CHISƆSI 'A SƆ MƆƐ NU 10:28 - Yataa 'a Dɔbɛnɛ Nama

²⁸ Mbɛ a‑a a fɔ an ye, a ɔ, “Wo wandi gbu, wo‑a a ɔ sɔn fan, mbɛ nn 'na Chu sawa‑a min fɔ. Mbɛ nn fan Chu mɔ kan kɔ kan, nn mbe ee ta mɔ ɔ mɔ dɔ gbɛɛ 'a chen na. Chɛ ma, nn ni gbɛn an ma, miin ma Chu mɔ a. Chɛɛ Yataa ban‑da a ɔ yian‑da n na, mbɛ n ma tɛ mɔ gbu kan kɔ kan dɔ, n gbu ma mɔ ma nyamui koe fɔ.

CHISƆSI 'A SƆ MƆƐ NU 10:28 ပူးပေါင်းရင်းမြစ်များ

MAKI 7:2

An na‑a a ɔ yen fan, mbɛ an woo mɔɛ n‑na kanɛ min to an boo ɔ, Chisɔsi fɛ denɛ dɔ n nii bea tena an kan chɛ fɛ. Koe min na mu, an fɛ den chɛ nu, an mbe ee an boo a ko a chia ma, yɔ kan chɛ‑a a fɔ buɛ min dɔ, mɔ e na daunɛ chɛ. (

DUKU 18:11

“Fayisii chɛ ka‑a wan mɔɛ tɔɛ chɛ n baima, mbɛ a ta‑a a sɔ‑a a dɔndɔ gbe a, mbɛ a‑a a kuu sɔ samunɛ chɛ‑a. A ɔ, ‘Yataa, en wai, n ta n mbe ee ka yɔ mɔ dɔ gbɛɛ nu. N ta, n ma bɛnchɛ, n sin ma kafa tɔ a. A yɛ to, n mbe ee waa ma basan musu a, n ma miin fuu ni. Mɔɛ dɔ n mbe ka wan, chɛɛ n ta, n mbe ee ka. En wai, a mu min na, n mbe ee ka yɔ pawa kain mɔɛ chɛ wɛɛ pande sɔ ɔ.

CHƆN 18:28

Sau sau ma ni, mbɛ an bɔ‑a Chisɔsi a Kayafasi chen kɔɔ, an ta‑a a a. Mbɛ an na‑a Domi kun ti chen kɔɔ, min ni kɔfana a Chudia chɛnyɛ ɔ. Mɔ fanka min na‑a ka Chisɔsi a, an nii ma don ni kata chɛ ɔ, an to‑a a baa ma wan. Chu sawa ta fɛ chia a, an toen ni an ni an fandi bia chɛndɛ chɛ. Chɛ an mbe a ma, an ni daunɛ chɛ, kun bɔ a ɔ bɛnɛ chɛ kun ma, aan an ni ban.

CHƆN 4:27

Ɛ bai chɛ fɔ‑a dechee, mbɛ a fɛ denɛ chɛ n yɛ‑a, a ka duu ɔ. A sin, an da ɔ gbaa‑a wan, an‑na a tan kɛn chia ɔ bɔɛ ɔ, an fea musu chɛ a. Chɛɛ an dɔndɔ wɛɛ ma musu chɛ ɔ tisa ni, a ni a fɔ, a ɔ, “I toen mu fen na?” Dɔndɔ wɛɛ ma Chisɔsi ɔ tisa ni, a ni a fɔ, a ɔ, “Fen mu e koɔ‑a musu chɛ tena?”

CHƆN 4:9

Mbɛ musu chɛ ɔ, “Chɛɛ Chu mɔɛ mu i a, n sin mu Samayia mɔɛ a. Mmɔ ma to ni mmɔ nyɔn na ɛnden bɛɛ a. E kun kan ma i ni yii fuin n ma?”

CHISƆSI 'A SƆ MƆƐ NU 10:29

Chɛ an fɛ mu, i‑a mɔɛ n na ta kɛn n chee‑a, n ma n kun dɔ nyan ni, na koe a. A ɔ yian gbɛ n na, i‑a n chee fen ko a?”

CHISƆSI 'A SƆ MƆƐ NU 11:9

Mbɛ kuiɛ chɛ ɔ te to, a ɔ, ‘Yataa ɛ a fɔ fenɛ min ma, a nyin, i ma a fɔ, mbɛ a ma nyamuienɛ mu.’