CHISƆSI 'A SƆ MƆƐ NU 10:23 - Yataa 'a Dɔbɛnɛ Nama

²³ Mbɛ Pita‑a kamin chɛ n chee a 'a chenɛ a, an yɛɛ chɛ ma, an ma‑a sonda n na a tena. A banda ɔ ka ma, an ta‑a wan, an bɛ mɔɛ chɛ n na. A sin, suun ma nyɔɛ chɛ dɔ nu Chasi ɔ, a ka Chɔpa duu ɔ, an bɛɛ‑a a sɔ wan an fɛ.

CHISƆSI 'A SƆ MƆƐ NU 10:23 ပူးပေါင်းရင်းမြစ်များ

CHISƆSI 'A SƆ MƆƐ NU 1:15

Tee kuunden gbakɔ, mɔɛ miin‑na an kai fa Chisɔsi Chasi a, an bɛn‑da wan kaina dɔndɔ. An danɛ taen fan ni mɔ chɛmɛ dɔndɔ, ni mɔ bi fea ɔ. Mbɛ Pita‑a a kɔɔ sɔ, koɔ koe a an tena.

CHISƆSI 'A SƆ MƆƐ NU 10:29

Chɛ an fɛ mu, i‑a mɔɛ n na ta kɛn n chee‑a, n ma n kun dɔ nyan ni, na koe a. A ɔ yian gbɛ n na, i‑a n chee fen ko a?”

CHISƆSI 'A SƆ MƆƐ NU 10:33

Mbɛ an‑na a ma, n‑na mɔɛ n sɔ i chee‑a bui chɛ a. I wɛɛ, i‑a ko chɛndɛ ma wan, i na koe a. Chɛ an fɛ mu, sanche gbɛ, mmɔ gbɛɛ a sɔn sɔn‑da nɛ Yataa chen kɔɔ. Nn gbɛɛ sin too ma sɔen mu ka gbɛ i wan ma, Mansa Yataa‑a bai min don i da a, nn ko a, nn ni an bai a min.”

CHISƆSI 'A SƆ MƆƐ NU 10:45

Pita n bɛ na‑a wan Chɔpa duu ɔ, an bɛ Chu mɔɛ n na, miin na‑a an kai fa Chisɔsi a. An da ɔ gbaa‑a wan, koe chɛ ɔ yen koe a. Mbɛ Yataa ɛ kun fan, a ni a ma, a Nyina ni ma mɔɛ chɛ n bɛɛ fɛ, miin ma Chu mɔ a.

CHISƆSI 'A SƆ MƆƐ NU 11:12

A sin, Yataa Nyina‑a a fɔ wan n ye, mbɛ n ma sika, chɛɛ nn bɛ ni ta an na. Suun ma nyɔn wɔdɔɛ chɛ nu, Chasi ɔ, an bɛɛ‑a n ma sɔ wan. Nn ka‑a wan Chɔpa, nn ta‑a Sisayea duu ɔ, mbɛ nn don‑da kamin chɛ 'a chenɛ a.

CHISƆSI 'A SƆ MƆƐ NU 28:15

A sin, suun ma nyɔɛ nu nɔ, Chasi ɔ, an‑na nn ma tɔɛ a min kɛn, an‑na nn tan. An na‑a wan nn ya ɔ, aan a che machiti chɛ ɔ, an mbe min chee, an dɔ, Apiyɔsi Machiti. An dɔ n sin, an na‑a wan, aan a che kaina chɛ, an mbe min chee, an dɔ, Sonda Yia Chen Sawa. Pɔɔ‑a an yen kɛn, a ma‑a wan a ma faachima a, mbɛ a‑a Yataa wai bɔ.

CHISƆSI 'A SƆ MƆƐ NU 9:36

Chɔpa duu wɛɛ ɔ, musu dɔndɔ ni wan nɔ, min tɔ ni Tabita. A na‑a a kai fa wan Chisɔsi a. Kiisi mɔɛ n ni a chee, an dɔ, Dɔkasi, min fasaien ni dɔmba. A 'a fɔɛ gbɛɛ ɔ, a ni wai nyima wa an chɛ, a ɛ basan yɔn tɔɛ n bɛɛ ma.

CHISƆSI 'A SƆ MƆƐ NU 9:38

Chɔpa ɔ nii ma yansan Dida a. Mbɛ Chisɔsi fɛ mɔɛ nu Chɔpa, an‑na a a min kɛn, mbɛ Pita ɛ Dida, an‑na mɔ fea n sɔ wan a tena. An dɔ, a dimu, a ni na bui chɛ a nɔ an tena, Chɔpa.

CHISƆSI 'A SƆ MƆƐ NU 9:42

Mɔɛ n gbɛɛ Chɔpa duu ɔ, an‑na koe chɛ a min fan, a si musu chɛ ma. Chɛ‑a a ma wan to, mɔ sɛsɛ n‑na an kai fa Mansa Chisɔsi a.

GBOO FEAN BƆƐ KƆYINDI KO A 8:21

Nn 'na yiinachii mu chɛ an na. Mbɛ nn ni koe ma, tea ɛ min dɔ, Mansa Yataa chen kɔɔ, ni mɔ gbu n bɛɛ ya a.

GBOO IBU MƆƐ N KO A 13:2

Wo ma wo boo bɔ ko chɛndɛ ma koe ɔ, sonda n na. Koe min na mu, mɔɛ dɔ n to‑a ko chɛndɛ ma an na, a yiima wɛɛ nii an dɔ, mbɛ an‑na an boo si maeka n kɔɔ.

1 PITA 4:9

Ni wo bɔɛ n na‑a wo 'a chenɛ n na, sondaya a, wo ma gbonyɛ wo boo n si koe a an kɔɔ. An bɛɛ ni a ma ka wo ko a.