CHISƆSI 'A SƆ MƆƐ NU 10:36 - Yataa 'a Dɔbɛnɛ Nama

³⁶ Wo‑a a ɔ sɔn fan, Yataa‑a bai min na ta Isɔɛɛ mɔɛ n tena. A ni wan sakana bai chɛ ɔ yian‑da, mbɛ faachima ɛ sɔn fan Yataa a, Chisɔsi Chasi 'a gbasaya ɔ, min mu mɔ gbu gbɛɛ 'a mansa a.

CHISƆSI 'A SƆ MƆƐ NU 10:36 ပူးပေါင်းရင်းမြစ်များ

MATIU 11:27

Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma ko ɔ ko kun ma. Fa dɔndɔ gbe an‑na n sɔn chɛndɛ chɛ. N bɛɛ n dɔndɔ gbe an‑na Fa sɔn chɛndɛ chɛ. N‑na mɔɛ miin ya Fa sɔn koe a, an bɛɛ‑a a sɔn fan chɛndɛ chɛ.

MATIU 28:18

Mbɛ Chisɔsi gbɛn‑da an ma, mbɛ a ɔ, “Fa min mbe banda bu ɔ, a‑a gbasaya gbɛɛ be n ma, fen fen kan kɔ kan kun ma, banda bu ɔ a basan dunya chɛ ma a.

DUKU 1:79

Mɔɛ miin mbe saya pimbi pimbi ɔ, ɛ an bɔ‑a wan a ɔ. Ɛ manɛ be‑a wan an ma, a ta faachima fɔɛ ɔ.”

DUKU 24:47

Yataa 'a gboo‑a a fɔ wan to, mbɛ a 'a sakana bai chɛ ɛ che‑a wan mɔɛ n ma dunya chɛ gbɛɛ ɔ n tɔɛ ɔ. Mbɛ mɔɛ n ni an kan kɔ sɔ an 'na ko yama n na, min mbe a ma, Yataa ni a boo bɔ an 'na ko yama n dɔ. A ɔ, an ni sakana bai chɛ ɔ yian Chuusaɛn duu pɛn dɔ.

CHISƆSI 'A SƆ MƆƐ NU 10:37

Wo‑a a sɔn fan, min ma‑a Chu chɛnyɛ gbɛɛ ɔ. A kuu sɔ‑a Kadidi wan, Chɔn ban‑da kɛn a ɔ yian‑da mɔɛ n na, a si yii chɛ koe ma an kunɛ ɔ, Yataa chia a.

CHISƆSI 'A SƆ MƆƐ NU 11:19

An na‑a Sitibin fa tima min na, mɔɛ n‑na a a kuu sɔ wan ko ma gbaaenɛ sa‑a mɔɛ chɛ n ma, miin na‑a an kai fa Chisɔsi a. Chɛ na‑a a ma wan, mɔɛ miin na‑a an kai fa ka Chisɔsi a, an gbɛɛ fasan‑da a ɔ gbuu. An ta‑a wan aan a che Fonisia chɛnyɛ ɔ. Dɔ n sin ta‑a wan Saipɔsi yii tinɛ ɔ, ni Andiɔki duu wa chɛ ɔ. An nii bai ɔ yian mɔ dɔ gbɛɛ n na, a si Chisɔsi wakoe ma, mɔɔ dechee Chu mɔɛ nu.

CHISƆSI 'A SƆ MƆƐ NU 13:32

A sin, nn mbe ka nɛ, min mbe a ma, nn ni sakana bai chɛndɛ chɛ ɔ yian wo a. Mbɛ Yataa na‑a tooɔdia min chɛ mmɔ bemba n ta bemba n na,

CHISƆSI 'A SƆ MƆƐ NU 13:46

Chɛɛ a tima gbu a ni gbɛ, Pɔɔ, an fea Banabasi a, an‑na bai sa faagbɛa a. An dɔ, “A ni nyin, nn ni Yataa da a bai chɛ ɔ yian wo pɛn na. Chɛɛ wo‑a wo boo sɔ wan a ya ɔ, wo‑a a ɔ yian wo sɔnɛ ɔ, mbɛ a ma nyin, wo ni kuɔ fɔ fɔɛ chɛ ma sɔn. A yen ko gbɛ, nn bɛɛ, nn‑na nn ya a yɛ chɛ n ma, miin ma Chu mɔ a.

CHISƆSI 'A SƆ MƆƐ NU 2:36

Mbɛ Pita a ɔ te gbɛ, “Chɛ an‑na a fɔ, wo gbɛɛ, wo wɛn mbe ka Isɔɛɛ chɛnyɛ chɛ ɔ, wo ni chɛ ɔ sɔn. Mbɛ tea gbu ko a, Chisɔsi chɛ, wo‑a min gbangban ka kɔn gbengbandenɛ ma, Yataa wandi‑a an ma ka kunka mansa a, wo baun mɔɛ.”

CHISƆSI 'A SƆ MƆƐ NU 5:31

Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.

GBOO DOMI KO A 14:9

Koe min na mu, Chisɔsi Chasi fa‑a wan, mbɛ a‑a a kɔɔ sɔ a ka saya ɔ. Chɛ na‑a ma, min mbe a ma, a ni ma mansa a mmɔ gbɛɛ ko a, mmɔ wan chɛndɛ ba nu, mmɔ bɛ fuɛ n na.

GBOO DOMI KO A 5:1

Chɛ an fɛ mu, mmɔ ya‑a mɔ tandenɛ n na, mmɔ 'a danaya ko a Yataa a. Chɛ an‑na a fɔ gbɛ, mmɔ 'a mansa Chisɔsi Chasi‑a a ma, mmɔ ɛ faachima ɔ Yataa a.

GBOO SAA KƆYINDI KO A 15:27

Yataa‑a a fɔ wan a 'a gboo ɔ, a ɔ, a‑a a ma wan fen fen si‑a Chasi chen kɔɔ. Chɛɛ chɛ ma a ɔ yian ni, mbɛ ni a fɔ‑a, fen fen, mbɛ a wan Yataa wandi wɛɛ si‑a wan Chasi chen kɔɔ. Koe min na mu, a wan‑na a ma, fen fen si‑a Chasi chen kɔɔ.

GBOO SAA KƆYINDI KO A 15:47

Mɔ kaima saa saa chɛ, a bɔ‑a duu gboo an dɔ, a nyan‑da fifii ɔ. Mɔ kaima fean bɔɛ chɛ sin, a ka‑a banda bu ɔ wan.

Gboo Fiipai Ko A 2:11

An gbɛɛ, an ni a bɔ an da ɔ, an dɔ, Chisɔsi Chasi an mu mansa a. Chɛ an mbe na basɔmaya a, mmɔ Fa Yataa tena.

Gboo Kɔdɔsai Ko A 1:20

Yataa‑a a ɔ bɛn fan to, fen kɔ fen dunya chɛ ɔ, ni banda bu ɔ, Chisɔsi‑a a ma, an ma‑a a wan Yataa dia nyɔɛ n na. Yataa‑a chɛ ma wii chɛ an dɔ, Chisɔsi‑a min na bɔn kɔn gbengbandenɛ ma.

GBOO IBU MƆƐ N KO A 1:2

Chɛɛ mmɔ ɛ ka tee dankama nɛnɛ chɛ miin kɔɔ, dunya e na to ban‑da, a koɔ‑a gbɛ mmɔ tena a 'a denɛ an dɔ. A‑a an yian, ma koe a fen kɔ fen kun ma dunya ɔ. A sin gbu ni dunya gbɛɛ a dan tena tima min na, a na‑a a ma a 'a den chɛ an na gbasaya ɔ.

GBOO IBU MƆƐ N KO A 13:20

Yataa‑a a ma wan, mmɔ 'a mansa Chisɔsi‑a a kɔɔ sɔ, a ka saya ɔ. Mmɔ ɛ wan gbɛ yɔ sa nu, Chisɔsi ɛ miin kun ma fɛn. A‑a a wandi wii a bɔn fan, mmɔ ko a. Chɛ sin ma‑a wan dɔbɛn nama a, min mbe ma‑a kuɔ fɔ ko a. Chisɔsi wii chɛ 'a gbasaya ɔ, Yataa min mbe faa chima be,

1 PITA 3:22

A wan Chisɔsi Chasi chɛ sɛ‑a banda bu ɔ, ɛ kaina min si ɔ Yataa boo nyima ɔ. Ɛ nɔ mansaya ɔ maeka n gbɛɛ kun ma, ni fen fen min gbasa, a sin mbe gbasaya ɔ banda bu ɔ.

KO Ɔ NUNDENƐ 1:18

Mbɛ a ɔ, “A yen ko, chi ɛ n boo ɔ saya ko a, a basan ta koe a faa a. N faen fan ni, chɛɛ a yen ko, n mbe fɔɛ ɔ kuɔ fɔ ni kuɔ fɔ ko a. N fan, fɔɛ ɛ n fan boo ɔ.

KO Ɔ NUNDENƐ 1:5

A ka to Chisɔsi Chasi wɛɛ tena, tea bai sa mɔɛ, a wɛn pɛn‑na a kɔɔ sɔ saya ɔ, a sin‑na gbasaya benden mu mansa kan kɔ kan ma dunya ma, an mbe an kɔɔ. Chisɔsi toen mu mmɔ a, a sin‑na mmɔ kun ka wan, mmɔ 'a ko yama n dɔ, a wii a.

KO Ɔ NUNDENƐ 17:14

Soe yama chɛ, an bɛ mansa tan chɛ n na, an mbe chɛɛ bun‑da wan sa tɔngbɔɛ ma. Chɛɛ sa tɔngbɔɛ chɛ, an bɛ a fɛ mɔɛ n na, an mbe tu‑a wan an chɛɛ ma nyɔɛ chɛ n na chɛndɛ chɛ. Koe min na mu, sa tɔngbɔɛ an mu mansa wa a, mansa wa n gbɛɛ kun ma mansa. A fɛ mɔɛ nu, an mu mɔɛ chɛ n fan na, Yataa‑a a boo sɔ miin ma, mbɛ a‑a an chee. An sin, an fan kai faen mu a a.”

KO Ɔ NUNDENƐ 19:16

Doma kai chɛ min ni a ma, a woo kun ma, tɔɛ an nyɛnden ni a ma, min ni Mansa Wa 'a Mansa a.