CHISƆSI 'A SƆ MƆƐ NU 10:4 - Yataa 'a Dɔbɛnɛ Nama

⁴ A‑a maeka chɛ ma fɛn fan tidan, a chianden ba ɛ. Mbɛ a‑a a ɔ tisa, a ɔ, “Mansa, fen mu?” Mbɛ maeka chɛ ɔ, “Yataa‑a i 'a samunɛ n na min. A‑a a ɔ yen, e boo fenɛ miin be tena yɔn tɔɛ n ma. A sin, a ma bɛnden mu, a ni i 'a samunɛ a bia.

CHISƆSI 'A SƆ MƆƐ NU 10:4 ပူးပေါင်းရင်းမြစ်များ

MATIU 26:13

A‑a min ma ka, n ni a ma din wo tena, a ee danka‑a nɛ. Chɛɛ kan kɔ kan dunya chɛ ɔ, sakana bai chɛndɛ chɛ ɛ fɔ‑a kaina, musu chɛ 'a ko chɛndɛ chɛ wɛɛ, ɛ fɔ‑a wan nɔ, mɔɛ n gbɛɛ ni a a min.”

DUKU 1:29

Mɛi kɔndɔ fii‑a wan maeka chɛ 'a bai chɛ a, mbɛ a bun‑da a yii na chii‑a a ma.

DUKU 24:5

Musu chɛ n chian‑da wan kaka, mbɛ an‑na an kunɛ a bun duu ma. Mbɛ kamin chɛ n dɔ, “Wo ma na wo ya a kan‑da kamba ɔ chɛndɛ ba a.

CHISƆSI 'A SƆ MƆƐ NU 10:31

Mbɛ a‑a a fɔ, a ɔ, ‘Kɔniyɔsi, Yataa‑a i 'a samunɛ a min. A sin, a‑a a ɔ yen, e boo fenɛ miin be yɔn tɔɛ n ma.

CHISƆSI 'A SƆ MƆƐ NU 14:9

An kamin chɛ too ma sɔen fan ni, Pɔɔ ni kɛn koɔ‑a. A sin, Pɔɔ‑a a ya sɔ wan a a. Mbɛ a‑a a ɔ yen, mbɛ an kamin chɛ, danaya ɛ wan a ɔ, min mbe che a ma‑a, a ni baun,

CHISƆSI 'A SƆ MƆƐ NU 22:10

“Mbɛ n‑na dɔ tisa chɛ wan, n dɔ te, ‘Mansa, n mbe fen ma gbɛ?’ “Mbɛ Mansa Chisɔsi ɔ te n ma, ‘I kɔɔ sɔ, i ni don Damasikɔsi duu ɔ. E ma‑a nɔ wan, mbɛ ko ɔ ko ɔ yian‑da i a, Yataa‑a koe min dɔ bɛn i ko a, a ma koe a.’

CHISƆSI 'A SƆ MƆƐ NU 3:4

Mbɛ an‑na an ya sɔ kamin chɛ a paden, mbɛ Pita ɔ, “Nn ma fɛn.”

Gboo Fiipai Ko A 4:18

N‑na fen kɔ fen ma sɔn fan, wo‑a miin na na n ye. A sin, n yii nii min dɔ, n‑na an gbu ma sɔn. N mbe wo wai bɔ tena, wo 'a samba fen chɛ n ko a, n‑na miin ma sɔn, a ka Ɛpafɔditɔsi a. A‑a a bɔ n ko a, chɛndɛ chɛ. An samba fen chɛ, ɛ wan dechee yɔ yasi, min kunyɛ a di, a sin, a ko a di Yataa ye, a sin, Yataa toen fan mu a a.

Gboo Fiipai Ko A 4:6

Ko ɔ ko kan kɔ kan ma wo faa gbaa. Chɛɛ wo 'a samunɛ ɔ, wo 'a Yataa ma nande ɔ, wo a ma, a ni a ɔ sɔn, wo toen mu a ni koe miin chɛ wo ye, tima ɔ tima ko a. A sin, wo a wai bɔ koe n gbɛɛ ko a, a‑a miin chɛ wo ye.

GBOO IBU MƆƐ N KO A 13:16

Wo ma nyina ko chɛndɛ ma koe a, a basan wo nyɔn deman koe a. Koe min na mu, koe n fan nɛ miin mu yasi a, Yataa faa chima koe a.

GBOO IBU MƆƐ N KO A 6:10

Koe min na mu, Yataa ee kaa yama a tɛ, a ni nyina wai chɛndɛ chɛ ma, wo‑a min chɛ. A yɛ to, wo na‑a Yataa 'a mɔɛ n bia wan chɛndɛ chɛ, wo sin mbe tun an bia‑a a buɛ ɔ. Chɛ‑a a ɔ yian fan Yataa a, mbɛ wo toen mu a a.

KO Ɔ NUNDENƐ 8:4

Mbɛ fen kunyɛ a diama chɛ, a sisi sɛ‑a, a basan Yataa 'a mɔɛ n 'na samunɛ a. Sisi chɛ sɛ‑a wan, a bɔ maeka chɛ boo ɔ, min mbe Yataa baima.