CHISƆSI 'A SƆ MƆƐ NU 11:3 - Yataa 'a Dɔbɛnɛ Nama

³ an dɔ, “I ta‑a wan mɔɛ chɛ n 'na chenɛ a, mɔɛ miin na ma kamincha ni ka, mbɛ wo gbu sin yɛ‑a to, wo bɛ an na, wo‑a daunɛ chɛ kaina dɔndɔ. Fen ko a mu, i‑a chɛ ma?”

CHISƆSI 'A SƆ MƆƐ NU 11:3 ပူးပေါင်းရင်းမြစ်များ

MATIU 9:11

Mbɛ Fayisii n‑na chɛ ɔ yen kɛn, mbɛ an‑na a fɔ Chisɔsi fɛ denɛ n ye, an dɔ, “Wo kan mɔ yen ko, a ɛ daun chɛ‑a kaina dɔndɔɛ, an bɛ pawa kain mɔɛ n na, a basan mɔɛ n na, miin mbe ee sɔ ɔ Yataa 'a chia ma.”

DUKU 15:2

Chɛɛ Chu mɔɛ chɛ nu, miin ni Fayisii n na, an bɛ Chu n 'na sawa kan mɔɛ n na, an bun‑da gbonyɛ‑a Chisɔsi a, an dɔ, “Kamin chɛ ɛ a boo si wan mɔɛ chɛ n bɛɛ kɔɔ, miin mbe ee sɔ ɔ Yataa 'a chia ma, mbɛ an‑na daunɛ chɛ kaina dɔndɔ.”

CHƆN 18:28

Sau sau ma ni, mbɛ an bɔ‑a Chisɔsi a Kayafasi chen kɔɔ, an ta‑a a a. Mbɛ an na‑a Domi kun ti chen kɔɔ, min ni kɔfana a Chudia chɛnyɛ ɔ. Mɔ fanka min na‑a ka Chisɔsi a, an nii ma don ni kata chɛ ɔ, an to‑a a baa ma wan. Chu sawa ta fɛ chia a, an toen ni an ni an fandi bia chɛndɛ chɛ. Chɛ an mbe a ma, an ni daunɛ chɛ, kun bɔ a ɔ bɛnɛ chɛ kun ma, aan an ni ban.

CHISƆSI 'A SƆ MƆƐ NU 10:23

Mbɛ Pita‑a kamin chɛ n chee a 'a chenɛ a, an yɛɛ chɛ ma, an ma‑a sonda n na a tena. A banda ɔ ka ma, an ta‑a wan, an bɛ mɔɛ chɛ n na. A sin, suun ma nyɔɛ chɛ dɔ nu Chasi ɔ, a ka Chɔpa duu ɔ, an bɛɛ‑a a sɔ wan an fɛ.

CHISƆSI 'A SƆ MƆƐ NU 10:28

Mbɛ a‑a a fɔ an ye, a ɔ, “Wo wandi gbu, wo‑a a ɔ sɔn fan, mbɛ nn 'na Chu sawa‑a min fɔ. Mbɛ nn fan Chu mɔ kan kɔ kan, nn mbe ee ta mɔ ɔ mɔ dɔ gbɛɛ 'a chen na. Chɛ ma, nn ni gbɛn an ma, miin ma Chu mɔ a. Chɛɛ Yataa ban‑da a ɔ yian‑da n na, mbɛ n ma tɛ mɔ gbu kan kɔ kan dɔ, n gbu ma mɔ ma nyamui koe fɔ.

CHISƆSI 'A SƆ MƆƐ NU 10:32

Chɛ an fɛ mu, mɔɛ a ta Chɔpa, kamin dɔndɔ chee koe a, min tɔ mu Saimɔn. A tɔɛ dɔndɔɛ an nɛ Pita. Ɛ kamin dɔndɔ an 'na sondaya a, min tɔ mu to Saimɔn. Saimɔn chɛ mu kanche an na, a sin, a 'a chenɛ ɛ kɔ yii kaa a wan.’

CHISƆSI 'A SƆ MƆƐ NU 10:48

Mbɛ a‑a a fɔ, a ɔ, an ni yii chɛ an kunɛ ɔ, Yataa chia a, Chisɔsi Chasi tɔɛ ɔ. Mbɛ an‑na a fɔ a ye, an dɔ, an ni ma nɔ an tɛ ɔ, tee kuunden ko a.

GBOO SAA KƆYINDI KO A 5:11

N ni min fɔ tena gboo chɛ ɔ, an nɛ, mbɛ wo ma gbɛn mɔɛ chɛ n ma, miin‑na an fandi chee Chisianɛ n na, chɛɛ an mbe ko tɛ an nyaa ma. Ni chɛ ma, an fen ko yaen mu kaka, an mbe fenɛ n fai miin ma Yataa a, an mbe an bɔɛ n tɔ yama ɔ tɛ, an mbe gbɛ wa min, chɛ ma, an mbe kanka chɛ. Wo gbu ma si wɛɛ, wo ni daunɛ chɛ mɔɛ bonda chɛ a, min boo ɛ chɛ dɔndɔ wɛɛ ɔ.

Gboo Kadesia Ko A 2:12

A na‑a a fo kɛn nɔ a saa saa a, an bɛ an ni daunɛ chɛ mɔɛ chɛ n na, miin ma Chu mɔ a. Chɛɛ mɔɛ dɔ n na‑a kɛn, a ka Chimisi tena, a wan Pita sɛmbɛ‑a wan daun chɛ koe a, an bɛ an mɔɛ n na, a ka‑a an kaa a. Koe min na mu, a chianden ni mɔɛ chɛ n fan ma, miin ni a fɔ, mbɛ mɔɛ ee ma Chasi fɛ mɔɛ chɛndɛ chɛndɛ a, ni a a ma kamincha ni yɔ Chu mɔɛ nu.

2 CHƆN 1:10

Ni mɔ ɔ mɔ na‑a wo 'a chenɛ a, kan dɔ mende a min kaen mu Chasi ta ma, wo ma wo ya kɔɔɛ yian a mɔɛ chɛ a, wo gbu ma a kɔndɔn.