CHISƆSI 'A SƆ MƆƐ NU 10:35 - Yataa 'a Dɔbɛnɛ Nama

³⁵ Chɛɛ mɔ gbu kan kɔ kan dunya chɛ ɔ, i wɛn mbe chian Yataa ma, mbɛ i‑a a faa ma koe ma, ɛ a boo si‑a wan i mɔɛ chɛ kɔɔ.

CHISƆSI 'A SƆ MƆƐ NU 10:35 ပူးပေါင်းရင်းမြစ်များ

DUKU 1:28

Maeka chɛ na‑a wan Mɛi tena, mbɛ a‑a a kɔndɔn, mbɛ a ɔ, “Mansa Yataa ɛ i fɛ gban, mbɛ a sin‑na i dua a ɔ bendenɛ a.”

CHISƆSI 'A SƆ MƆƐ NU 10:2

An kamin chɛ ni mɔɛ an na, min ni kooya be Yataa ma. A ni Yataa fai wan tima ɔ tima ko a, an bɛ a 'a chen 'na mɔɛ n gbɛɛ a. A boo fenɛ nii ma dɔɔ, a ni min be, basan koe a yɔn tɔɛ n ma. A gboo ɔ nii fa, samunɛ chɛ koe a.

CHISƆSI 'A SƆ MƆƐ NU 10:28

Mbɛ a‑a a fɔ an ye, a ɔ, “Wo wandi gbu, wo‑a a ɔ sɔn fan, mbɛ nn 'na Chu sawa‑a min fɔ. Mbɛ nn fan Chu mɔ kan kɔ kan, nn mbe ee ta mɔ ɔ mɔ dɔ gbɛɛ 'a chen na. Chɛ ma, nn ni gbɛn an ma, miin ma Chu mɔ a. Chɛɛ Yataa ban‑da a ɔ yian‑da n na, mbɛ n ma tɛ mɔ gbu kan kɔ kan dɔ, n gbu ma mɔ ma nyamui koe fɔ.

CHISƆSI 'A SƆ MƆƐ NU 15:9

A sin ma tɛ bɔ kan kɔ kan yian ni mmɔ tɛ, mmɔ bɛ an na. Chɛɛ a‑a a ma wan, an faa ɔ gbɛ‑a, koe min na mu, an‑na an kai fa Chisɔsi a.

CHISƆSI 'A SƆ MƆƐ NU 9:31

Mbɛ a ka gbɛ a tima chɛ ma, faachima yɛ‑a wan to mɔɛ chɛ n ma, chɔchi n gbɛɛ ɔ. A ka Chudia chɛnyɛ ɔ, a ta Kadidi, ni Samayia chɛnyɛ ɔ. Yataa Nyina basan‑da wan an ma, an dɔ gbɛa koe a. A sin, an ma munda‑a wan kaka, a mu min na, an gbɛɛ ni basɔmaya wa be wan Mansa Chisɔsi ma.

GBOO DOMI KO A 2:13

An ma a fɔ ni, mbɛ sawa chɛ, a a min koe dechee an mbe a ma, mɔɛ ni ma mɔ tandenɛ a Yataa tena. Chɛɛ mɔɛ min mbe a a min‑da, mbɛ a tachɛ‑a a a chɛndɛ chɛ, Yataa ɛ an ya‑a mɔ tandenɛ a.

GBOO DOMI KO A 2:14

Mɔɛ miin ma Chu mɔɛ n na, sawa chɛ nii an boo ɔ. Chɛɛ tima ɔ tima ko a, ni an‑na koe chɛ n ma an kun ma a a, miin nyin an ma koe a sawa chɛ ta fɛ chia a, a nyin an ko a. An‑na a ɔ yian fan ka, mbɛ Mosisi nii ma sawa chɛ a ben nin bɛɛ an tena, chɛɛ an‑na ko chɛndɛ tɛ bɔɛ sɔn fan ko yama a.

GBOO DOMI KO A 3:22

Yataa ɛ mmɔ ya wan mɔ tandenɛ n na a chen kɔɔ, ni mmɔ‑a mmɔ kai fa Chisɔsi Chasi a. Yataa ɛ chɛ ma wan mɔ ɔ mɔ ko a, min kai faen mu Chisɔsi a. Koe min na mu, a ni ma Chu mɔ a, a ma ma Chu mɔ a, Yataa ɛ mɔɛ gbɛɛ bia dɔndɔ gbe.

GBOO SAA KƆYINDI KO A 12:13

A chia dɔndɔ gbe chɛ a, mmɔ wan mɔ gbu gbɛɛ, mmɔ ɛ ka wan. Mmɔ ni ma Chu mɔ a, chɛ ma, mɔɛ nu miin ma Chu mɔ a, mmɔ ni ma yɔn fan na, mmɔ ma ma yɔn na. Yii min chɛ‑a mmɔ kunɛ ɔ, Yataa chia a, a Nyina‑a mmɔ ma mɔ dɔndɔɛ a, gboo dɔndɔɛ sɛ‑a mmɔ ma. A sin, Yataa‑a an Nyina dɔndɔ gbe chɛ a na, ma koe a mmɔ fɛ.

GBOO FEAN BƆƐ KƆYINDI KO A 7:1

N dia nyɔɛ nu, tooɔdia chɛ n fan mbe mmɔ ko a. Chɛ ko a, mmɔ mmɔ boo a ko, a bɔ ko yama gbɛɛ ɔ. Fen kɔ fen, miin mbe a ma, mmɔ ma ɛ nyamui Yataa tena, mmɔ 'a fɔɛ gbɛɛ ɔ, mmɔ ni mmɔ boo a ko an ma. Mmɔ gbu sin, mmɔ 'a fɔɛ gbɛɛ ɔ, mmɔ ni ma tenchen Yataa ko a, a ma chianɛ ni ma mmɔ ɔ.

Gboo Kadesia Ko A 3:28

Wo gbɛɛ, wo bɛ Chisɔsi Chasi a, wo ma‑a gbɛ mɔ dɔndɔɛ a. Tɛ bɔ kan kɔ kan mbe ee to Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin mu yɔnɛ n na, an bɛ chɛ n na, miin mbe an fandi ko a. Tɛ bɔ ee mɔ kaima an ma, an bɛ musu n na. Mɔ tɛ bɔ ee to nɔ.

Gboo Ɛfisɔsi Ko A 1:6

Mmɔ Yataa tando kamaya chia chɛ ko a, a‑a a 'a koadia demanɛ ɔ yian mmɔ a min na, a faa gbɛɛ a. A‑a chɛ sin ma, a faa ma denɛ an dɔ.

Gboo Ɛfisɔsi Ko A 5:21

Wo chian‑da ka buɛ min dɔ Chasi ma, wo don wo nyɔn kɔɔ.

Gboo Fiipai Ko A 3:3

Mmɔ wan mu Yataa 'a mɔɛ n na, tea tea ko a. Koe min na mu, mmɔ wan mbe Yataa fai a Nyina 'a gbasaya ɔ. Mbɛ mmɔ yɛ‑a, mmɔ‑a buɔdia bɔ, mmɔ ma koe a mɔ dɔndɔɛ a Chisɔsi a. Mmɔ ma mmɔ kai fa ni ko dɔ mende kan kɔ kan na, mɔ gbu ɛ che min ma‑a.

Gboo Kɔdɔsai Ko A 1:6

Sakana bai chɛndɛ chɛ ɛ a ma tena wan, ko chɛndɛ sɛsɛ ɛ mɔɛ n tan tena tima ɔ tima ko a dunya gbɛɛ ɔ. A sin, wo wandi wɛɛ tɛ ɔ, ɛ ma tena ka wan. A bia tee saa saa chɛ ma, wo na‑a a a min kɛn, mbɛ wo dan‑da koadia demanɛ a chɛndɛ chɛ, Yataa ɛ min chɛ tea tea ɔ.

Gboo Kɔdɔsai Ko A 3:11

Chɛ an fɛ mu, sɔn nama chɛ ɔ, tɛ bɔ kan kɔ kan mbe ee Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin na kaminchaen mu, an bɛ chɛ n na, miin na ma kamincha ni. Tɛ bɔ ee chɛ n bɛɛ ma, miin ka‑a chɛnyɛ dɔ mende n dɔ, a ee yɔnɛ n ma, a ee fia ɔ mɔɛ n ma, an bɛ mɔɛ n na, miin mu mansaenɛ a. Chɛɛ Chasi an mu koe a, a sin mbe wan gbɛ wo gbɛɛ 'a fɔɛ ɔ.

1 CHƆN 2:29

Wo‑a a ɔ sɔn fan, mbɛ Chisɔsi tanden fan mu Yataa tena. A sin mbe nyan fan gbɛ, wo ni a ɔ sɔn, mbɛ mɔ ɔ mɔ min tanden mu, Yataa 'a denɛ mu a a.