CHISƆSI 'A SƆ MƆƐ NU 1:24 - Yataa 'a Dɔbɛnɛ Nama

²⁴ Mbɛ an‑na samunɛ chɛ, an dɔ te, “Mansa Yataa, i wan‑na mɔ gbu gbɛɛ yii ma koe ɔ sɔn. Chɛ ko a, Fa, mɔ fea chɛ n tɛ ɔ, a ɔ yian nn na, ni i‑a i boo sɔ min ma,

CHISƆSI 'A SƆ MƆƐ NU 1:24 ပူးပေါင်းရင်းမြစ်များ

DUKU 16:15

Mbɛ Chisɔsi ɔ, “Mɔɛ n mu wo a, miin mbe an fandi n ma mɔ chɛndɛ n na an bɔɛ n ya kɔɔ, chɛɛ Yataa‑a wo faa n dɔ sɔn fan. Mɔ gbu n mbe fenɛ min ya fen ma kawaenɛ a, an mu fen ma nyamuienɛ a Yataa tena.

CHƆN 21:17

A gba sawan bɔɛ ɔ, a ɔ, “Kai Chɔn 'na denɛ Saimɔn, n ko a di wan i ye?” Chɛ nɛnɛ ɔ, Pita faa yɔn‑da wan, Chisɔsi ni sɔ ɔ tisa min chɛ‑a a a, ni a ko a di wan a ye. Chɛ ko a, mbɛ a ɔ, “Mansa, i‑a ko ɔ ko ɔ sɔn fan. I‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ, “N fɛ mɔɛ n kun ma fɛn, yɔ an mbe sa n kun ma fɛn buɛ min dɔ.”

CHISƆSI 'A SƆ MƆƐ NU 14:23

Mbɛ an‑na gbakoo n yian, an 'na chɔchi n gbɛɛ ɔ. Mbɛ an 'na sunɛ bia, an mbe ta‑a samunɛ chɛ‑a, mbɛ an‑na an konan Mansa Chisɔsi ma, an kai faen ni min na.

CHISƆSI 'A SƆ MƆƐ NU 15:8

A sin, Yataa min‑na mɔ ɔ mɔ faa ɔ koe sɔn, a dɔn‑da wan an ma koe a ka. A‑a a ma wan, Yataa Nyina bea‑a an bɛɛ fɛ, yɔ a‑a a ma buɛ min dɔ mmɔ ko a.

CHISƆSI 'A SƆ MƆƐ NU 6:6

Mbɛ mɔɛ chɛ n gbɛɛ, an na‑a mɔ wɔnfea chɛ n na Chisɔsi 'a sɔ mɔɛ chɛ n tena. Sɔ mɔɛ chɛ n‑na an boo bun fan an mɔ wɔnfea chɛ n ma, mbɛ an‑na samunɛ chɛ an ko a.

GBOO DOMI KO A 8:27

Yataa sin gbu, a‑a a ɔ sɔn fan, koe miin mbe mmɔ faa n dɔ. Chɛ an fɛ mu, ɛ a Nyina chɛ yii ma sɔn fan. A mu min na, Yataa Nyina chɛ ɛ a disa tena wan mmɔ ko a, a 'a mɔɛ nu. A Nyina chɛ sin mbe samunɛ chɛ tena koe chɛ an ko a, Yataa toen mu min na an ko a.

GBOO IBU MƆƐ N KO A 4:13

A sin, Yataa chen kɔɔ, fen kɔ fen mbe ee nɔ, min mbe nun a ma. Chɛɛ ko ɔ ko kan kɔ kan, an mbe wan sa ɔ den, a ya kɔɔ. Mmɔ gbɛɛ sin, mmɔ ɛ mmɔ chɛ chɛ wai ɔ yian‑da a wan na.

KO Ɔ NUNDENƐ 2:23

Mɔɛ chɛ n gbɛɛ, miin mbe a fɛ, n mbe an fa‑a wan. A sin chɔchi chɛ n gbɛɛ, an mbe a ɔ sɔn‑da wan, mbɛ n fan‑na mɔ ɔ mɔ yii ma sɔn, a basan mɔ ɔ mɔ faa ɔ koe a. Dɔndɔ, dɔndɔɛ a mu, n mbe an gbɛɛ pawa‑a, yɔ an mbe wai chɛ‑a buɛ min dɔ.”