CHISƆSI 'A SƆ MƆƐ NU 1:4 - Yataa 'a Dɔbɛnɛ Nama

⁴ An bɛ ni wan tima dɔndɔ a daun chɛ tena, mbɛ a‑a dasi be an ma, a ɔ, “Wo ma bɔ Chuusaɛn duu ɔ, chɛɛ wo fen chɛ ma kɔn, Fa Yataa‑a wo too ɔ dia min be koe a wo ma. N na‑a a wakoe ɔ yian fan wo a,

CHISƆSI 'A SƆ MƆƐ NU 1:4 ပူးပေါင်းရင်းမြစ်များ

MATIU 10:20

Koe min na mu, wo e ma tena ka bai min fɔ‑a, a ee ma tena wo wandi an fɔ bai a. Chɛɛ a bai chɛ n mbe ka tena Yataa Nyina an tena. Fa Yataa ɛ a a na‑a wan, a ni bai chɛ n don wo da a, a fɔ koe a.

DUKU 11:13

Ni wo wɛn sɔnɛ yau ka, ni wo kosan fan fen chɛndɛ n be‑a wo 'a denɛ n ma, mmɔ Fa sin gbɛ, min mbe banda bu ɔ, ɛ fen chɛndɛ be‑a wan wo ma, min benden mu wo ta n ma. Ɛ Yataa Nyina be‑a wan chɛ n ma, miin mbe a ɔ tisa‑a a ko a.”

DUKU 12:12

A mu min na, Yataa Nyina ɛ wo kan‑da wan a tima chɛ a, wo e bai min fɔ‑a.”

DUKU 24:49

Mbɛ a yen ko, n mbe a a yii‑a wan wo tena, Fa Yataa na‑a wo too ɔ dia‑a min na. Chɛɛ wo ma ka nɛ Chuusaɛn aan wo ni gbasaya ma sɔn, min mbe ka‑a banda bu ɔ.”

CHƆN 14:16

N mbe fa ɔ tisa‑a wan, a ni a ma, wo ni demanɛ dɔ mende ma sɔn. A sin, ɛ a Nyina a na‑a wan, a ni ma wo fɛ tima ɔ tima ko a.

CHƆN 15:26

“Chɛɛ min mbe wo deman‑da, n mbe a sɔ‑a wan, a ka Fa tena. Fa Yataa Nyina chɛ, an mbe tea ɔ yian‑da wo a, a si a wandi ma. N mbe a ma‑a wan a ni ka Fa tena, a ni na wo tena. A sin, ɛ n bakoe ɔ yian‑da wan wo a.

CHƆN 20:22

Mbɛ a‑a a fia fu an ma fuu, mbɛ a‑a a fɔ an ye, a ɔ, “Yataa Nyina ni ma wo fɛ.

CHƆN 7:39

Chisɔsi na‑a chɛ fɔ, a yii ni Yataa Nyina chɛ an ma, min mbe ma‑a mɔɛ n fɛ, miin kai faenɛ ɛ ma‑a a a. Chɛɛ a tima chɛ a, Yataa Nyina chɛ nii ma yii nin bɛ, a ni ma an mɔɛ chɛ n fɛ. Koe min na mu, Chisɔsi kɔɔ ni ma sɔ nin bɛ, a ka saya ɔ, a ni sɛ manɛ ɔ.

CHISƆSI 'A SƆ MƆƐ NU 10:41

Chisɔsi nii ma bɔ ni mɔɛ gbɛɛ an ya a, chɛɛ a bɔ‑a dechee nn fan ya a. Yataa na‑a a boo sɔ nn fɛn ma, ma koe a sii n na. Nn fan‑na daun dɔndɔɛ chɛ, nn‑na nn min kaina dɔndɔɛ, Chisɔsi a sɔenɛ gbakɔ saya ɔ.

CHISƆSI 'A SƆ MƆƐ NU 2:33

Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena.