CHISƆSI 'A SƆ MƆƐ NU 11:26 - Yataa 'a Dɔbɛnɛ Nama

²⁶ A‑a a yen kɛn, a‑a a ma wan, mbɛ an fea yɛ‑a a a Andiɔki duu ɔ. An ni bɛn fan, an bɛ chɔchi mɔɛ chɛ n na, an mbe ta‑a an sɛsɛ kan‑da. An ni wan nɔ san dɔndɔ ko a. Andiɔki ni, tɔɛ chɛ si‑a an kun ma, an dɔ, Chisianɛ nu, an fɛn kai faen ni Chisɔsi a.

CHISƆSI 'A SƆ MƆƐ NU 11:26 ပူးပေါင်းရင်းမြစ်များ

MATIU 28:19

Chɛ an‑na a fɔ, wo ta mɔɛ n gbɛɛ tena dunya chɛ gbɛɛ ɔ, mbɛ wo‑a an ma n fɛ denɛ n na. Wo ni yɛ, wo ni yii chɛ an kunɛ ɔ Fa Yataa tɔɛ ɔ, n tɔɛ ɔ, a basan Yataa Nyina tɔɛ ɔ a.

CHƆN 2:2

Mbɛ Chisɔsi wɛɛ, an ni a chee sonda an na, an bɛn chɛ ɔ, an bɛ a fɛ denɛ n na.

CHISƆSI 'A SƆ MƆƐ NU 1:15

Tee kuunden gbakɔ, mɔɛ miin‑na an kai fa Chisɔsi Chasi a, an bɛn‑da wan kaina dɔndɔ. An danɛ taen fan ni mɔ chɛmɛ dɔndɔ, ni mɔ bi fea ɔ. Mbɛ Pita‑a a kɔɔ sɔ, koɔ koe a an tena.

CHISƆSI 'A SƆ MƆƐ NU 11:20

Chɛɛ an dɔ nu, miin na‑a an kai fa ka Chisɔsi a, a ka Saipɔsi ni Sayini duu wa ɔ, an ta‑a wan Andiɔki. Mbɛ sakana bai chɛ, a si Mansa Chisɔsi ma, an‑na a ɔ yian fan an bɛɛ a, miin nii ma ka Chu mɔ n na.

CHISƆSI 'A SƆ MƆƐ NU 11:22

Mbɛ an koe chɛ che‑a chɔchi mɔɛ n ma, Chuusaɛn duu ɔ. Mbɛ an‑na Banabasi a ta wan Andiɔki.

CHISƆSI 'A SƆ MƆƐ NU 11:27

A tima chɛ a ni gbɛ, Yataa 'a gbonka chɛ mɔɛ dɔ n yii‑a, a ka Chuusaɛn duu ɔ, mbɛ an na‑a Andiɔki.

CHISƆSI 'A SƆ MƆƐ NU 11:29

Chisian chɛ n‑na a ɔ bɛn fan, an sɔɛ gbɛɛ ɔ, an ni an boo fenɛ n na ta, basan koe a an suun ma nyɔɛ n ma Chasi ɔ, miin ni Chudia chɛnyɛ ɔ. An dɔ, an ni chɛ ma yɔ an 'na gbasaya ɛ kun min nyɔn sima ma.

CHISƆSI 'A SƆ MƆƐ NU 14:20

Chɛɛ Chisɔsi fɛ mɔɛ chɛ n na kan‑da kɛn a a tindanɛ, a‑a a kɔɔ sɔ wan, mbɛ a yɛ‑a duu chɛ gbu ɔ to. Tee dɔndɔɛ ma, an fea Banabasi a, an ta‑a wan Dabi duu ɔ.

CHISƆSI 'A SƆ MƆƐ NU 14:22

Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”

CHISƆSI 'A SƆ MƆƐ NU 14:23

Mbɛ an‑na gbakoo n yian, an 'na chɔchi n gbɛɛ ɔ. Mbɛ an 'na sunɛ bia, an mbe ta‑a samunɛ chɛ‑a, mbɛ an‑na an konan Mansa Chisɔsi ma, an kai faen ni min na.

CHISƆSI 'A SƆ MƆƐ NU 14:27

An sin, an che‑a kɛn Andiɔki duu ɔ, an‑na chɔchi mɔɛ chɛ n gbɛɛ a kan fan kaina dɔndɔ, mbɛ an si‑a ko ɔ ko ma, an‑na a ɔ yian, Yataa‑a miin chɛ an ye. A yɛ to, Yataa‑a chia sa buɛ min dɔ mɔɛ chɛ n ko a, miin ma Chu mɔ a, an kai fa koe a Chisɔsi a.

CHISƆSI 'A SƆ MƆƐ NU 14:28

Mbɛ an sin‑na tima ɔ yansama ya wan nɔ, an duu chɛ ɔ, an bɛ Chisɔsi fɛ mɔɛ n na.

CHISƆSI 'A SƆ MƆƐ NU 18:27

Chɛ gbakɔ, a toen ni kɛn a ni ben Akaya chɛnyɛ ɔ, suun ma nyɔɛ chɛ nu Chasi ɔ, an‑na a faa ma nande wan. Mbɛ an‑na gboo nyɛn an suun ma nyɔɛ chɛ n tena Akaya, an dɔ, an ni an boo si a kɔɔ chɛndɛ chɛ. A che‑a kɛn Akaya, a basan‑da wan mɔɛ chɛ n ma kaka, miin na‑a an kai fa Chisɔsi a, koadia demanɛ 'a gbasaya ɔ, Yataa ɛ min chɛ.

CHISƆSI 'A SƆ MƆƐ NU 19:9

Chɛɛ dɔ n too ɔ ni gbɛ wan, min‑na a ma, an nii ma dɔn ni dan koe a Pɔɔ a. A sin, mɔɛ n gbɛɛ ya kɔɔ ni, an ni bai yama n sa, a si chia ma, Mansa Chisɔsi‑a min yian mɔ gbu a, a sɔ koe a a fɛ. Mbɛ Pɔɔ sɛmbɛ‑a koɔ koe a an tena, a ka‑a an fɛ. Mbɛ a‑a Chisɔsi fɛ mɔɛ chɛ n bɔ an ya a, an ta‑a a a. A sin ni koe n tɛnsɛ wan, tee ɔ tee a, an bɛ an na, chen ba dɔ mende a, min ni Tayanɔsi ta a, kanɛ ni chɛ kaina min.

CHISƆSI 'A SƆ MƆƐ NU 20:1

An gbun chɛ ɔ chima‑a kɛn, mbɛ Pɔɔ‑a Chisɔsi fɛ mɔɛ chɛ n chee kaina dɔndɔ. A ban‑da kɛn an faa chima bai fɔ‑a an ye, a‑a a saa wan an na. Mbɛ a‑a an to, a ta‑a Masidonia chɛnyɛ ɔ.

CHISƆSI 'A SƆ MƆƐ NU 20:30

A sin, tima ɛ che‑a wan, mɔɛ dɔ n ni bɔ wo wandi gbu tɛ ɔ, miin mbe bai n fɔ‑a, miin mbe ee a chia ma. An mbe chɛ ma‑a wan, mɔɛ dɔ n ka koe a Chisɔsi 'a chia ma, an ni bea an fɛ.

CHISƆSI 'A SƆ MƆƐ NU 21:4

Nn‑na nn ya a kan fan Chisɔsi fɛ mɔɛ dɔ n na nɔ, nn sin bɛ ni wan an na tɛn sɔngbɔ dɔndɔ ko a. Yataa Nyina 'a gbasaya ɔ, fɛ mɔɛ chɛ n‑na a fɔ wan Pɔɔ ye, a ma tachɛ a tun, a ta Chuusaɛn duu ɔ.

CHISƆSI 'A SƆ MƆƐ NU 26:28

Mbɛ Mansa Akipa‑a a fɔ Pɔɔ ye, a ɔ, “I toen mu gbɛ, i ni n ma Chisianɛ a, a ɔ wuuma wuuma chɛ a. Ae?”

CHISƆSI 'A SƆ MƆƐ NU 6:1

Tima ɛnden benden gbakɔ, Chisɔsi fɛ denɛ n‑na a kuu sɔ wan kɔkoa‑a. Mbɛ koɛ bun‑da a kuu sɔ‑a an tɛ ɔ. Chu mɔɛ miin ka‑a Kiisi chɛnyɛ ɔ, an ni wan gbonyɛ‑a, mbɛ Chu mɔɛ miin suun‑da Chuusaɛn duu ɔ, an dɔ, an mbe ma fenɛ ɔ du‑a tee ɔ tee a, an mbe ee fen chɛ n be fuinya musu chɛ n ma, miin ka‑a ka Kiisi chɛnyɛ ɔ.

CHISƆSI 'A SƆ MƆƐ NU 6:5

Bai chɛ‑a mɔɛ chɛ n gbɛɛ faa chima wan. Chɛ‑a a ma wan, an‑na an boo sɔ mɔ kuun chɛ n ma, an tɛ ɔ. Mɔɛ saa ni Sitibin fan na, danaya tɔɛ ni min na, a sin Yataa Nyina ni wan a fɛ. A tɔɛ n fan nii nɛ Fiipi a, Pɔkɔyɔsi, Nikanɔ, Timɔn, Pamɛnasi, ni Nikodasi. Nikodasi chɛ Chu mɔ nii ma a a, a sin na‑a ka Andiɔki duu ɔ wan. Chɛɛ a na‑a yɛ wan gbɛ Chu n 'na Yataa fai gbee ma.

CHISƆSI 'A SƆ MƆƐ NU 9:19

Mbɛ a‑a daunɛ chɛ kɛn, a fanka yɛ‑a wan to a ɔ. Sɔɔ ya chɛ a ka‑a kɛn, a ni wan Damasikɔsi, an bɛ Chisɔsi fɛ denɛ n na, tee kuunden ko a.

CHISƆSI 'A SƆ MƆƐ NU 9:38

Chɔpa ɔ nii ma yansan Dida a. Mbɛ Chisɔsi fɛ mɔɛ nu Chɔpa, an‑na a a min kɛn, mbɛ Pita ɛ Dida, an‑na mɔ fea n sɔ wan a tena. An dɔ, a dimu, a ni na bui chɛ a nɔ an tena, Chɔpa.

GBOO SAA KƆYINDI KO A 11:18

Koe saa saa mu min na, mɔɛ n‑na a ɔ yian fan n na, koe min mbe ma, ni wo bɛn‑da chɔchi si tena. Wo kuiɛ a ee kan ɛnden bɛɛ a. N sin danden fan mu chɛ a ɛnden na.

GBOO SAA KƆYINDI KO A 12:12

Mɔ gbu gboo ɛ dɔndɔ gbe, chɛɛ a sɔna n kɔkoo. Chɛ gbɛɛ ɔ, gboo dɔndɔ gbe chɛ mu tun, sɔna sɛsɛ n mbe wɛɛ a ma. Chisɔsi Chasi wɛɛ ɛ ka wan.

GBOO SAA KƆYINDI KO A 14:23

Chɛ an fɛ mu, mmɔ a ya wɛ, mbɛ mɔɛ n gbɛɛ chɔchi ɔ, an bun‑da kamaya bai n fɔ‑a, mɔ ee miin dɔ gbɛ ka dechee. Mbɛ ko sɔn bai nu, chɛ ma, mɔɛ nu, miin ma an kai fa ni Chisɔsi a, mbɛ an don‑da an chɔchi chɛ ɔ. An mbe a fɔ‑a wan, an dɔ, koɔ chɛ mɔɛ chɛ n wooenɛ mu.

GBOO SAA KƆYINDI KO A 4:17

Chɛ gbu an fɛ mu, n mbe Timoti sɔ tena wo tena. Mɔɛ mu a a, mɔɛ ɛ che i yii sɔ‑a min ma gbau gbau, wai chɛ koe a Chisɔsi Chasi ko a. N 'na denɛ mu gbɛ a a, n toen mu min na kaka. Ɛ a ma‑a wan wo ee nyina‑a koe n ma, n mbe bea tena miin fɛ, n 'na fɔɛ ɔ, Chisɔsi 'a sɔmɔya ɔ. N ni mɔɛ n kan ko dɔndɔ gbe chɛ n fan na, chɔchi kan kɔ kan dɔ, n ni ta miin dɔ.

Gboo Ɛfisɔsi Ko A 3:15

Mmɔ Fa chɛ sin, dambi kan kɔ kan, banda bu ɔ, ni nɛ dunya chɛ ɔ, a wan mbe an sɔnɛ be.

CHIMISI 2:7

An fan mbe baa bɔ tena mɔɛ chɛ tɔɛ chɛndɛ ma, Chisɔsi Chasi, min ta mu wo a.

1 PITA 4:14

An mbe wo wɛn main‑da, an dɔ, Chisɔsi Chasi fɛ mɔɛ mu wo a, dua ɛ wo ma. Chɛ‑a a ɔ yian fan ka, Nyina gbasayaen chɛ, Yataa Nyina, ɛ gbɛ wo fɛ gban.

1 PITA 4:16

Chɛɛ ni wo‑a ko yawaenɛ ɔ bia, Chisian koe an na, wo ma mau ɛnden bɛɛ a. Chɛɛ wo ni Yataa wai bɔ, a mu min na, wo e wan Chasi tɔɛ ko a.

1 CHƆN 2:27

Chɛɛ wo tana, Chisɔsi ban‑da Yataa Nyina a yii‑a, ma koe a wo fɛ. Tima min na mu wɛ, Yataa Nyina ɛ wo fɛ, mɔ dɔ mende ma gbɔsɔ ee wɛ wo ma, wo kan koe a. Koe min na mu, Yataa Nyina chɛ, an mbe wo kan tena ko kan kɔ kan ma. A sin tea mu, fania kan kɔ kan ma. Chɛ an fɛ mu, wo wo boo a chii, ma koe a mɔ dɔndɔya chɛ ɔ Chisɔsi a, yɔ Yataa Nyina chɛ‑a wo kan min na.

KO Ɔ NUNDENƐ 3:18

Chɛ an fɛ mu, n mbe wo a si tena, wo ni sanu chɛndɛ chɛndɛ san n ma, min mbe a ma, wo ni nyan. A yɛ to, wo ni koa gbɛ wɛɛ san n ma, a ma koe a doma a, wo ma senɛ min mbe, a mau chɛ ni nun. Wo ni bui wɛɛ san to n ma, a chɛ koe a wo ya a ma, wo ni kaina yen.