CHISƆSI 'A SƆ MƆƐ NU 10:19 - Yataa 'a Dɔbɛnɛ Nama

¹⁹ Pita ni tun yiinachii an dɔ, a tima chɛ a, an koe chɛ ɔ gbɛ koe a, min mbe ka yɔ cho. Yataa Nyina‑a a fɔ a ye, a ɔ, “A yen ko, mɔ kaima sawa n na‑a, an mbe an ya a kan‑da i a.

CHISƆSI 'A SƆ MƆƐ NU 10:19 ပူးပေါင်းရင်းမြစ်များ

CHƆN 16:13

Chɛɛ ni Yataa Nyina chɛ na‑a, min mbe tea ɔ yian a si Yataa ma, ɛ a ma‑a wan, wo ni tea gbɛɛ ɔ sɔn. A ee koɔ‑a wo tena a kun ma gbasaya n dɔ, chɛɛ ɛ min na min‑da Yataa a, ɛ an fɔ‑a wo ye. A sin, koe miin mbe na tena ma‑a, ɛ an fan dɔ yian‑da wo a.

CHISƆSI 'A SƆ MƆƐ NU 10:18

Mbɛ an‑na chee chɛ, an dɔ, “Mɔ ɔ mɔ ɛ wan nɛ sondaya a, min tɔ mu Saimɔn Pita?”

CHISƆSI 'A SƆ MƆƐ NU 10:3

Tee kɔ kai ma ni, tee dɔndɔ a, mbɛ Kɔniyɔsi‑a koe ɔ yen, yɔ a ni cho ɔ wan. A‑a maeka yen fan pɛnɛnɛ a wandi ya a, a na‑a a tena, mbɛ a‑a a fɔ a ye, a ɔ, “Kɔniyɔsi!”

CHISƆSI 'A SƆ MƆƐ NU 11:12

A sin, Yataa Nyina‑a a fɔ wan n ye, mbɛ n ma sika, chɛɛ nn bɛ ni ta an na. Suun ma nyɔn wɔdɔɛ chɛ nu, Chasi ɔ, an bɛɛ‑a n ma sɔ wan. Nn ka‑a wan Chɔpa, nn ta‑a Sisayea duu ɔ, mbɛ nn don‑da kamin chɛ 'a chenɛ a.

CHISƆSI 'A SƆ MƆƐ NU 13:2

Tee dɔndɔ a, an ni kɛn sun bia a, an mbe ta‑a Mansa Yataa fai‑a, Yataa Nyina‑a a fɔ wan an ye, a ɔ, “Wo a ma n ye, Banabasi, an fea Sɔɔ a, an ni ma tenchen wai chɛ ko a, n‑na an chee min chɛ koe a.”

CHISƆSI 'A SƆ MƆƐ NU 15:7

An‑na a tɛnsɛ kɛn pien, an nyɔn tɛ ɔ, mbɛ Pita‑a a kɔɔ sɔ. A ɔ, “N suun ma nyɔɛ nu Chasi ɔ, wo‑a a ɔ sɔn fan, Yataa‑a koe min ma. Mbɛ tima ɛnden ko a gbɛ, Yataa na‑a a boo sɔ wan n ma wo tɛ ɔ, n ni sakana bai chɛndɛ chɛ, a si Chisɔsi ma, a ɔ yian mɔɛ chɛ n na, miin ma Chu mɔ a. An ni an bai chɛ a min, mbɛ an‑na an kai fa Chisɔsi a.

CHISƆSI 'A SƆ MƆƐ NU 21:4

Nn‑na nn ya a kan fan Chisɔsi fɛ mɔɛ dɔ n na nɔ, nn sin bɛ ni wan an na tɛn sɔngbɔ dɔndɔ ko a. Yataa Nyina 'a gbasaya ɔ, fɛ mɔɛ chɛ n‑na a fɔ wan Pɔɔ ye, a ma tachɛ a tun, a ta Chuusaɛn duu ɔ.

CHISƆSI 'A SƆ MƆƐ NU 8:29

Mbɛ Yataa Nyina‑a a fɔ Fiipi ye, a ɔ, “I ma tundu gbɛdɛn mɔto gbingbi chɛ baima.”

GBOO SAA KƆYINDI KO A 12:11

Yataa Nyina dɔndɔ gbe, an mbe a ma koe chɛ n gbɛɛ, an mbe che ma‑a, a ta faa ma a a. Mɔ gbu gbɛɛ, dɔndɔ dɔndɔɛ a, mmɔ ɛ dua chɛ ma sɔn an na.

1 TIMOTI 4:1

Chɛɛ Yataa Nyina ɔ, tima ɛ che‑a wan mɔɛ n ni sɛmbɛ dan koe a Chisɔsi Chasi a, mbɛ an bea nyina yama da a kuiɛ fɛ, a basan fania kanɛ a.