CHISƆSI 'A SƆ MƆƐ NU 1:2 - Yataa 'a Dɔbɛnɛ Nama

² aan a sɔ tee chɛ a, Yataa‑a a wan Chisɔsi ya min ma, a sɛ banda bu ɔ. A e na to ya‑a, a sɛ banda bu ɔ, a 'a sɔ mɔɛ nu, a na‑a a boo sɔ miin ma, a koɔ‑a pɛn an tena, Yataa Nyina 'a gbasaya ɔ.

CHISƆSI 'A SƆ MƆƐ NU 1:2 ပူးပေါင်းရင်းမြစ်များ

MATIU 12:28

N mbe ee nyina yama n gbain tena mɔɛ n fɛ Bɛɛsɛbu 'a gbasaya ɔ. Chɛɛ n mbe an gbain tena Yataa Nyina 'a gbasaya an dɔ. Chɛ‑a a ɔ yian fan, mbɛ Yataa 'a mansaya ɛ gbɛ wo tɛ ɔ.”

MATIU 3:16

A‑a yii chɛ kɛn dechee Chisɔsi kunɛ ɔ, Yataa chia a, Chisɔsi bɔ‑a wan yii ɔ. Mbɛ a yen ko, banda da a ka‑a a ya a a, mbɛ a‑a Yataa Nyina yen, ɛ yii‑a yɔ bugbɔɛ, mbɛ a si‑a a ma.

MAKI 6:30

Mbɛ Chisɔsi 'a sɔ mɔɛ chɛ n yɛ‑a, an‑na a tan. An‑na a ɔ yian fan a a, an na‑a koe min gbɛɛ ma, a yɛ to, an na‑a mɔɛ n kan buɛ min dɔ.

DUKU 24:51

A to‑a an dua an na, mbɛ a bɔ‑a an tɛ ɔ, mbɛ Yataa‑a a ya a sɛ‑a a a banda bu ɔ.

DUKU 9:51

Tima chɛ ma ni kɛn gbɛ dɔɔya tena, Yataa na‑a tima min dɔ bɛn, Chisɔsi ya koe a a sɛ banda bu ɔ, Chisɔsi‑a a yiima ɔ bɛn fan sɛ koe a Chuusaɛn duu ɔ.

CHƆN 1:16

Koadia chinchimaya min faen mu a faa ɔ, an mbe a ma tena, ɛ mmɔ gbɛɛ dua tena tima sɛsɛ a.

CHƆN 13:1

Tima ni gbɛ che koe an na, kun bɔ a ɔ bɛn chɛ kuu sɔ koe a. Chisɔsi na‑a a ɔ sɔn fan, mbɛ tima an ni ka gbɛ che‑a, a ni dunya chɛ to, a ni yɛ a fa tena. Mɔɛ miin ni a fɛ dunya chɛ ɔ, a na‑a to wan an na tima ɔ tima ko a. A sin, mmɔ ɛ na tena a ɔ yen‑da, a to‑a buɛ min dɔ an na, a da faenɛ ɔ gban.

CHƆN 13:18

“N mbe ee bai chɛ fɔ tena wo gbɛɛ an ko a. N‑na a ɔ sɔn fan, n‑na n boo sɔ mɔɛ miin sima ma, ma koe a n fɛ. Chɛɛ Yataa 'a gboo‑a min fɔ, ɛ bɔ‑a wan a a. A‑a a fɔ wan, a ɔ, ‘Nn fea mɔɛ min na, nn mbe n 'na daun fenɛ ɔ du, a bun‑da n chɛɛ‑a.’

CHƆN 13:3

Chisɔsi na‑a a ɔ sɔn fan, mbɛ a fa ban‑da gbasaya gbɛɛ be‑a a ma, ko ɔ ko ma koe a. A na‑a a ɔ sɔn fan to, mbɛ a ka‑a Yataa tena wan, a sin mbe yɛ tena to nɔ wan.

CHƆN 16:28

N sin gbu ka‑a Fa tena wan, mbɛ n na‑a nɛ dunya chɛ ɔ. A sin, sanche chɛ ɔ, n mbe bɔ tena wan dunya chɛ ɔ, mbɛ n yɛ‑a Fa tena.”

CHƆN 17:13

A sin, sanche chɛ ɔ, n mbe gbɛ chia an na, na‑a i tena. Chɛɛ n mbe wɛ nɛ tima min na dunya chɛ ɔ, n mbe koe chɛ n gbɛɛ ɔ yian tena wan n fɛ den chɛ n na. Chɛ ɛ ma‑a wan, buɔdia min nyɔn sima ɛ n dɔ, an ni a buɔdia da faenɛ ma sɔn.

CHƆN 20:17

Mbɛ Chisɔsi ɔ, “Sɛmbɛ n bia koe a, a mu min na, n ma sɛ nin bɛ banda bu ɔ Fa tena. Chɛɛ ta n fɛ denɛ n tena, mbɛ i‑a a ɔ yian an na, mbɛ n mbe yɛ tena Fa tena, min mu wo wɛɛ fa a. A yɛ to, n 'na Yataa mu a a, wo wɛɛ 'a Yataa mu a a.”

CHƆN 20:21

Mbɛ a ɔ to an ma, a ɔ, “Yataa ni faachima be wo ma. Fa‑a n na na buɛ min dɔ dunya chɛ ɔ, n bɛɛ, a chia dɔndɔ gbe chɛ a mu, n mbe wo a ta tena a ɔ.”

CHƆN 3:34

Mɔɛ chɛ, Yataa‑a min na na, an mbe a 'a bai sa. Koe min na mu, Yataa‑a a Nyina min na yii, a ni ma a fɛ, a da faen gban.

CHƆN 6:62

Mbɛ a ɔ, “Chɛ ɛ wo faa mun‑da wan gbɛ yama yama. Ni wo‑a a ya gbɛ, mbɛ wo‑a n yen, n fan Mɔ Gbu 'a Denɛ, n mbe sɛ‑a to kaina chɛ, n ka‑a kaina min.

CHƆN 6:70

Chisɔsi ɔ, “N fan‑na n boo sɔ wo mɔ tan kun ma fea n chɛ n ma, ma koe a n fɛ, a ee ka wan? Chɛɛ Sitana faa an mbe wo dɔndɔ bu ɔ.”

CHISƆSI 'A SƆ MƆƐ NU 1:11

Mbɛ mɔ fea chɛ n dɔ, “Kadidi mɔɛ nu, fen mu wo e sɔ ɔ banda a fɛn‑da tidan? Chisɔsi chɛ, Yataa sɛ‑a ka min na banda bu ɔ, ɛ na‑a wan to mɔya chɛ ɔ, yɔ wo‑a a yen ka buɛ min dɔ sɛ‑a banda bu ɔ.”

CHISƆSI 'A SƆ MƆƐ NU 1:13

Mbɛ an don‑da kɛn duu gbu bu ɔ, an na sɔn‑da wan banda a chen dɔndɔ dumu ɔ, an yia ni min na nɔ banda a. Pita ni wan nɔ, an fea Chɔn na, ni Chimisi an fea Anduu a. Fiipi wɛɛ, an fea Tɔmɔsi a, ni Batɔɔmiu an fea Matiu a. A yɛ to, Chimisi dɔndɔɛ wɛɛ, kai Afiɔsi 'a denɛ ni wan nɔ, ni Saimɔn min ni a 'a chɛnyɛ ma chɛɛ chɛ tena, ni Chudasi dɔndɔɛ wɛɛ, kai Chimisi 'a denɛ.

CHISƆSI 'A SƆ MƆƐ NU 1:9

Chɛ fɔenɛ gbakɔ, a 'a sɔ mɔɛ n ya to‑a wan a a, aan a ya‑a a sɛ banda bu ɔ. Mbɛ a don‑da dingbii ɔ, a tuin‑da an ya a.

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

Gboo Kadesia Ko A 1:1

N fan Pɔɔ, n fan mbe gboo chɛ nyɛn tena, nn bɛ mmɔ suun ma nyɔɛ n gbɛɛ n na Chasi ɔ, miin mbe nɛ. Chisɔsi Chasi 'a sɔ mɔɛ mu n na. Mɔ gbu an ma a ma ni, chɛ ni ma. Chɛɛ Chisɔsi Chasi wandi, an‑na a ma, an fea mmɔ Fa Yataa a, min‑na Chasi chɛ kɔɔ sɔ a ka saya ɔ. N mbe a nyɛn tena wo wan tena, wo wɛn mbe chɔchi n dɔ, Kadesia chɛnyɛ ɔ.

Gboo Ɛfisɔsi Ko A 2:20

Wo sin, wo kuu sien fan mu gban, yɔ chenɛ. Chisɔsi Chasi 'a sɔ mɔɛ nu, an bɛ Yataa 'a gbonka chɛ mɔɛ n na, an fan‑na a ma, mbɛ wo kuu si‑a. Chen chɛ gbu sin, a sɔ senɛ kuu ba mu Chisɔsi Chasi wandi an na.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

GBOO IBU MƆƐ N KO A 9:24

Koe min na mu, Chasi don‑da banda bu ɔ wan. A nii ma don ni kaina chɛ wan, Yataa ɛ fai kaina, mɔɛ n‑na min nyan. A don‑da gbɛ banda bu ɔ, ma koe an na, Yataa chen kɔɔ, mmɔ ko a.

1 PITA 3:22

A wan Chisɔsi Chasi chɛ sɛ‑a banda bu ɔ, ɛ kaina min si ɔ Yataa boo nyima ɔ. Ɛ nɔ mansaya ɔ maeka n gbɛɛ kun ma, ni fen fen min gbasa, a sin mbe gbasaya ɔ banda bu ɔ.

2 PITA 3:2

N toen mu wo ni wo yii na chii bai chɛ n ma, Yataa 'a gbonka chɛ mɔɛ n na‑a miin fɔ suun. Wo ni wo yii na chii to sawa chɛ ma, Mansa Chisɔsi‑a min be, mmɔ baun mɔɛ. A sin, a 'a sɔ mɔɛ n na‑a an sawa chɛ a ben fan wo tena.

KO Ɔ NUNDENƐ 1:1

Yataa‑a koe chɛ n fan dɔ yian Chisɔsi Chasi a, koe miin ni na tena ma‑a sanche. Yataa na‑a chɛ ma, min mbe a ma, Chisɔsi wɛɛ ni an dɔ yian mɔɛ n na, miin mbe a ko a. Chɛ an fɛ mu, Chisɔsi‑a a 'a maeka sɔ wan, a ni an sakana chɛ a ben a 'a yɔnɛ Chɔn tena.

KO Ɔ NUNDENƐ 2:11

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ min mbe sɔ‑a gban Yataa ko a, a mɔɛ chɛ ee saya fean bɔɛ chɛ‑a.”

KO Ɔ NUNDENƐ 2:17

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ min mbe sɔ‑a gban Yataa ko a, a mɔɛ chɛ, n mbe daun fen chɛ dɔ be‑a wan a ma a daun koe a, daun fen nunden chɛ. A yɛ to, n mbe senɛ be‑a wan an mɔɛ chɛ ma, senɛ min gbɛenɛ ɛ, a sin, tɔ nama an nyɛndenɛ ɛ ma‑a a ma. Mɔɛ min mbe senɛ chɛ ma sɔn‑da, an mu dechee mɔɛ a, min mbe tɔɛ chɛ sɔn‑da.”

KO Ɔ NUNDENƐ 2:29

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.”

KO Ɔ NUNDENƐ 2:7

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ miin mbe sɔ‑a gban Yataa ko a, an mɔɛ chɛ nu, n mbe a ma‑a wan, an ni kɔnɛ chɛ gbɔɛ daun, kɔn chɛ Yataa 'a yadi ɔ banda bu ɔ, min mbe kuɔ fɔ fɔɛ be.”

KO Ɔ NUNDENƐ 21:14

Fɛnsi chɛ, duu chɛ a tindanɛ, a kuu sien ni sen gbugbu wa tan kun ma fea an ma. An senɛ chɛ n kan kɔ kan ma, sa tɔngbɔɛ 'a sɔ mɔ tan kun ma fea, an tɔɛ nyɛnden fan mu an ma. Sɔ mɔ dɔndɔ, sen dɔndɔ.

KO Ɔ NUNDENƐ 3:13

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.”

KO Ɔ NUNDENƐ 3:16

Chɛɛ wo ee ka buɛ chɛ ɔ, mɔ fufafuu mu wo a. Chɛ an fɛ mu, n mbe wo a fu‑a wan, wo ni bɔ n da ɔ.

KO Ɔ NUNDENƐ 3:22

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.”