CHISƆSI 'A SƆ MƆƐ NU 11:24 - Yataa 'a Dɔbɛnɛ Nama

²⁴ Banabasi chɛ ni mɔ chɛndɛ an na, min danayaen ni, a sin Yataa Nyina ni wan a fɛ gban. Mbɛ a‑a a ma wan, mɔ sɛsɛ sa‑a chɛ n kun ma, miin faa mun‑da Mansa Chisɔsi tena.

CHISƆSI 'A SƆ MƆƐ NU 11:24 ပူးပေါင်းရင်းမြစ်များ

MATIU 12:35

A chia dɔndɔ gbe chɛ a, mɔ chɛndɛ ɛ ko chɛndɛ an ma, a mu min na, a faa ɔ gbɛen fan mu. Chɛɛ mɔ yama sin mbe ko yama an ma, a mu min na, a faa ɔ finden fan mu.

MATIU 19:17

Mbɛ Chisɔsi ɔ, “Fen mu i toen mu n fan ni a ɔ yian i a, ni koe min nyin a ma koe a? Yataa dɔndɔ gbe an mu mɔ chɛndɛ a. Ni i toen mu i ni kuɔ fɔ fɔɛ ma sɔn, mbɛ don a 'a sawa n kɔɔ.”

DUKU 23:50

Yatina, a tima chɛ a, kamin dɔndɔ ni wan nɔ min tɔ ni Chosɛfi. A na‑a ka Ayimatia duu ɔ wan, min ni Chudia chɛnyɛ ɔ. A sɔnɛ ni nyin, a yɛ to, mɔ tandenɛ ni a a. A sin, a ya ni tima chɛ an ya ɔ, tima min na Yataa ɛ a 'a mansaya ɔ yian‑da dunya chɛ ɔ. Chu gbakoo dɔndɔ ni a a, miin ni chiti tɛ koe n ma. Chɛɛ a nii ma toa si ni a bɔɛ chɛ n 'na yiinachii kɔɔ, koe chɛ n gbɛɛ ma koe a Chisɔsi a.

CHƆN 7:12

Mɔ fanka chɛ ni wan bai sɛsɛ sa‑a an da kɔɔ, a si Chisɔsi ma. An dɔ n dɔ, “Mɔ chɛndɛ an nɛ mɔna chɛ a.” Dɔ n sin dɔ, “A ee ka. Mɔ bun mɔɛ gbama an nɛ.”

CHISƆSI 'A SƆ MƆƐ NU 11:21

A sin, Mansa Yataa 'a gbasaya ni wan an kun ma. Mɔ sɛsɛ sin‑na an kai fa wan Mansa Chisɔsi a, mbɛ an‑na an ya a mun a ma.

CHISƆSI 'A SƆ MƆƐ NU 2:4

Yataa Nyina ni wan gbɛ an gbɛɛ fɛ gban, mbɛ an‑na a kuu sɔ koɔ‑a chɛnyɛ koɛ dɔ mende n dɔ. Yataa Nyina chɛ an ni gbasaya chɛ be an ma, an bai chɛ n sa koe a.

CHISƆSI 'A SƆ MƆƐ NU 2:47

an mbe ta‑a Yataa tando‑a. A sin, mɔɛ n gbɛɛ‑a an yii na chii wan an na, mbɛ mɔ chɛndɛ mu an na. Tee ɔ tee sin na, Mansa Chisɔsi‑a an ma munda mɔɛ n na, miin ni gbɛ bauncha chia ma.

CHISƆSI 'A SƆ MƆƐ NU 24:16

Chɛ an fɛ mu, tima ɔ tima ko a, n mbe ko sɛsɛ ɔ bia wan, n yiima a koenɛ ni ma Yataa tena, a basan n bɔ mɔ gbu n bɛɛ a.

CHISƆSI 'A SƆ MƆƐ NU 5:14

Chɛ gbɛɛ ɔ, mɔ kaima sɛsɛ, an bɛ musu sɛsɛ n na, an‑na an kai fa wan Mansa Chisɔsi a, mbɛ an sa‑a mɔɛ kɔma n kaa a.

CHISƆSI 'A SƆ MƆƐ NU 6:3

Chɛ an fɛ mu, nn suun ma nyɔɛ nu Chasi ɔ, wo mɔ wɔnfea ya wo tɛ, basɔmaya ɛ wo boo ɔ miin ko a. Yataa Nyina ɛ miin fɛ, a yɛ to, miin yiima tɛen mu, min mbe a ma, nn ni wai chɛ nɛnɛ be an ma.

CHISƆSI 'A SƆ MƆƐ NU 6:5

Bai chɛ‑a mɔɛ chɛ n gbɛɛ faa chima wan. Chɛ‑a a ma wan, an‑na an boo sɔ mɔ kuun chɛ n ma, an tɛ ɔ. Mɔɛ saa ni Sitibin fan na, danaya tɔɛ ni min na, a sin Yataa Nyina ni wan a fɛ. A tɔɛ n fan nii nɛ Fiipi a, Pɔkɔyɔsi, Nikanɔ, Timɔn, Pamɛnasi, ni Nikodasi. Nikodasi chɛ Chu mɔ nii ma a a, a sin na‑a ka Andiɔki duu ɔ wan. Chɛɛ a na‑a yɛ wan gbɛ Chu n 'na Yataa fai gbee ma.

CHISƆSI 'A SƆ MƆƐ NU 6:8

Sitibin ni mɔɛ an na, Yataa na‑a min dua a sɛmbɛnden na. A sin, Yataa Nyina ni wan a fɛ, min‑na a ma, a ni kun kamaya ko sɛsɛ ma koe a, miin ni a ɔ yian, mbɛ sakana bai chɛ ka‑a Yataa tena wan.

CHISƆSI 'A SƆ MƆƐ NU 9:31

Mbɛ a ka gbɛ a tima chɛ ma, faachima yɛ‑a wan to mɔɛ chɛ n ma, chɔchi n gbɛɛ ɔ. A ka Chudia chɛnyɛ ɔ, a ta Kadidi, ni Samayia chɛnyɛ ɔ. Yataa Nyina basan‑da wan an ma, an dɔ gbɛa koe a. A sin, an ma munda‑a wan kaka, a mu min na, an gbɛɛ ni basɔmaya wa be wan Mansa Chisɔsi ma.

GBOO DOMI KO A 15:15

Chɛɛ gboo chɛ ɔ, n ma ko ɔ ko ɔ nun ni wo ma, a si koe dɔ n ma, wo na‑a miin na min tee. Yataa 'a dua an na‑a a ma, n‑na n faa gbɛa bai chɛ n fɔ koe a.

GBOO DOMI KO A 5:7

A ɔ gbɛ ka, mɔɛ ni dɔn fa koe a mɔɛ ko a, min tanden mu sawa bia ɔ. Chɛɛ mɔɛ dɔ n mbe kun fan an fɔɛ be‑a mɔɛ ko a, min mu mɔ chɛndɛ wa a fɔɛ ɔ.