CHISƆSI 'A SƆ MƆƐ NU 10:34 - Yataa 'a Dɔbɛnɛ Nama

³⁴ Mbɛ Pita bun‑da koɔ‑a, a ɔ, “Sanche mu ka gbɛ, n‑na a ɔ sɔn, tea ko a, mbɛ Yataa ee mɔ gbu gbɛɛ tɛ bɔ.

CHISƆSI 'A SƆ MƆƐ NU 10:34 ပူးပေါင်းရင်းမြစ်များ

MATIU 22:16

Mbɛ an‑na an fɛ mɔɛ dɔ n na ta Chisɔsi tena, a basan Mansa Ɛdɔdi fɛ mɔɛ dɔ n na. An che‑a kɛn a ma, an dɔ, “Ticha, nn‑na a ɔ sɔn fan, mbɛ danaya tɔɛ mu i a. A yɛ to, e mɔɛ n kan Yataa 'a bai miin gbɛɛ a, tea mu a a. I ma i gbɔsɔ ni, mɔ gbu ɛ min fɔ a si i ma, chɛɛ e tea an na tachɛ tun. A yɛ to, nn‑na a ɔ sɔn fan, mbɛ e tea be tea ti an ma.

MATIU 5:2

Mbɛ a‑a a kuu sɔ an kan‑da, a ɔ,

DUKU 20:21

Mbɛ sɔ mɔɛ chɛ n na‑a, an dɔ, “Ticha, nn‑na a ɔ sɔn fan, mbɛ e bai miin gbɛɛ fɔ, tea mu. Nn‑na a ɔ sɔn fan, mbɛ ee i boo don mɔ gbu n tɛ ɔ, chɛɛ e mɔɛ n kan Yataa 'a bai miin gbɛɛ a, tea mu a a.

CHISƆSI 'A SƆ MƆƐ NU 10:33

Mbɛ an‑na a ma, n‑na mɔɛ n sɔ i chee‑a bui chɛ a. I wɛɛ, i‑a ko chɛndɛ ma wan, i na koe a. Chɛ an fɛ mu, sanche gbɛ, mmɔ gbɛɛ a sɔn sɔn‑da nɛ Yataa chen kɔɔ. Nn gbɛɛ sin too ma sɔen mu ka gbɛ i wan ma, Mansa Yataa‑a bai min don i da a, nn ko a, nn ni an bai a min.”

CHISƆSI 'A SƆ MƆƐ NU 15:9

A sin ma tɛ bɔ kan kɔ kan yian ni mmɔ tɛ, mmɔ bɛ an na. Chɛɛ a‑a a ma wan, an faa ɔ gbɛ‑a, koe min na mu, an‑na an kai fa Chisɔsi a.

CHISƆSI 'A SƆ MƆƐ NU 8:35

Mbɛ Fiipi‑a an kaina chɛ fasai kamin chɛ ye, a ni ka kaina min kan tena. Mbɛ a‑a sakana bai chɛndɛ chɛ ɔ yian kamin chɛ a, a si Chisɔsi ma.

GBOO DOMI KO A 2:11

Koe min na mu, Yataa ee a 'a mɔɛ n tɛ bɔ, ɛ ma a 'a kaa a tɛ‑a.

GBOO DOMI KO A 3:29

Yataa ee dechee Chu mɔɛ n fan ko a, ɛ wan mɔɛ chɛ n bɛɛ ko a, miin ma Chu mɔɛ n na. Ɛ ka wan tea gbu a.

Gboo Kadesia Ko A 2:6

A sin, mɔɛ chɛ nu, baa ni miin ma (Yataa ee mɔ gbu tɛ bɔ, chɛ ko a mu, n ma n gbɔsɔ ni an ni buɛ min dɔ), an nɛnɛ nu, an nii ma fen fen na. Ka n ni chɛ fɔ to, mɔɛ miin mu, baa ni an ma, an nii ma fen kɔ fen sa ni n 'na sakana bai kun ma.

Gboo Ɛfisɔsi Ko A 6:9

Wo wan yɔn ti nu, wo wɛɛ, wo wo 'a yɔnɛ n bia a buɛ chɛ ɔ. Wo sɛmbɛ a ma koe a, tima ɔ tima ko a, an ni chian wo ma. Wo ni a ɔ sɔn, mbɛ wo bɛ an na, wo e min ko a, ɛ banda bu ɔ wan. A sin, a ee mɔ gbu n tɛ bɔ, ɛnden bɛɛ a.

Gboo Kɔdɔsai Ko A 3:11

Chɛ an fɛ mu, sɔn nama chɛ ɔ, tɛ bɔ kan kɔ kan mbe ee Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin na kaminchaen mu, an bɛ chɛ n na, miin na ma kamincha ni. Tɛ bɔ ee chɛ n bɛɛ ma, miin ka‑a chɛnyɛ dɔ mende n dɔ, a ee yɔnɛ n ma, a ee fia ɔ mɔɛ n ma, an bɛ mɔɛ n na, miin mu mansaenɛ a. Chɛɛ Chasi an mu koe a, a sin mbe wan gbɛ wo gbɛɛ 'a fɔɛ ɔ.

Gboo Kɔdɔsai Ko A 3:25

Chɛɛ ko yama ma mɔɛ, ɛ a 'a pawa ma sɔn‑da wan an koe chɛ ko a, a‑a min ma. A sin, Yataa ee mɔ ɔ mɔ a yɛ‑a a boo kɔ, ɛ ma‑a chɛ ma‑a.

CHIMISI 2:1

N suun ma nyɔɛ nu Chasi ɔ, wo ma to mɔɛ dɔ n na, a ni ben dɔ n ma. Ni wo‑a chɛ ma, wo ee che a fɔ‑a, mbɛ wo kai faen fan mu mmɔ 'a mansa Chisɔsi Chasi a, min mbe si ɔ a 'a basɔmaya ɔ.

CHIMISI 2:4

Wo ni a ɔ sɔn, mbɛ wo‑a wo boo don ka mɔɛ n tɛ an dɔ. Wo‑a wo yii na chii buɛ min dɔ, a ma nyin.

CHIMISI 2:9

Chɛɛ ni wo ma samba‑a nyan tɔɛ n dechee an ko a, wo e ma‑a ka ko yama an ma‑a. Koe min na mu, wo e ma‑a ka sawa chɛ an yɔn‑da.

1 PITA 1:17

Ni wo ma‑a samun‑da a tena, wo e a chee wo Fa an na. A sin mbe ma kaa a tɛ‑a, a ee a boo don mɔɛ n tɛ ɔ. Ɛ kaa a tɛ mɔ ɔ mɔ chɛ chɛ wai n fan ma. Chɛ an‑na a fɔ, sonda mu ka buɛ min dɔ wo 'a fɔɛ chɛ ɔ nɛ dunya ma, wo chian Yataa ma, aan a che tee dankama tee ma.