CHISƆSI 'A SƆ MƆƐ NU 10:32 - Yataa 'a Dɔbɛnɛ Nama

³² Chɛ an fɛ mu, mɔɛ a ta Chɔpa, kamin dɔndɔ chee koe a, min tɔ mu Saimɔn. A tɔɛ dɔndɔɛ an nɛ Pita. Ɛ kamin dɔndɔ an 'na sondaya a, min tɔ mu to Saimɔn. Saimɔn chɛ mu kanche an na, a sin, a 'a chenɛ ɛ kɔ yii kaa a wan.’

CHISƆSI 'A SƆ MƆƐ NU 10:32 ပူးပေါင်းရင်းမြစ်များ

CHƆN 18:28

Sau sau ma ni, mbɛ an bɔ‑a Chisɔsi a Kayafasi chen kɔɔ, an ta‑a a a. Mbɛ an na‑a Domi kun ti chen kɔɔ, min ni kɔfana a Chudia chɛnyɛ ɔ. Mɔ fanka min na‑a ka Chisɔsi a, an nii ma don ni kata chɛ ɔ, an to‑a a baa ma wan. Chu sawa ta fɛ chia a, an toen ni an ni an fandi bia chɛndɛ chɛ. Chɛ an mbe a ma, an ni daunɛ chɛ, kun bɔ a ɔ bɛnɛ chɛ kun ma, aan an ni ban.

CHƆN 4:9

Mbɛ musu chɛ ɔ, “Chɛɛ Chu mɔɛ mu i a, n sin mu Samayia mɔɛ a. Mmɔ ma to ni mmɔ nyɔn na ɛnden bɛɛ a. E kun kan ma i ni yii fuin n ma?”

CHISƆSI 'A SƆ MƆƐ NU 10:31

Mbɛ a‑a a fɔ, a ɔ, ‘Kɔniyɔsi, Yataa‑a i 'a samunɛ a min. A sin, a‑a a ɔ yen, e boo fenɛ miin be yɔn tɔɛ n ma.

CHISƆSI 'A SƆ MƆƐ NU 10:33

Mbɛ an‑na a ma, n‑na mɔɛ n sɔ i chee‑a bui chɛ a. I wɛɛ, i‑a ko chɛndɛ ma wan, i na koe a. Chɛ an fɛ mu, sanche gbɛ, mmɔ gbɛɛ a sɔn sɔn‑da nɛ Yataa chen kɔɔ. Nn gbɛɛ sin too ma sɔen mu ka gbɛ i wan ma, Mansa Yataa‑a bai min don i da a, nn ko a, nn ni an bai a min.”

CHISƆSI 'A SƆ MƆƐ NU 10:5

A sin, sanche gbɛ, mɔɛ n na ta Chɔpa duu ɔ, kamin dɔndɔ chee koe a, min tɔ mu Saimɔn. A tɔɛ dɔndɔɛ an nɛ, Pita.

CHISƆSI 'A SƆ MƆƐ NU 11:14

Ɛ sakana bai fɔ‑a wan i ye, min mbe na‑a bauncha a i tena, wo bɛ i 'a chen 'na mɔɛ n gbɛɛ a.’

CHISƆSI 'A SƆ MƆƐ NU 11:3

an dɔ, “I ta‑a wan mɔɛ chɛ n 'na chenɛ a, mɔɛ miin na ma kamincha ni ka, mbɛ wo gbu sin yɛ‑a to, wo bɛ an na, wo‑a daunɛ chɛ kaina dɔndɔ. Fen ko a mu, i‑a chɛ ma?”

CHISƆSI 'A SƆ MƆƐ NU 15:7

An‑na a tɛnsɛ kɛn pien, an nyɔn tɛ ɔ, mbɛ Pita‑a a kɔɔ sɔ. A ɔ, “N suun ma nyɔɛ nu Chasi ɔ, wo‑a a ɔ sɔn fan, Yataa‑a koe min ma. Mbɛ tima ɛnden ko a gbɛ, Yataa na‑a a boo sɔ wan n ma wo tɛ ɔ, n ni sakana bai chɛndɛ chɛ, a si Chisɔsi ma, a ɔ yian mɔɛ chɛ n na, miin ma Chu mɔ a. An ni an bai chɛ a min, mbɛ an‑na an kai fa Chisɔsi a.

CHISƆSI 'A SƆ MƆƐ NU 16:9

A yɛɛ chɛ ma, Yataa‑a koe ɔ yian fan Pɔɔ a, yɔ a ni cho an dɔ. A‑a mɔ kaima yen fan, min ka‑a Masidonia chɛnyɛ ɔ, a ɛ sɔ ɔ a disa‑a, a ɔ, “Na nɛ nn tena Masidonia, i ni nn deman.”

CHISƆSI 'A SƆ MƆƐ NU 9:43

Pita ni wan Chɔpa tee sɛsɛ ko a, kamin dɔndɔ a sondaya a, min tɔ ni Saimɔn. Saimɔn chɛ ni kanche an na.

CHISƆSI 'A SƆ MƆƐ NU 9:6

Chɛɛ i kɔɔ sɔ, i ni ta Damasikɔsi duu wa chɛ ɔ. Mɔɛ ɛ a ɔ yian‑da wan i a nɔ, e koe min ma.”