CHISƆSI 'A SƆ MƆƐ NU 11:12 - Yataa 'a Dɔbɛnɛ Nama

¹² A sin, Yataa Nyina‑a a fɔ wan n ye, mbɛ n ma sika, chɛɛ nn bɛ ni ta an na. Suun ma nyɔn wɔdɔɛ chɛ nu, Chasi ɔ, an bɛɛ‑a n ma sɔ wan. Nn ka‑a wan Chɔpa, nn ta‑a Sisayea duu ɔ, mbɛ nn don‑da kamin chɛ 'a chenɛ a.

CHISƆSI 'A SƆ MƆƐ NU 11:12 ပူးပေါင်းရင်းမြစ်များ

MATIU 1:20

Chɛɛ ɛ kɛn an yiinachii chɛ ɔ, a yen ko, Mansa Yataa 'a maeka na‑a a tena cho ɔ. Mbɛ a ɔ, “Chosɛfi, Mansa Defidi 'a dambi ɔ nyɔɛ, i ma sika Mɛi si koe a i 'a musu a. Koe min na mu, a‑a bu min ya ka, Yataa Nyina an‑na a be a ma.

CHƆN 16:13

Chɛɛ ni Yataa Nyina chɛ na‑a, min mbe tea ɔ yian a si Yataa ma, ɛ a ma‑a wan, wo ni tea gbɛɛ ɔ sɔn. A ee koɔ‑a wo tena a kun ma gbasaya n dɔ, chɛɛ ɛ min na min‑da Yataa a, ɛ an fɔ‑a wo ye. A sin, koe miin mbe na tena ma‑a, ɛ an fan dɔ yian‑da wo a.

CHISƆSI 'A SƆ MƆƐ NU 1:15

Tee kuunden gbakɔ, mɔɛ miin‑na an kai fa Chisɔsi Chasi a, an bɛn‑da wan kaina dɔndɔ. An danɛ taen fan ni mɔ chɛmɛ dɔndɔ, ni mɔ bi fea ɔ. Mbɛ Pita‑a a kɔɔ sɔ, koɔ koe a an tena.

CHISƆSI 'A SƆ MƆƐ NU 10:23

Mbɛ Pita‑a kamin chɛ n chee a 'a chenɛ a, an yɛɛ chɛ ma, an ma‑a sonda n na a tena. A banda ɔ ka ma, an ta‑a wan, an bɛ mɔɛ chɛ n na. A sin, suun ma nyɔɛ chɛ dɔ nu Chasi ɔ, a ka Chɔpa duu ɔ, an bɛɛ‑a a sɔ wan an fɛ.

CHISƆSI 'A SƆ MƆƐ NU 10:45

Pita n bɛ na‑a wan Chɔpa duu ɔ, an bɛ Chu mɔɛ n na, miin na‑a an kai fa Chisɔsi a. An da ɔ gbaa‑a wan, koe chɛ ɔ yen koe a. Mbɛ Yataa ɛ kun fan, a ni a ma, a Nyina ni ma mɔɛ chɛ n bɛɛ fɛ, miin ma Chu mɔ a.

CHISƆSI 'A SƆ MƆƐ NU 11:13

Nn don‑da kɛn, a‑a a ɔ yian fan nn na, a na‑a Yataa 'a maeka yen buɛ min dɔ sɔ ɔ a 'a chenɛ a. Mbɛ maeka chɛ ɔ, ‘Mɔɛ a ta Chɔpa duu ɔ, kamin dɔndɔ tena min tɔ mu Saimɔn. A tɔɛ dɔndɔɛ an nɛ, Pita.

CHISƆSI 'A SƆ MƆƐ NU 13:2

Tee dɔndɔ a, an ni kɛn sun bia a, an mbe ta‑a Mansa Yataa fai‑a, Yataa Nyina‑a a fɔ wan an ye, a ɔ, “Wo a ma n ye, Banabasi, an fea Sɔɔ a, an ni ma tenchen wai chɛ ko a, n‑na an chee min chɛ koe a.”

CHISƆSI 'A SƆ MƆƐ NU 13:4

Mbɛ Yataa Nyina chɛ‑a Banabasi sɔ kɛn, an fea Sɔɔ a, ta koe a baa kɔ, an yii‑a wan Sɛdusia duu ɔ. An bɛ an ta‑a Chɔn Maki a, basan koe a an ma an 'na wai chɛ koe a. An ka‑a wan nɔ, mbɛ an‑na yii tɛ dɛndɛ ɔ Saipɔsi yii tinɛ ɔ. An che‑a wan Sadamisi duu ɔ, an don‑da Chu n na samun chɛ chenɛ a, mbɛ an‑na Yataa bai ɔ yian mɔɛ n na.

CHISƆSI 'A SƆ MƆƐ NU 15:7

An‑na a tɛnsɛ kɛn pien, an nyɔn tɛ ɔ, mbɛ Pita‑a a kɔɔ sɔ. A ɔ, “N suun ma nyɔɛ nu Chasi ɔ, wo‑a a ɔ sɔn fan, Yataa‑a koe min ma. Mbɛ tima ɛnden ko a gbɛ, Yataa na‑a a boo sɔ wan n ma wo tɛ ɔ, n ni sakana bai chɛndɛ chɛ, a si Chisɔsi ma, a ɔ yian mɔɛ chɛ n na, miin ma Chu mɔ a. An ni an bai chɛ a min, mbɛ an‑na an kai fa Chisɔsi a.

CHISƆSI 'A SƆ MƆƐ NU 15:9

A sin ma tɛ bɔ kan kɔ kan yian ni mmɔ tɛ, mmɔ bɛ an na. Chɛɛ a‑a a ma wan, an faa ɔ gbɛ‑a, koe min na mu, an‑na an kai fa Chisɔsi a.

CHISƆSI 'A SƆ MƆƐ NU 28:15

A sin, suun ma nyɔɛ nu nɔ, Chasi ɔ, an‑na nn ma tɔɛ a min kɛn, an‑na nn tan. An na‑a wan nn ya ɔ, aan a che machiti chɛ ɔ, an mbe min chee, an dɔ, Apiyɔsi Machiti. An dɔ n sin, an na‑a wan, aan a che kaina chɛ, an mbe min chee, an dɔ, Sonda Yia Chen Sawa. Pɔɔ‑a an yen kɛn, a ma‑a wan a ma faachima a, mbɛ a‑a Yataa wai bɔ.

CHISƆSI 'A SƆ MƆƐ NU 8:29

Mbɛ Yataa Nyina‑a a fɔ Fiipi ye, a ɔ, “I ma tundu gbɛdɛn mɔto gbingbi chɛ baima.”

GBOO DOMI KO A 3:22

Yataa ɛ mmɔ ya wan mɔ tandenɛ n na a chen kɔɔ, ni mmɔ‑a mmɔ kai fa Chisɔsi Chasi a. Yataa ɛ chɛ ma wan mɔ ɔ mɔ ko a, min kai faen mu Chisɔsi a. Koe min na mu, a ni ma Chu mɔ a, a ma ma Chu mɔ a, Yataa ɛ mɔɛ gbɛɛ bia dɔndɔ gbe.

GBOO FEAN BƆƐ TƐSADONIKA KO A 2:2

Nn ma to ni wo 'a fiienɛ ni ma, a si a ma. Wo ma don faagbaa ɔ, ni mɔɛ dɔ n‑na a fɔ wo ye, mbɛ Mansa Chisɔsi na tee wa gbu che‑a. Kɔkɔɛ ɛ wan an mɔɛ chɛ n yii ma, mbɛ nn na‑a chɛ fɔ wo ye chia chɛ an na. A ni ma kɔɛ tima chɛ a, nn ni bai chɛ fɔ tena tima min na, Yataa na‑a min fɔ nn ye, a fɔ koe a mɔɛ n ye. Chɛ ma, tima chɛ a, da ɔ sakana gbama mu, nn‑na min na ben gboo nyɛndenɛ ɔ.

KO Ɔ NUNDENƐ 22:17

Yataa Nyina an fea sa tɔngbɔɛ 'a sɛnama a, an dɔ, “Mansa Chisɔsi, na fo.” Chɛ a min mɔɛ wɛɛ, a ni a fɔ, a ɔ, “Mansa Chisɔsi, na fo.” Mɔ ɔ mɔ min kanɛ a gbaaen mu, a ni na wɛ. Mɔ ɔ mɔ min toen mu na koe a, fɔɛ be yii chɛ min koe a, a ee ka na‑a, a sɔnkɔ be ee a ma.