CHISƆSI 'A SƆ MƆƐ NU 10:22 - Yataa 'a Dɔbɛnɛ Nama

²² Mbɛ an dɔ, “Kaminɛ min mbe soya chɛmɛ dɔndɔɛ chɛ n ya ɔ, an‑na nn sɔ. A tɔ mu Kɔniyɔsi. A ɛ kooya be wan Yataa ma, a sin tanden mu. A sin to, Chu mɔɛ n gbɛɛ‑a basɔmaya be wan a ma. Maeka an bɔ‑a Kɔniyɔsi chɛ ya a, mbɛ a‑a a fɔ a ye, a ɔ, a ni i chee a 'a chenɛ a. A ɔ, a ni i da a bai a min, e min fɔ‑a.”

CHISƆSI 'A SƆ MƆƐ NU 10:22 ပူးပေါင်းရင်းမြစ်များ

MATIU 1:19

Chosɛfi‑a bu koe chɛ ɔ sɔn kɛn, a na‑a a yii na chii wan, a ni a boo bɔ a ma koe ɔ yɛdɛn. Koe min na mu, mɔ tandenɛ ni a a, a nii ma to ni a ni baa bɔ Mɛi ma fanka ɔ.

MATIU 2:12

Mbɛ Yataa‑a an na si wan cho ɔ, mbɛ an ma bɔ Mansa Ɛdɔdi waa chia a. An‑na chia dɔ mende ya wan, an yɛ‑a.

MAKI 6:20

Mansa Ɛdɔdi chianden fan ni Chɔn bakoe ma. Koe min na mu, Chɔn ni mɔ tandenɛ an na, Yataa chen kɔɔ, min ni tenchen Yataa ko a. Chɛ na‑a a ma wan, Mansa Ɛdɔdi‑a a konde gbain. A toen ni a too ma sɔ koe a, Chɔn ni ma koɔ‑a. Chɛɛ chɛ gbɛɛ ɔ, a da a bai ni Mansa Ɛdɔdi kɔndɔ fii wan, tima ɔ tima ko a.

MAKI 8:38

Sanche, mɔ yama yama bonda chɛ n tɛ ɔ, miin mbe ee dan ko a, ni mɔ ɔ mɔ ban‑da n dɔ, a basan n da a kuiɛ a, n bɛɛ, n mbe na‑a wan banda a ɔ. N fan, Mɔ Gbu 'a Denɛ, n mbe na‑a tima min na mansaya ɔ, n mbe ban‑da wan a ɔ. A tima chɛ a, n mbe ma‑a wan man‑da, Fa Yataa 'a manɛ a, nn bɛ maeka n na.”

DUKU 2:25

A tima chɛ a, kamin dɔndɔ ni wan Chuusaɛn duu ɔ, min tɔ ni Simiyɔn. Kamin chɛ tanden fan ni Yataa tena. A yɛ to, a Yataa koen ni kaka. A ni gbɛ tima an ma kɔn tena, tima min na, Yataa ɛ di ka‑a Isɔɛɛ mɔɛ n ya a. Yataa Nyina ni wan a fɛ.

DUKU 23:50

Yatina, a tima chɛ a, kamin dɔndɔ ni wan nɔ min tɔ ni Chosɛfi. A na‑a ka Ayimatia duu ɔ wan, min ni Chudia chɛnyɛ ɔ. A sɔnɛ ni nyin, a yɛ to, mɔ tandenɛ ni a a. A sin, a ya ni tima chɛ an ya ɔ, tima min na Yataa ɛ a 'a mansaya ɔ yian‑da dunya chɛ ɔ. Chu gbakoo dɔndɔ ni a a, miin ni chiti tɛ koe n ma. Chɛɛ a nii ma toa si ni a bɔɛ chɛ n 'na yiinachii kɔɔ, koe chɛ n gbɛɛ ma koe a Chisɔsi a.

DUKU 9:26

Ni mɔ ɔ mɔ ban‑da n dɔ, a basan n da a kuiɛ a, n bɛɛ, Mɔ Gbu 'a Denɛ, n mbe na‑a tima min na mansaya ɔ, n mbe ban‑da wan a ɔ. A tima chɛ a, n mbe ma‑a wan man‑da Fa Yataa 'a manɛ a, nn bɛ maeka n na.

CHƆN 13:20

N mbe chɛ ma din wo tena, mbɛ mɔ ɔ mɔ min mbe a boo si‑a mɔɛ kɔɔ, n‑na miin sɔ, a‑a a boo si ka n fandi wɛɛ an kɔɔ. A sin, mɔ ɔ mɔ min mbe a boo a si‑a n kɔɔ, ɛ ma‑a ka a boo a si‑a Yataa an kɔɔ, min‑na n sɔ.”

CHƆN 17:20

“N mbe samunɛ min chɛ tena, n fɛ den chɛ n dechee an ko a ma. Chɛɛ mɔɛ chɛ n bɛɛ ko a, miin mbe an kai fa‑a n na, a mu min na, n fɛ den chɛ n koɔ‑a an tena a si n ma.

CHƆN 17:8

I 'a sakana chɛ, i‑a min be n ma an ko a, n‑na a a ben fan an tena. A sin, an‑na an too ma sɔ wan a ma. Mbɛ an‑na an boo a chii a ma, mbɛ tea mu, mbɛ n ka‑a i tena wan. A sin, an danden fan mu to a a, mbɛ i wan‑na n sɔ.

CHƆN 5:24

“N mbe chɛ ma din tena wo tena, mbɛ mɔɛ min mbe n da a bai a min‑da, a ni a kai fa Fa Yataa a, min‑na n sɔ, a mɔɛ chɛ ɛ kuɔ fɔ fɔɛ ma sɔn‑da wan. A mɔɛ chɛ, kaa a ee tɛ‑a a wakoe ma, a ni tɔɔ. A ban‑da saya ɔ tandin‑da, a ta kuɔ fɔ fɔɛ ɔ.

CHƆN 6:63

Yataa Nyina, an mbe fɔɛ be, chɛɛ mɔ gbu ta gbasaya ma fen kɔ fen na ɛnden bɛɛ a. N‑na bai miin fɔ ka wo ye, an fan mbe na Yataa Nyina a, min mbe fɔɛ be.

CHƆN 6:68

Mbɛ Saimɔn Pita ɔ, “Mansa, nn mbe ta‑a gbɛ nyɔn tena? A yen ko, i da a bai, an mbe a ma kɛn, mɔ gbu ni kuɔ fɔ fɔɛ ma sɔn.

CHISƆSI 'A SƆ MƆƐ NU 10:2

An kamin chɛ ni mɔɛ an na, min ni kooya be Yataa ma. A ni Yataa fai wan tima ɔ tima ko a, an bɛ a 'a chen 'na mɔɛ n gbɛɛ a. A boo fenɛ nii ma dɔɔ, a ni min be, basan koe a yɔn tɔɛ n ma. A gboo ɔ nii fa, samunɛ chɛ koe a.

CHISƆSI 'A SƆ MƆƐ NU 10:21

Mbɛ Pita‑a a kɔɔ sɔ, a yii‑a an tena, mbɛ a‑a a fɔ mɔ sawa chɛ n ye, a ɔ, “Wo e ka wo ya a kan tena n fan na. Fen mu wo na‑a?”

CHISƆSI 'A SƆ MƆƐ NU 10:30

Mbɛ Kɔniyɔsi ɔ, “Bi an‑na a ma gbɛ tee naanin, koe chɛ ma‑a. N ni wan samun chɛ‑a, tee kɔ kai ma, nɛ n 'na chenɛ a. Mbɛ a yen ko, n‑na mɔ kaima yen sɔ ɔ, a ma koa ɛ man‑da taun.

CHISƆSI 'A SƆ MƆƐ NU 10:33

Mbɛ an‑na a ma, n‑na mɔɛ n sɔ i chee‑a bui chɛ a. I wɛɛ, i‑a ko chɛndɛ ma wan, i na koe a. Chɛ an fɛ mu, sanche gbɛ, mmɔ gbɛɛ a sɔn sɔn‑da nɛ Yataa chen kɔɔ. Nn gbɛɛ sin too ma sɔen mu ka gbɛ i wan ma, Mansa Yataa‑a bai min don i da a, nn ko a, nn ni an bai a min.”

CHISƆSI 'A SƆ MƆƐ NU 10:6

Ɛ kamin dɔndɔ an 'na sondaya a, min tɔ mu Saimɔn. Kanche mu an kamin chɛ a, a sin, a 'a chenɛ ɛ kɔ yii kaa a wan.”

CHISƆSI 'A SƆ MƆƐ NU 11:14

Ɛ sakana bai fɔ‑a wan i ye, min mbe na‑a bauncha a i tena, wo bɛ i 'a chen 'na mɔɛ n gbɛɛ a.’

CHISƆSI 'A SƆ MƆƐ NU 22:12

“Damasikɔsi duu chɛ ɔ, kamin dɔndɔ ni wan nɔ, min tɔ ni Ananiyasi. A ni mɔɛ an na, min ni Yataa fai a faa gbɛɛ a, a sin ni koe chɛ n gbɛɛ ma wan, Chu n 'na sawa‑a miin fɔ. Chu mɔɛ n gbɛɛ Damasikɔsi, an mbe basɔmaya be wan a ma, a sɛmbɛnden na.

CHISƆSI 'A SƆ MƆƐ NU 24:15

Yiinatɛ dɔndɔ gbe chɛ, an mbe n dɔ, nn bɛ an na, a si Yataa ɛ min ma‑a. Mbɛ mɔ gbu kan kɔ kan, min tanden mu, ni min ma tan ni, ni a fa‑a, Yataa ɛ an mɔɛ chɛ kɔɔ sɔ wan to, a ka saya ɔ.

CHISƆSI 'A SƆ MƆƐ NU 6:3

Chɛ an fɛ mu, nn suun ma nyɔɛ nu Chasi ɔ, wo mɔ wɔnfea ya wo tɛ, basɔmaya ɛ wo boo ɔ miin ko a. Yataa Nyina ɛ miin fɛ, a yɛ to, miin yiima tɛen mu, min mbe a ma, nn ni wai chɛ nɛnɛ be an ma.

GBOO DOMI KO A 1:17

Koe min na mu, sakana bai chɛndɛ chɛ ɛ a ɔ yian tena wan, Yataa ɛ a ma buɛ min dɔ, mmɔ ni tan a tena. Chɛ ee bɔ ko dɔ mende kan kɔ kan dɔ, mɔɔ dechee danaya dɔndɔ gbe Yataa a. Ɛ wan dechee, yɔ Yataa 'a gboo‑a a fɔ buɛ min dɔ, a ɔ, “Mɔɛ min mbe a kai fa‑a Yataa a, ɛ an ya mɔ tandenɛ a, a sin fan mbe kuɔ fɔ fɔɛ ma sɔn.”

GBOO FEAN BƆƐ KƆYINDI KO A 5:18

Yataa an‑na koe chɛ n gbɛɛ ma, mmɔ ko a. A wan‑na a ma, Chasi‑a a ma, mmɔ ma‑a Yataa dia nyɔɛ a, mmɔ bɔ‑a chɛɛ ma nyɔncha ɔ. A sin fan‑na nn sɔ, mɔ dɔ mende n ma sawan koe a Yataa tena, dia nyɔncha ɔ.

1 TIMOTI 3:7

A sɔnɛ ma ni kawa mɔɛ chɛ n ye, miin mbe baa kɔ, min mbe a ma, an mbe ee tɔ yama si‑a a kun ma, mbɛ a chɛɛ‑a Sitana 'a gbai a.

GBOO IBU MƆƐ N KO A 10:38

A ɔ te to, “N 'na mɔɛ min mbe a kai fa‑a n na, n mbe an ya mɔ tandenɛ a, a sin fan mbe kuɔ fɔ fɔɛ ma sɔn. Chɛɛ ni min kɔ min‑na a kan kɔ sɔ n na, n bu ɔ ee dia‑a a mɔɛ chɛ a.”

GBOO IBU MƆƐ N KO A 11:2

Suun mɔɛ n na‑a an kai fa min chɛ Yataa a, an na‑a a ma, a faa chimaen ni an na.

GBOO IBU MƆƐ N KO A 12:23

Wo na‑a gbɛ Yataa 'a mɔɛ n 'na chɔchi ɔ, a 'a denɛ saa nu. A sin, an tɔɛ nyɛndenɛ mu banda bu ɔ gboo ɔ. Wo na‑a gbɛ Yataa tena, min mbe mɔ gbu gbɛɛ gbɛmbo‑a. Wo na‑a gbɛ fuɛ n tena, mɔɛ chɛ nu, Yataa na‑a miin ya mɔ tandenɛ n na, a chen kɔɔ, an fuɛ nu. A yɛ to, a‑a an ma yɔ a toen mu an ni ma buɛ min dɔ, banda bu ɔ.

2 PITA 3:2

N toen mu wo ni wo yii na chii bai chɛ n ma, Yataa 'a gbonka chɛ mɔɛ n na‑a miin fɔ suun. Wo ni wo yii na chii to sawa chɛ ma, Mansa Chisɔsi‑a min be, mmɔ baun mɔɛ. A sin, a 'a sɔ mɔɛ n na‑a an sawa chɛ a ben fan wo tena.

3 CHƆN 1:12

Demetiɔsi tana, mɔ ɔ mɔ ɛ a bai tena wan. A sin tea gbu sin ko a, nn bɛɛ, nn mbe wan a bai tena. I sin‑na a ɔ sɔn fan, mbɛ ni nn na‑a chɛ ma, tea ɛ wan a ɔ.

KO Ɔ NUNDENƐ 14:10

A ɔ, “Yataa wɛɛ, ɛ a 'a faagbandia gbɛ be‑a wan an mɔɛ chɛ n gbɛɛ ma.” A ɔ, “An mbe a 'a faatɛ tɔmbua a faenɛ ɛ gban, an mbe a min‑da wan.” A ɔ, “An mɔɛ chɛ n mbe tɔɔya‑a wan, ta a, a basan sen gbandi ma yawaenɛ a yɔ ta.” A ɔ, “Chɛ ɛ ma‑a wan an na, sa tɔngbɔɛ ya kɔɔ, a basan a 'a maeka n gbɛɛ a.”