun ma nyɔɛ nu Chasi ɔ, an‑na an tan fan nɔ. An‑na an yen kɛn, an‑na an faa ma nande wan, mbɛ an bɔ‑a an duu chɛ ɔ, an ta‑a.

CHISƆSI 'A SƆ MƆƐ NU 4:23

An‑na an boo ka kɛn dechee Pita a, an fea Chɔn na, an yɛ‑a wan an bɔɛ n tena. An‑na a ɔ yian fan an bɔɛ chɛ n na, Chu n tɛ mɔɛ nu Yataa a, an 'na mansa nu, an bɛ Chu gbakoo n na, an na‑a bai min fɔ an fan Pita n ye.

Gboo Kɔdɔsai Ko A 4:10

Nn fea ɛ nɛ n bɔɛ min na pimbi chenɛ a, Ayisitakɔsi, a wɛɛ ɛ wo kɔndɔn tena. Maki wɛɛ, Banabasi suun ma nyɔɛ chɛ, ɛ wo kɔndɔn tena. Min sien mu mɔna chɛ ma, n ban‑da a ɔ yian‑da wo a, wo e min ma, ni a che‑a wo ma. Wo wo boo si a kɔɔ chɛndɛ chɛ.

2 TIMOTI 4:11

Duku dɔndɔ gbe an mbe nɛ n tena. Ni i ma‑a na‑a, wo fea ni na Maki a, a mu min na, ɛ n deman‑da wan n 'na wai a.

FIDEMƆN 1:24

Chɛ n bɛɛ, n bɔɛ wai chɛ mɔɛ Maki, ni Ayisitakɔsi, ni Demasi, a basan Duku a, an mbe i kɔndɔn tena.

1 PITA 5:13

Mɔɛ miin mbe chɔchi ɔ Babidon duu ɔ, Yataa‑a a boo sɔ ka miin bɛɛ ma, an mbe wo kɔndɔn tena. Kamin tɔngbɔɛ chɛ wɛɛ, Maki, min ma‑a gbɛ n 'na denɛ a, a wɛɛ‑a wo kɔndɔn.