CHISƆSI 'A SƆ MƆƐ NU 10:5 - Yataa 'a Dɔbɛnɛ Nama

⁵ A sin, sanche gbɛ, mɔɛ n na ta Chɔpa duu ɔ, kamin dɔndɔ chee koe a, min tɔ mu Saimɔn. A tɔɛ dɔndɔɛ an nɛ, Pita.

CHISƆSI 'A SƆ MƆƐ NU 10:5 ပူးပေါင်းရင်းမြစ်များ

MAKI 3:16

Chisɔsi na‑a mɔ tan kun ma fea miin ya, ma koe a a fɛ, an fan nii nɛ. Saimɔn ni ma, Chimisi, ni a dɔɛ Chɔn. Anduu n fea Fiipi a, ni Batɔɔmiu. Matiu ni Tɔmɔsi. A yɛ to, Chimisi dɔndɔɛ wɛɛ, ni Tadayɔsi. Saimɔn dɔndɔɛ wɛɛ, ni Chudasi Isikayɔti. Saimɔn saa saa, a‑a min ya, a‑a tɔ dɔ gbɛɛ be wan a ma, a ɔ, Pita. Chimisi ni a dɔɛ Chɔn, an fa tɔ ni Sɛbɛdi. Chisɔsi‑a an bɛɛ tɔɛ si wan, a ɔ, banda mɛn kaminɛ nu. (Koe min na mu, an ni kosan koɔ‑a kaka). Chimisi dɔndɔɛ fa tɔ ni Afiɔsi. Saimɔn dɔndɔɛ wɛɛ ni mɔɛ an na, min ni a 'a chɛnyɛ ma chɛɛ chɛ tena. Chudasi Isikayɔti tana, an na‑a danka Chisɔsi ma tachɛ‑a.

CHƆN 1:42

Mbɛ a ta‑a Saimɔn na Chisɔsi tena. Mbɛ Chisɔsi‑a Saimɔn ma fɛn kɔdɛɛ, mbɛ a ɔ, “I tɔ mu Saimɔn, i fa sin tɔ mu Chɔn. Chɛɛ i tɔɛ ɛ ma tena Kefasi an na gbɛ.” (Tɔɛ chɛ, ni a a mun‑da, a mu Pita an na).

CHISƆSI 'A SƆ MƆƐ NU 10:18

Mbɛ an‑na chee chɛ, an dɔ, “Mɔ ɔ mɔ ɛ wan nɛ sondaya a, min tɔ mu Saimɔn Pita?”

CHISƆSI 'A SƆ MƆƐ NU 10:32

Chɛ an fɛ mu, mɔɛ a ta Chɔpa, kamin dɔndɔ chee koe a, min tɔ mu Saimɔn. A tɔɛ dɔndɔɛ an nɛ Pita. Ɛ kamin dɔndɔ an 'na sondaya a, min tɔ mu to Saimɔn. Saimɔn chɛ mu kanche an na, a sin, a 'a chenɛ ɛ kɔ yii kaa a wan.’

CHISƆSI 'A SƆ MƆƐ NU 15:7

An‑na a tɛnsɛ kɛn pien, an nyɔn tɛ ɔ, mbɛ Pita‑a a kɔɔ sɔ. A ɔ, “N suun ma nyɔɛ nu Chasi ɔ, wo‑a a ɔ sɔn fan, Yataa‑a koe min ma. Mbɛ tima ɛnden ko a gbɛ, Yataa na‑a a boo sɔ wan n ma wo tɛ ɔ, n ni sakana bai chɛndɛ chɛ, a si Chisɔsi ma, a ɔ yian mɔɛ chɛ n na, miin ma Chu mɔ a. An ni an bai chɛ a min, mbɛ an‑na an kai fa Chisɔsi a.

CHISƆSI 'A SƆ MƆƐ NU 16:9

A yɛɛ chɛ ma, Yataa‑a koe ɔ yian fan Pɔɔ a, yɔ a ni cho an dɔ. A‑a mɔ kaima yen fan, min ka‑a Masidonia chɛnyɛ ɔ, a ɛ sɔ ɔ a disa‑a, a ɔ, “Na nɛ nn tena Masidonia, i ni nn deman.”

CHISƆSI 'A SƆ MƆƐ NU 9:36

Chɔpa duu wɛɛ ɔ, musu dɔndɔ ni wan nɔ, min tɔ ni Tabita. A na‑a a kai fa wan Chisɔsi a. Kiisi mɔɛ n ni a chee, an dɔ, Dɔkasi, min fasaien ni dɔmba. A 'a fɔɛ gbɛɛ ɔ, a ni wai nyima wa an chɛ, a ɛ basan yɔn tɔɛ n bɛɛ ma.

CHISƆSI 'A SƆ MƆƐ NU 9:38

Chɔpa ɔ nii ma yansan Dida a. Mbɛ Chisɔsi fɛ mɔɛ nu Chɔpa, an‑na a a min kɛn, mbɛ Pita ɛ Dida, an‑na mɔ fea n sɔ wan a tena. An dɔ, a dimu, a ni na bui chɛ a nɔ an tena, Chɔpa.

CHISƆSI 'A SƆ MƆƐ NU 9:42

Mɔɛ n gbɛɛ Chɔpa duu ɔ, an‑na koe chɛ a min fan, a si musu chɛ ma. Chɛ‑a a ma wan to, mɔ sɛsɛ n‑na an kai fa Mansa Chisɔsi a.

CHISƆSI 'A SƆ MƆƐ NU 9:43

Pita ni wan Chɔpa tee sɛsɛ ko a, kamin dɔndɔ a sondaya a, min tɔ ni Saimɔn. Saimɔn chɛ ni kanche an na.