CHISƆSI 'A SƆ MƆƐ NU 1:3 - Yataa 'a Dɔbɛnɛ Nama

³ A ka Chisɔsi fa tee ma, aan tee bi naanin tɛ, chia sɛsɛ a, a‑a a wandi yian fan a 'a sɔ mɔɛ chɛ n na, tima sɛsɛ ko a. Chɛ ni a ma, an ni dan a a, mbɛ a ɛ wan to fɔɛ ɔ. A‑a a ma wan, mbɛ an‑na a ma gbɛ gbadan, a sin to, an‑na chia ɔ bɔɛ chɛ wan, a si Yataa 'a mansaya ma.

CHISƆSI 'A SƆ MƆƐ NU 1:3 ပူးပေါင်းရင်းမြစ်များ

MATIU 21:43

Mbɛ Chisɔsi ɔ te gbɛ, “Chɛ an fɛ mu, n ni a ma din wo tena, mbɛ gbasaya min gbɛɛ ɛ wo boo ɔ, ma koe a Yataa 'a mansaya kɔɔ, Yataa ɛ a gbasaya chɛ bɔ‑a wan wo boo ɔ. Mbɛ a‑a a be mɔɛ chɛ n ma, miin mbe a faa ma koe n ma‑a.

MATIU 28:9

An mbe ta‑a bui chɛ chɛ an na, mbɛ a yen ko, an‑na Chisɔsi yen sɔ ɔ an ya ɔ. Mbɛ a‑a an kɔndɔn, a ɔ, “Wo en chɛɛ n na.” A‑a an kɔndɔn kɛn, mbɛ an bea‑a a chen na, an‑na a chen kana bia, mbɛ an‑na a fai.

MATIU 3:2

A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.”

MATIU 4:2

A sin, Chisɔsi nii ma fen kɔ fen daun ni a tima chɛ a, tee bi naanin, ni pimbi bi naanin ko a. Mbɛ kɔnkɔɛ‑a a bia.

MAKI 16:19

Mbɛ Mansa Chisɔsi ban‑da kɛn koɔ‑a a fɛ den chɛ n tena, Yataa‑a a ya wan, a sɛ banda bu ɔ, mbɛ Chisɔsi si‑a a boo nyima ɔ.

CHƆN 20:26

Wichi dɔndɔ bendenɛ gbakɔ, an na sɔn‑da wan to kaina dɔndɔ chenɛ a, mbɛ an‑na a da a tɔn. Tɔmɔsi chɛ wɛɛ ni wan nɔ an tɛ ɔ a tima chɛ nɛnɛ kɔɔ. Chen chɛ a tɔndenɛ ni wɛɛ ka, chɛɛ Chisɔsi bɔ‑a wan to, a sɔ‑a an tɛtɛ ma. Mbɛ a yɛ‑a to, a ɔ, “Yataa ni faachima be wo ma.”

CHƆN 21:1

Chɛ gbakɔ, Chisɔsi‑a a wandi yian fan to a fɛ denɛ n na, Tibɛyasi yii wa fɛ. A sin na‑a chɛ ka wan a ɔ.

CHƆN 21:14

Chisɔsi kɔɔ sɔenɛ gbakɔ a ka saya ɔ, a gba sawan bɔɛ an nii nɛ, ɛ a wandi yian‑da a fɛ denɛ n na.

CHISƆSI 'A SƆ MƆƐ NU 13:31

a sin, tee sɛsɛ ko a, a ni bɔ wan mɔɛ chɛ n ya a, an bɛ ni ta miin na chia a a ka Kadidi chɛnyɛ ɔ, a sɛ Chuusaɛn duu ɔ. An fan mu sanche sii n na, a wan Chisɔsi ko a, mɔɛ n tena.

CHISƆSI 'A SƆ MƆƐ NU 19:8

Kau sawa ko a, Pɔɔ ni ta wan Chu n 'na samun chɛ chen chɛ a, a sin ni koɔ wan nɔ faagbɛa a. A ni koe n tɛnsɛ wan, an bɛ an na, a sin ni an disa wan, a si Yataa 'a mansaya wakoe ma.

CHISƆSI 'A SƆ MƆƐ NU 28:23

Mbɛ an‑na tee yian Pɔɔ a, an mbe bɛn tee min ma, a yia chenɛ a. An tee chɛ che‑a kɛn, an na‑a wan a tena, an da a koaen ba. Mbɛ a ka sau ma ma, aan yɛɛ ma tee a, Pɔɔ si‑a wan ko ɔ ko ma, a‑a a ɔ yian mɔɛ chɛ n na. Pɔɔ‑a bai ɔ yian fan, a si Yataa 'a mansaya ma, an yiima mun koe a Chisɔsi tena. A‑a bai chɛ bɔ sawa chɛ an dɔ, Yataa‑a miin be Mosisi ma, a basan gboo chɛ ɔ a, Yataa 'a gbonka chɛ mɔɛ n 'na gboo chɛ.

CHISƆSI 'A SƆ MƆƐ NU 28:31

A ni bai sa wan an tena, a si Yataa 'a mansaya ma. A yɛ to, a ni mɔɛ n kan fan, a si Mansa Chisɔsi Chasi ma. A nii chɛ ma nun dɔ, mɔ ɔ mɔ sin nii a a gban.

CHISƆSI 'A SƆ MƆƐ NU 8:12

Chɛɛ Fiipi‑a sakana bai chɛndɛ chɛ ɔ yian kɛn an na, a si Yataa 'a mansaya ma, a basan Chisɔsi Chasi tɔɛ a, mɔ sɛsɛ dan‑da wan a a. Mbɛ a‑a yii chɛ an kunɛ ɔ, Yataa chia a, musu nu, an bɛ kai n na.

GBOO DOMI KO A 14:17

Koe min na mu, mmɔ ɛ fenɛ miin daun, mmɔ ɛ miin min, an fan mbe ee Yataa ma mmɔ 'a mansa a. Chɛɛ a kuu si mu tan koe an na a tena, ni faachima, a basan buɔdia chɛ a, Yataa Nyina ɛ min be mmɔ ma.

Gboo Kɔdɔsai Ko A 1:13

A‑a mmɔ bɔ wan ko yama pimbi 'a gbasaya boo ɔ, mbɛ a‑a mmɔ don a faa ma denɛ 'a mansaya kɔɔ yɛdɛn.

Gboo Saa Tɛsadonika Ko A 2:12

Nn‑na wo nande wan, nn‑na wo bu ɔ dia. Nn‑na a ma din fan wo tena, mbɛ wo ni ma fɔɛ ɔ, min na di Yataa ye. A wan mbe wo chee tena, ma koe a a 'a mansaya kɔɔ, manɛ ɔ.

1 CHƆN 1:1

Nn mbe gboo chɛ min nyɛn tena ka, a sien mu mɔɛ chɛ an ma, an mbe min chee, an dɔ, Bai, min tɔ mu to Fɔɛ. A ni wan nɔ dunya a dan‑da tima min na. Nn‑na a yen fan nn ya a pɛnɛnɛ, nn‑na a kuiɛ a min, nn sin tindi tindi‑a wan nn nyɔn ma.