CHISƆSI 'A SƆ MƆƐ NU 11:18 - Yataa 'a Dɔbɛnɛ Nama

¹⁸ An‑na bai chɛ a min kɛn, an sɛmbɛ‑a wan a ma nyin koe a. Mbɛ an‑na Yataa tando, an dɔ te, “Mbɛ Yataa deman‑da mɔɛ chɛ n bɛɛ ma, miin ma Chu mɔ a. A‑a chia sa wan an bɛɛ ye, an ni an kan kɔ sɔ an 'na ko yama a, mbɛ an‑na kuɔ fɔ fɔɛ ma sɔn.”

CHISƆSI 'A SƆ MƆƐ NU 11:18 ပူးပေါင်းရင်းမြစ်များ

MATIU 9:8

Mɔ fanka chɛ, miin ni ka nɔ, an‑na chɛ ɔ yen kɛn, an chian‑da wan. Mbɛ an‑na Yataa tando, gbasaya sima chɛ be koe a mɔ gbu ma.

CHISƆSI 'A SƆ MƆƐ NU 11:1

Bai ben‑da wan gbɛ a ɔ, Chudia chɛnyɛ gbɛɛ ɔ. A che‑a Chisɔsi 'a sɔ mɔɛ n ma, an bɛ suun ma nyɔɛ tɔɛ n na Chasi ɔ, a si mɔɛ chɛ n ma, miin ma ka Chu mɔ a. Mbɛ an bɛɛ, an‑na an boo si Yataa 'a bai kɔɔ.

CHISƆSI 'A SƆ MƆƐ NU 14:27

An sin, an che‑a kɛn Andiɔki duu ɔ, an‑na chɔchi mɔɛ chɛ n gbɛɛ a kan fan kaina dɔndɔ, mbɛ an si‑a ko ɔ ko ma, an‑na a ɔ yian, Yataa‑a miin chɛ an ye. A yɛ to, Yataa‑a chia sa buɛ min dɔ mɔɛ chɛ n ko a, miin ma Chu mɔ a, an kai fa koe a Chisɔsi a.

CHISƆSI 'A SƆ MƆƐ NU 15:3

Mbɛ chɔchi mɔɛ chɛ n‑na an ma saa kɛn, an ben‑da wan Fonisia chɛnyɛ ɔ, an fea Samayia chɛnyɛ a. An ni a ɔ yian fan mɔɛ n na, mbɛ mɔɛ miin ma ka Chu mɔ a, an‑na an kai fa buɛ min dɔ Chisɔsi a. An sin ma‑a wan buɔdia wa a, suun ma nyɔɛ chɛ n gbɛɛ tena, Chasi ɔ.

CHISƆSI 'A SƆ MƆƐ NU 20:21

N‑na dasi gbau gbau be wan Chu mɔɛ n ma, ni miin bɛɛ ma Chu mɔ a, a si an kan kɔ sɔ koe a, an 'na ko yama n na, an ni an ya a mun Yataa ma. A yɛ to, a si an kai fa koe ma mmɔ 'a mansa Chisɔsi a.

CHISƆSI 'A SƆ MƆƐ NU 21:20

An sin‑na Pɔɔ 'a bai chɛ n na min kɛn, an‑na tando be wan Yataa ma. Mbɛ an‑na a fɔ Pɔɔ ye, an dɔ, “Nn suun ma nyɔɛ Chasi ɔ, i wandi‑a a ɔ yen, mbɛ Chu mɔ wu sɛsɛ nu, an‑na an kai fa buɛ min dɔ Chisɔsi a. A yɛ to, an‑na a ma wan, an ma gbɔsɔɛ a, mmɔ 'a Chu sawa n bia koe a.

CHISƆSI 'A SƆ MƆƐ NU 3:19

Chɛ an fɛ mu, wo wo kan kɔ sɔ wo 'a ko yama n na, mbɛ wo‑a wo ya a mun Yataa ma, min mbe a ma, a ni a boo bɔ wo 'a ko yama n dɔ.

CHISƆSI 'A SƆ MƆƐ NU 3:26

Yataa‑a a 'a wai chɛ mɔɛ Chisɔsi a na kɛn, a‑a a sɔ wo pɛn pɛn tena, wo wan Isɔɛɛ mɔɛ nu. Yataa‑a chɛ ma, min mbe a ma, a ni wo dua, wo ni wo kan kɔ sɔ wo 'a faamagbaa koe n na.”

CHISƆSI 'A SƆ MƆƐ NU 5:31

Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.

GBOO DOMI KO A 9:30

Nn mbe bai chɛ an fɔ tena, a si mɔɛ chɛ n ma, miin nii ma Chu mɔ n na. An nii butuin chɛ tena, an ni ma mɔ tandenɛ n na Yataa tena. Chɛɛ an‑na an kai fa wan Yataa a. Chɛ ko a, Yataa‑a a ma wan an tan‑da a tena.

GBOO FEAN BƆƐ KƆYINDI KO A 3:18

Mmɔ gbɛɛ sin, koa kan kɔ kan mbe ee to bun dɔ mmɔ ya a. Chɛ an fɛ mu, mmɔ ɛ Mansa 'a manɛ an na ta, yɔ mɛmɛ. Yataa Nyina sin, min mu Mansa chɛ a, ɛ a ma tena wan, mmɔ ma‑a tee ɔ tee a Yataa bɔ nyɔɛ a, manɛ ɔ.

GBOO FEAN BƆƐ KƆYINDI KO A 7:10

Koe min na mu, faayɔnɛ min mu Yataa 'a dɔbɛnɛ a, ɛ a ma wan mmɔ ni mmɔ kan kɔ sɔ ko yama ma a, a ni na bauncha a. A sin, n ni ma‑a a ɔ sɔn‑da ee a ɔ. Chɛɛ faayɔnɛ min mbe bɔ mɔgbuya ta chia a, ɛ na kuɔ fɔ saya an na.

Gboo Kadesia Ko A 1:24

A sin, n bakoe na‑a a ma wan, an‑na Yataa tando.