CHISƆSI 'A SƆ MƆƐ NU 10:37 - Yataa 'a Dɔbɛnɛ Nama

³⁷ Wo‑a a sɔn fan, min ma‑a Chu chɛnyɛ gbɛɛ ɔ. A kuu sɔ‑a Kadidi wan, Chɔn ban‑da kɛn a ɔ yian‑da mɔɛ n na, a si yii chɛ koe ma an kunɛ ɔ, Yataa chia a.

CHISƆSI 'A SƆ MƆƐ NU 10:37 ပူးပေါင်းရင်းမြစ်များ

MATIU 2:1

Chisɔsi na‑a suun gbɛ Bɛtɛɛn duu ɔ wan, Chudia chɛnyɛ ɔ. Mansa Ɛdɔdi 'a tima kɔɔ ni. A tima chɛ a, a yen ko, yiimatɛ tɔɛ n na‑a Chuusaɛn duu ɔ, a ka tee bɔ, chɛnyɛ ɔ yansama ɔ.

MATIU 3:6

An dɔn‑da an 'na ko yama n ma, fanka ɔ den. Mbɛ Chɔn‑na yii chɛ an kunɛ ɔ, Yataa chia a, Chɔdan yii ɔ.

DUKU 23:5

Chɛɛ tima chɛ gbu a ni, an‑na a kɔ din gbasaya wandi gbu a, an dɔ, “Ɛ kanɛ min chɛ tena, ɛ a ma tena wan gbun ba ni gbasi Chudia chɛnyɛ chɛ gbɛɛ ɔ. A‑a a kuu sɔ Kadidi chɛnyɛ ɔ wan, mbɛ sanche gbɛ a che‑a nɛ a 'a kan chɛ‑a.”

DUKU 4:14

Mbɛ Chisɔsi yɛ‑a Kadidi chɛnyɛ ɔ, Yataa Nyina ɛ a fɛ, gbasaya be koe a a ma. Mɔɛ n‑na a ma tɔɛ a min fan Kadidi tanda gbɛɛ ɔ.

CHISƆSI 'A SƆ MƆƐ NU 10:36

Wo‑a a ɔ sɔn fan, Yataa‑a bai min na ta Isɔɛɛ mɔɛ n tena. A ni wan sakana bai chɛ ɔ yian‑da, mbɛ faachima ɛ sɔn fan Yataa a, Chisɔsi Chasi 'a gbasaya ɔ, min mu mɔ gbu gbɛɛ 'a mansa a.

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 2:22

Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma.

CHISƆSI 'A SƆ MƆƐ NU 26:26

Koe min na mu, Mansa Akipa‑a koe chɛ n gbɛɛ ɔ sɔn fan. A sin fan tena mu, n mbe koɔ tena ka, ko ɔ ko boo ee n na. Koe min na mu, n yiima a koen fan mu, mbɛ a chen kɔɔ mu, koe chɛ n gbɛɛ ma‑a. Koe min na mu, an nii ma chɛ ni a ɔ nun dɔ.

CHISƆSI 'A SƆ MƆƐ NU 28:22

Chɛɛ chɛ gbɛɛ ɔ, nn toen mu, nn ni i wandi kanɛ ɔ kuiɛ a min, nn ni i ta yiima sɔn. Koe min na mu, koe min sien mu Chisian dɔbɛn chɛ ma, nn‑na a ɔ sɔn fan, mbɛ kan kɔ kan, mɔɛ n mbe a ma nyin fan.”