CHISƆSI 'A SƆ MƆƐ NU 10:11 - Yataa 'a Dɔbɛnɛ Nama11 A‑a banda bu ɔ yen fan a a ka‑a, mbɛ a‑a fenɛ yen yii‑a dunya ɔ, yɔ koa wa, a biaenɛ ɛ a tɔnkɔn naaninɛ ma. အခန်းကိုကြည့်ပါ။ |
N 'na danaya Yataa 'a sakana bai chɛndɛ chɛ a, a da faenɛ mu gban. Koe min na mu, Yataa 'a gbasaya ɛ wan sakana bai chɛ ɔ. Chia mu an na, Yataa ɛ a 'a mɔɛ n baun min na, a 'a mɔɛ chɛ n gbɛɛ, miin‑na an kai fa Chisɔsi a. A saa mu Chu mɔɛ n fan na, mbɛ chɛ n bɛɛ, miin ma Chu mɔ a, an na‑a an gbaa chia a.
An mu Isɔɛɛ mɔɛ n fan na, Yataa‑a a boo sɔ miin ma, a ɔ, a ta mɔɛ mu an na. A na‑a an ma wan a 'a denɛ n na, mbɛ a‑a a ɔ yian an na, a kamayaen mu buɛ min dɔ. A na‑a a 'a dɔbɛnɛ n chɛ wan an na, mbɛ a‑a a 'a sawa wɛɛ be Mosisi ma an ko a. Yataa na‑a a ɔ yian fan to an na, an mbe a fai buɛ min dɔ teaya ɔ. Yataa na‑a tooɔdia sɛsɛ chɛ wan an na.
Yataa‑a dɔbɛn chɛ an yian an na. Mbɛ Chisianɛ miin ma Chu mɔ a, an mbe an ta ma sɔn‑da wan dua gbɛɛ ɔ, Yataa ɛ min be. Ɛ ma‑a wan dechee yɔ Chisianɛ nu, miin mu Chu mɔɛ n na, an mbe a ma sɔn‑da buɛ min dɔ. Mɔɛ miin ma Chu mɔ a, an ma‑a mɔ dɔndɔɛ a, an bɛ Chu mɔɛ n na. Yataa‑a a 'a mɔɛ n too ɔ dia min na, mɔɛ miin ma Chu mɔ a, an bɛɛ an mbe a ma sɔn‑da wan. Koe min na mu, an mu mɔ dɔndɔɛ an na Chisɔsi Chasi a. Yataa 'a sakana bai chɛndɛ‑a a fɔ ka wan.
Chɛ an fɛ mu, sɔn nama chɛ ɔ, tɛ bɔ kan kɔ kan mbe ee Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin na kaminchaen mu, an bɛ chɛ n na, miin na ma kamincha ni. Tɛ bɔ ee chɛ n bɛɛ ma, miin ka‑a chɛnyɛ dɔ mende n dɔ, a ee yɔnɛ n ma, a ee fia ɔ mɔɛ n ma, an bɛ mɔɛ n na, miin mu mansaenɛ a. Chɛɛ Chasi an mu koe a, a sin mbe wan gbɛ wo gbɛɛ 'a fɔɛ ɔ.
Mbɛ Yataa 'a chenɛ, banda bu ɔ, a da a ka‑a. Mbɛ a 'a chen chɛ bu ɔ, mɔ ni kakaa yen fan nɔ. An kakaa chɛ, an ni a ɔ yian, mbɛ Yataa na‑a dɔbɛnɛ chɛ wan a 'a mɔɛ n na, Isɔɛɛ mɔɛ nu. Mbɛ banda manɛ mia mia bun‑da ben‑da, banda ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. Duu gboo samba‑a gbididi, sankɔɛ ɛ ta‑a bɔn‑da.