CHISƆSI 'A SƆ MƆƐ NU 11:14 - Yataa 'a Dɔbɛnɛ Nama

¹⁴ Ɛ sakana bai fɔ‑a wan i ye, min mbe na‑a bauncha a i tena, wo bɛ i 'a chen 'na mɔɛ n gbɛɛ a.’

CHISƆSI 'A SƆ MƆƐ NU 11:14 ပူးပေါင်းရင်းမြစ်များ

MAKI 16:16

Mɔɛ miin mbe an kai fa‑a n na, yii ni chɛ an kunɛ ɔ Yataa chia a, an mbe bauncha ma sɔn‑da wan. Chɛɛ mɔɛ miin mbe ee an kai fa‑a n na, Yataa ɛ kaa a tɛ‑a wan an bakoe ma, an ni ma tɔɔya ɔ.

DUKU 19:10

N fan, Mɔ Gbu 'a Denɛ, n naen mu dunya chɛ ɔ mɔɛ n fan yan koe a, miin toen mu a ɔ Yataa ma, n ni an kun ka.”

CHƆN 12:50

A sin, n‑na a ɔ sɔn fan, mbɛ ɛ min sin fɔ n ye, an mbe a ma mɔɛ n ni kuɔ fɔ fɔɛ ma sɔn. Chɛ an fɛ mu, n mbe min fɔ, an nɛ dechee Fa‑a min fɔ n ye, a fɔ koe a.”

CHƆN 20:31

Chɛɛ miin nyɛndenɛ ɛ ka gboo chɛ ɔ, an nyɛn‑da, min mbe a ma, wo ni wo kai fa Chisɔsi a, mbɛ a wan mu kunka mansa a. A yɛ to, mbɛ Yataa 'a denɛ mu a a, a sin, ni wo‑a wo kai fa a a, wo e kuɔ fɔ fɔɛ ma sɔn‑da wan.

CHƆN 4:53

Mbɛ a puin‑da den chɛ fa yii ma, mbɛ a tima chɛ a ni kunun, Chisɔsi na‑a a fɔ a ye, a ɔ, a 'a denɛ ɛ baun‑da wan. Mbɛ a wandi ni ma, a basan a 'a chenɛ a mɔɛ n gbɛɛ a, an‑na an kai fa Chisɔsi a.

CHƆN 6:63

Yataa Nyina, an mbe fɔɛ be, chɛɛ mɔ gbu ta gbasaya ma fen kɔ fen na ɛnden bɛɛ a. N‑na bai miin fɔ ka wo ye, an fan mbe na Yataa Nyina a, min mbe fɔɛ be.

CHƆN 6:68

Mbɛ Saimɔn Pita ɔ, “Mansa, nn mbe ta‑a gbɛ nyɔn tena? A yen ko, i da a bai, an mbe a ma kɛn, mɔ gbu ni kuɔ fɔ fɔɛ ma sɔn.

CHISƆSI 'A SƆ MƆƐ NU 10:2

An kamin chɛ ni mɔɛ an na, min ni kooya be Yataa ma. A ni Yataa fai wan tima ɔ tima ko a, an bɛ a 'a chen 'na mɔɛ n gbɛɛ a. A boo fenɛ nii ma dɔɔ, a ni min be, basan koe a yɔn tɔɛ n ma. A gboo ɔ nii fa, samunɛ chɛ koe a.

CHISƆSI 'A SƆ MƆƐ NU 10:22

Mbɛ an dɔ, “Kaminɛ min mbe soya chɛmɛ dɔndɔɛ chɛ n ya ɔ, an‑na nn sɔ. A tɔ mu Kɔniyɔsi. A ɛ kooya be wan Yataa ma, a sin tanden mu. A sin to, Chu mɔɛ n gbɛɛ‑a basɔmaya be wan a ma. Maeka an bɔ‑a Kɔniyɔsi chɛ ya a, mbɛ a‑a a fɔ a ye, a ɔ, a ni i chee a 'a chenɛ a. A ɔ, a ni i da a bai a min, e min fɔ‑a.”

CHISƆSI 'A SƆ MƆƐ NU 10:43

Yataa 'a gbonka chɛ mɔɛ n gbɛɛ na‑a bai sa wan, a si Chisɔsi chɛ ma. An dɔ, mɔ ɔ mɔ min mbe an kai fa‑a Chisɔsi chɛ a, Yataa ɛ a boo bɔ‑a wan an mɔɛ chɛ a ko yama n dɔ, Chisɔsi ko a.”

CHISƆSI 'A SƆ MƆƐ NU 10:6

Ɛ kamin dɔndɔ an 'na sondaya a, min tɔ mu Saimɔn. Kanche mu an kamin chɛ a, a sin, a 'a chenɛ ɛ kɔ yii kaa a wan.”

CHISƆSI 'A SƆ MƆƐ NU 11:13

Nn don‑da kɛn, a‑a a ɔ yian fan nn na, a na‑a Yataa 'a maeka yen buɛ min dɔ sɔ ɔ a 'a chenɛ a. Mbɛ maeka chɛ ɔ, ‘Mɔɛ a ta Chɔpa duu ɔ, kamin dɔndɔ tena min tɔ mu Saimɔn. A tɔɛ dɔndɔɛ an nɛ, Pita.

CHISƆSI 'A SƆ MƆƐ NU 16:15

Chɛ gbakɔ, Pɔɔ‑a yii chɛ wan a kunɛ ɔ, Yataa chia a, a basan a 'a chen 'na mɔɛ n na. Mbɛ Didia‑a a fɔ nn ye, a ɔ, “Ni wo‑a a fɔ, mbɛ n‑na n kai fa Mansa Chisɔsi a tea tea gbu a, mbɛ wo na, wo ni ma n 'na chenɛ a.” A sin‑na nn ma nande wan kaka, min‑na a ma, nn ta‑a a waa a.

CHISƆSI 'A SƆ MƆƐ NU 18:8

Chɛ gbɛɛ ɔ, Kisipɔsi, ni a 'a chen 'na mɔɛ n gbɛɛ, an‑na an kai fa wan gbɛ Mansa Chisɔsi a. Kisipɔsi chɛ ni ya ɔ sɔɛ an na, Chu n 'na samun chɛ chenɛ a. Mɔ sɛsɛ nu Kɔyindi duu ɔ, an‑na sakana bai chɛ a min kɛn Pɔɔ a, an dan‑da wan a a, mbɛ yii chɛ‑a an kunɛ ɔ, Yataa chia a.

CHISƆSI 'A SƆ MƆƐ NU 2:39

Koe min na mu, Yataa na‑a wo too ɔ dia koe chɛ n fan na, wo bɛ wo 'a denɛ n na, a basan chɛ n gbɛɛ a, miin baa ɔ yansan nɛ a. Mɔɛ n gbɛɛ, mmɔ 'a mansa Yataa‑a miin chee, na koe a a tena.”

GBOO SAA KƆYINDI KO A 1:16

(A puin‑da gbɛ n yii ma, mbɛ n na‑a yii chɛ wan Sitɛfanasi kunɛ ɔ, a basan a 'a chen na mɔɛ n na. Chɛɛ a ma to ni n yii ma, n ni yii chɛ mɔ dɔ mende kan kɔ kan kunɛ ɔ to).