CHISƆSI 'A SƆ MƆƐ NU 11:19 - Yataa 'a Dɔbɛnɛ Nama

¹⁹ An na‑a Sitibin fa tima min na, mɔɛ n‑na a a kuu sɔ wan ko ma gbaaenɛ sa‑a mɔɛ chɛ n ma, miin na‑a an kai fa Chisɔsi a. Chɛ na‑a a ma wan, mɔɛ miin na‑a an kai fa ka Chisɔsi a, an gbɛɛ fasan‑da a ɔ gbuu. An ta‑a wan aan a che Fonisia chɛnyɛ ɔ. Dɔ n sin ta‑a wan Saipɔsi yii tinɛ ɔ, ni Andiɔki duu wa chɛ ɔ. An nii bai ɔ yian mɔ dɔ gbɛɛ n na, a si Chisɔsi wakoe ma, mɔɔ dechee Chu mɔɛ nu.

CHISƆSI 'A SƆ MƆƐ NU 11:19 ပူးပေါင်းရင်းမြစ်များ

CHƆN 7:35

Mbɛ Chu mɔɛ chɛ nu, miin ni Chisɔsi chɛɛ ma nyɔɛ n na, an bun‑da a da a bai chɛ tɛnsɛ‑a an nyɔn tɛ ɔ, an dɔ, “A e na ma ta‑a mende, mmɔ ee a yen kaina min? Kɔkɔɛ a ɛ ta tena duu dɔ mende n fan dɔ, mmɔ 'a mɔɛ dɔ n mbe kaina min, mbɛ a‑a mɔɛ n kan, miin ma mmɔ 'a mɔɛ n na.

CHISƆSI 'A SƆ MƆƐ NU 11:20

Chɛɛ an dɔ nu, miin na‑a an kai fa ka Chisɔsi a, a ka Saipɔsi ni Sayini duu wa ɔ, an ta‑a wan Andiɔki. Mbɛ sakana bai chɛ, a si Mansa Chisɔsi ma, an‑na a ɔ yian fan an bɛɛ a, miin nii ma ka Chu mɔ n na.

CHISƆSI 'A SƆ MƆƐ NU 11:22

Mbɛ an koe chɛ che‑a chɔchi mɔɛ n ma, Chuusaɛn duu ɔ. Mbɛ an‑na Banabasi a ta wan Andiɔki.

CHISƆSI 'A SƆ MƆƐ NU 13:1

Mɔɛ n ni wan nɔ Andiɔki duu ɔ, miin ni Yataa 'a gbonka chɛ mɔɛ n na, a basan a 'a kan chɛ mɔɛ n na. Banabasi ni an mɔɛ chɛ n dɔndɔ an na, ni Simiyɔn bɛɛ, an ni min chee, an dɔ, Simiyɔn finɛ. A yɛ to, Sɔɔ wɛɛ, ni Dusiɔsi, min ka‑a Sayini duu ɔ, an fea Manaɛn na, min bɔ‑a a ɔ chen dɔndɔɛ a, an fea Mansa Ɛdɔdi Andipasi a.

CHISƆSI 'A SƆ MƆƐ NU 13:4

Mbɛ Yataa Nyina chɛ‑a Banabasi sɔ kɛn, an fea Sɔɔ a, ta koe a baa kɔ, an yii‑a wan Sɛdusia duu ɔ. An bɛ an ta‑a Chɔn Maki a, basan koe a an ma an 'na wai chɛ koe a. An ka‑a wan nɔ, mbɛ an‑na yii tɛ dɛndɛ ɔ Saipɔsi yii tinɛ ɔ. An che‑a wan Sadamisi duu ɔ, an don‑da Chu n na samun chɛ chenɛ a, mbɛ an‑na Yataa bai ɔ yian mɔɛ n na.

CHISƆSI 'A SƆ MƆƐ NU 13:46

Chɛɛ a tima gbu a ni gbɛ, Pɔɔ, an fea Banabasi a, an‑na bai sa faagbɛa a. An dɔ, “A ni nyin, nn ni Yataa da a bai chɛ ɔ yian wo pɛn na. Chɛɛ wo‑a wo boo sɔ wan a ya ɔ, wo‑a a ɔ yian wo sɔnɛ ɔ, mbɛ a ma nyin, wo ni kuɔ fɔ fɔɛ chɛ ma sɔn. A yen ko gbɛ, nn bɛɛ, nn‑na nn ya a yɛ chɛ n ma, miin ma Chu mɔ a.

CHISƆSI 'A SƆ MƆƐ NU 14:26

An ka‑a Atadia chɛ wan, mbɛ an si‑a dɛndɛ ɔ, a yɛ to Andiɔki duu ɔ. An duu chɛ ɔ ni, Chisɔsi fɛ mɔɛ na‑a an konan Yataa ma, koadia demanɛ ɔ, an 'na wai ko a, an‑na min na ban ka gbɛ.

CHISƆSI 'A SƆ MƆƐ NU 15:22

Mbɛ Chisɔsi 'a sɔ mɔɛ chɛ nu, ni gbakoo nu, an bɛ chɔchi mɔɛ chɛ n gbɛɛ a, an‑na dɔbɛnɛ chɛ. An boo sɔ koe ma mɔɛ dɔ n ma an tɛ ɔ, an bɛ ni ta Pɔɔ an fea Banabasi a, Andiɔki duu ɔ. An‑na an boo sɔ wan mɔ fea n ma, basɔmaya ni miin ma mɔɛ chɛ n boo ɔ, miin‑na an kai fa ka Chisɔsi a. An mɔ fea chɛ n ni Chudasi an na, min tɔ ni to Basabasi, an fea Sidasi a.

CHISƆSI 'A SƆ MƆƐ NU 15:3

Mbɛ chɔchi mɔɛ chɛ n‑na an ma saa kɛn, an ben‑da wan Fonisia chɛnyɛ ɔ, an fea Samayia chɛnyɛ a. An ni a ɔ yian fan mɔɛ n na, mbɛ mɔɛ miin ma ka Chu mɔ a, an‑na an kai fa buɛ min dɔ Chisɔsi a. An sin ma‑a wan buɔdia wa a, suun ma nyɔɛ chɛ n gbɛɛ tena, Chasi ɔ.

CHISƆSI 'A SƆ MƆƐ NU 15:30

Mbɛ an‑na an boo ka kɛn ta koe a, an ta‑a wan Andiɔki duu ɔ. An sin‑na chɔchi mɔɛ chɛ n gbɛɛ a kan kɛn kaina dɔndɔ, mbɛ an‑na gboo chɛ be an ma.

CHISƆSI 'A SƆ MƆƐ NU 15:35

Chɛɛ Pɔɔ an fea Banabasi a, an to‑a wan Andiɔki, mɔɛ n kan koe a, a basan bai ɔ yianɛ a, a si Mansa Chisɔsi ma. An bɛ ni wai chɛ ma, an bɛ mɔ sɛsɛ n fan na.

CHISƆSI 'A SƆ MƆƐ NU 15:39

Chɛ na‑a koɛ a an tɛ ɔ, min‑na a ma, an tɛ du‑a. Banabasi‑a Maki ya wan, an si‑a dɛndɛ ɔ, mbɛ an ta‑a Saipɔsi, yii tinɛ ɔ.

CHISƆSI 'A SƆ MƆƐ NU 18:22

A che‑a kɛn Sisayea duu ɔ, a bɔ‑a wan dɛndɛ ɔ, mbɛ a sɛ‑a Chuusaɛn. A che‑a kɛn nɔ, a‑a chɔchi mɔɛ n kɔndɔn fan, mbɛ a ben‑da, a ta Andiɔki duu ɔ.

CHISƆSI 'A SƆ MƆƐ NU 21:16

Mbɛ Chisɔsi fɛ denɛ dɔ nu, a ka Sisayea, an bea‑a wan nn fɛ. An sin‑na nn ya wan, nn ta‑a kamin dɔndɔ 'a chenɛ a, nn ni ma tena min 'na sondaya a. A tɔ ni Nason. A ka‑a Saipɔsi yii tinɛ ɔ wan, a sin‑na a kai fa Chisɔsi a tima min na, a ɔ ni yansan.

CHISƆSI 'A SƆ MƆƐ NU 21:2

A sin, nn‑na dɛndɛ dɔ gbɛɛ tan fan Pataa, min ni ta tena Fonisia chɛnyɛ ɔ. Nn sɛ‑a wan a ɔ, mbɛ nn ta‑a Fonisia.

CHISƆSI 'A SƆ MƆƐ NU 3:26

Yataa‑a a 'a wai chɛ mɔɛ Chisɔsi a na kɛn, a‑a a sɔ wo pɛn pɛn tena, wo wan Isɔɛɛ mɔɛ nu. Yataa‑a chɛ ma, min mbe a ma, a ni wo dua, wo ni wo kan kɔ sɔ wo 'a faamagbaa koe n na.”

CHISƆSI 'A SƆ MƆƐ NU 4:36

A tɔmɔsi ni kamin dɔndɔ an na, min tɔ ni Chosɛfi. Chisɔsi 'a sɔ mɔɛ n ni an kamin chɛ chee, an dɔ, Banabasi, min fasaien ni, mɔɛ min mbe a bɔɛ n faa ma nande. A na‑a bɔ Difai dambi an dɔ. A sin na‑a suun Saipɔsi wan, yii tinɛ ɔ.

CHISƆSI 'A SƆ MƆƐ NU 6:5

Bai chɛ‑a mɔɛ chɛ n gbɛɛ faa chima wan. Chɛ‑a a ma wan, an‑na an boo sɔ mɔ kuun chɛ n ma, an tɛ ɔ. Mɔɛ saa ni Sitibin fan na, danaya tɔɛ ni min na, a sin Yataa Nyina ni wan a fɛ. A tɔɛ n fan nii nɛ Fiipi a, Pɔkɔyɔsi, Nikanɔ, Timɔn, Pamɛnasi, ni Nikodasi. Nikodasi chɛ Chu mɔ nii ma a a, a sin na‑a ka Andiɔki duu ɔ wan. Chɛɛ a na‑a yɛ wan gbɛ Chu n 'na Yataa fai gbee ma.

Gboo Kadesia Ko A 2:11

Chɛɛ Pita na‑a kɛn Andiɔki duu ɔ, n‑na a ma nyin fan, a wandi ya kɔɔɛ ma, koe min na mu, a na‑a ma bɔ koe an ma.