CHISƆSI 'A SƆ MƆƐ NU 1:15 - Yataa 'a Dɔbɛnɛ Nama

¹⁵ Tee kuunden gbakɔ, mɔɛ miin‑na an kai fa Chisɔsi Chasi a, an bɛn‑da wan kaina dɔndɔ. An danɛ taen fan ni mɔ chɛmɛ dɔndɔ, ni mɔ bi fea ɔ. Mbɛ Pita‑a a kɔɔ sɔ, koɔ koe a an tena.

CHISƆSI 'A SƆ MƆƐ NU 1:15 ပူးပေါင်းရင်းမြစ်များ

MATIU 13:31

Chisɔsi‑a tai dɔ mende tɛ wan to an tena, a ɔ, “Yataa 'a mansaya maen fan mu yɔ min ma‑a tai chɛ ɔ. Kamin dɔndɔ na‑a chin fen kuu dɔɔma ɛndenɛ ya wan, mbɛ a‑a a chin a 'a yadi ɔ.

DUKU 22:32

Saimɔn, chɛɛ n‑na samunɛ chɛ i ko a, i chenɛ ni sɔ gban i 'a danaya ɔ n na. A sin, ni i‑a i ya a yɛ to n ma, a ma i bɔɛ n bɛɛ, an chenɛ ni sɔ gban an 'na danaya ɔ n na.”

CHƆN 14:12

N ni chɛ ma din wo tena, mbɛ mɔɛ miin mbe an kai fa‑a n na, an mɔɛ chɛ nu, an mbe wai bonda chɛ n chɛ‑a wan, n mbe miin chɛ. A sin gbu, an mɔɛ chɛ nu, an chɛ chɛ wai n mbe koa‑a wan. Koe min na mu, n mbe yɛ tena Fa tena, nn ni ma kaina dɔndɔɛ ɛ.

CHƆN 21:23

Chɛ‑a a ma wan, bai fasan‑da a ɔ Chisɔsi fɛ mɔɛ n tɛ ɔ, mbɛ a fɛ den chɛ nɛnɛ ee fa‑a to. Chɛɛ Chisɔsi nii ma a fɔ ni, mbɛ a gbu ee fa‑a. A na‑a a fɔ wan dechee, a ɔ, “Pita, i ta kuu? A ya mbɛ n gbu n‑na a fɔ, n dɔ, a fɔɛ ɛ to‑a wan a sun da a, aan n ni yɛ to dunya chɛ ɔ.”

CHISƆSI 'A SƆ MƆƐ NU 10:23

Mbɛ Pita‑a kamin chɛ n chee a 'a chenɛ a, an yɛɛ chɛ ma, an ma‑a sonda n na a tena. A banda ɔ ka ma, an ta‑a wan, an bɛ mɔɛ chɛ n na. A sin, suun ma nyɔɛ chɛ dɔ nu Chasi ɔ, a ka Chɔpa duu ɔ, an bɛɛ‑a a sɔ wan an fɛ.

CHISƆSI 'A SƆ MƆƐ NU 11:1

Bai ben‑da wan gbɛ a ɔ, Chudia chɛnyɛ gbɛɛ ɔ. A che‑a Chisɔsi 'a sɔ mɔɛ n ma, an bɛ suun ma nyɔɛ tɔɛ n na Chasi ɔ, a si mɔɛ chɛ n ma, miin ma ka Chu mɔ a. Mbɛ an bɛɛ, an‑na an boo si Yataa 'a bai kɔɔ.

CHISƆSI 'A SƆ MƆƐ NU 11:12

A sin, Yataa Nyina‑a a fɔ wan n ye, mbɛ n ma sika, chɛɛ nn bɛ ni ta an na. Suun ma nyɔn wɔdɔɛ chɛ nu, Chasi ɔ, an bɛɛ‑a n ma sɔ wan. Nn ka‑a wan Chɔpa, nn ta‑a Sisayea duu ɔ, mbɛ nn don‑da kamin chɛ 'a chenɛ a.

CHISƆSI 'A SƆ MƆƐ NU 11:26

A‑a a yen kɛn, a‑a a ma wan, mbɛ an fea yɛ‑a a a Andiɔki duu ɔ. An ni bɛn fan, an bɛ chɔchi mɔɛ chɛ n na, an mbe ta‑a an sɛsɛ kan‑da. An ni wan nɔ san dɔndɔ ko a. Andiɔki ni, tɔɛ chɛ si‑a an kun ma, an dɔ, Chisianɛ nu, an fɛn kai faen ni Chisɔsi a.

CHISƆSI 'A SƆ MƆƐ NU 11:29

Chisian chɛ n‑na a ɔ bɛn fan, an sɔɛ gbɛɛ ɔ, an ni an boo fenɛ n na ta, basan koe a an suun ma nyɔɛ n ma Chasi ɔ, miin ni Chudia chɛnyɛ ɔ. An dɔ, an ni chɛ ma yɔ an 'na gbasaya ɛ kun min nyɔn sima ma.

CHISƆSI 'A SƆ MƆƐ NU 12:17

Chɛɛ Pita ni wan a boo kai‑a an ma, an ma na sɔnkɔɛ chɛ. Mbɛ a si‑a a gbɛɛ ma, a‑a a ɔ yian, Mansa Yataa‑a a ma buɛ min dɔ, a bɔ‑a pimbi chen chɛ a. Pita‑a a fɔ wan an ye, a ɔ, an ni a ɔ yian Chimisi a, a basan an suun ma nyɔɛ n na Chasi ɔ. Mbɛ a ka‑a nɔ, a ta‑a kaina dɔ mende.

CHISƆSI 'A SƆ MƆƐ NU 14:2

Chɛɛ Chu mɔɛ tɔɛ chɛ nu, miin nii ma dɔn ni an kai fa koe a Chisɔsi a, an don‑da mɔɛ chɛ n dɔ, miin nii ma Chu mɔ a. A sin, an‑na an na sɛ wan Chisɔsi fɛ mɔɛ chɛ n ma.

CHISƆSI 'A SƆ MƆƐ NU 15:1

Chɛɛ mɔɛ dɔ n ka‑a wan Chudia chɛnyɛ ɔ, an na‑a Andiɔki duu chɛ ɔ. Mbɛ suun ma nyɔɛ chɛ nu Chasi ɔ, mɔɛ chɛ n‑na a kuu sɔ an kan‑da nɔ, an dɔ, “Yataa ee che wo baun‑da, mɔɔ ni an‑na wo a kamincha, yɔ Mosisi‑a mmɔ kan buɛ min dɔ.”

CHISƆSI 'A SƆ MƆƐ NU 15:3

Mbɛ chɔchi mɔɛ chɛ n‑na an ma saa kɛn, an ben‑da wan Fonisia chɛnyɛ ɔ, an fea Samayia chɛnyɛ a. An ni a ɔ yian fan mɔɛ n na, mbɛ mɔɛ miin ma ka Chu mɔ a, an‑na an kai fa buɛ min dɔ Chisɔsi a. An sin ma‑a wan buɔdia wa a, suun ma nyɔɛ chɛ n gbɛɛ tena, Chasi ɔ.

CHISƆSI 'A SƆ MƆƐ NU 16:2

Suun ma nyɔɛ n gbɛɛ Chasi ɔ, miin ni Diisa duu ɔ, an fea Ikoniɔn na, an‑na bai chɛndɛ sa wan, a si Timoti ma.

CHISƆSI 'A SƆ MƆƐ NU 16:40

Pɔɔ an fea Sidasi a, an bɔ‑a wan pimbi chen chɛ a, mbɛ an ta‑a wan Didia 'a chenɛ a. A sin, an suun ma nyɔɛ nu Chasi ɔ, an‑na an tan fan nɔ. An‑na an yen kɛn, an‑na an faa ma nande wan, mbɛ an bɔ‑a an duu chɛ ɔ, an ta‑a.

CHISƆSI 'A SƆ MƆƐ NU 17:10

Pimbi ɛ bun‑da dechee, mbɛ mɔɛ miin‑na an kai fa Chisɔsi a, an‑na Pɔɔ a ta wan Bɛyia duu ɔ, an fea Sidasi a. An che‑a kɛn nɔ, an ta‑a wan Chu n 'na samun chɛ chenɛ a.

CHISƆSI 'A SƆ MƆƐ NU 17:14

A ya kɔɔɛ a, mɔɛ chɛ nu nɔ, miin‑na an kai fa ka Chisɔsi a, an‑na Pɔɔ a ta kɔ yii da a. Chɛɛ Sidasi an fea Timoti a, an to‑a wan Bɛyia.

CHISƆSI 'A SƆ MƆƐ NU 17:6

Chɛɛ an ma an yen ni kɛn, an bea‑a gbɛ Chason fan ma, mbɛ an‑na a konkon, a basan Chisianɛ dɔ n na. Mbɛ an na‑a an na duu ɔ gbakoo n tena, an dɔ, “Mɔɛ chɛ n fan‑na dunya gbɛɛ a mun mun ben‑da. Sanche gbɛ, an na‑a nɛ mmɔ 'a duu wɛɛ ɔ,

CHISƆSI 'A SƆ MƆƐ NU 18:18

Koe chɛ maenɛ gbakɔ, Pɔɔ ni wan Kɔyindi tee kuun ko a. Mbɛ a‑a a saa suun ma nyɔɛ chɛ n na nɔ Chasi ɔ, a si‑a dɛndɛ ɔ, an bɛ Pisida an fea a chɛɛ Akuida a, ta koe a Siyia chɛnyɛ ɔ. An mbe e na to si‑a dɛndɛ ɔ, a ka Sɛnkea duu ɔ, an‑na a kunɛ gbanan fan. Koe min na mu, a na‑a a kai wan tee a kɔma a, Yataa tena.

CHISƆSI 'A SƆ MƆƐ NU 18:27

Chɛ gbakɔ, a toen ni kɛn a ni ben Akaya chɛnyɛ ɔ, suun ma nyɔɛ chɛ nu Chasi ɔ, an‑na a faa ma nande wan. Mbɛ an‑na gboo nyɛn an suun ma nyɔɛ chɛ n tena Akaya, an dɔ, an ni an boo si a kɔɔ chɛndɛ chɛ. A che‑a kɛn Akaya, a basan‑da wan mɔɛ chɛ n ma kaka, miin na‑a an kai fa Chisɔsi a, koadia demanɛ 'a gbasaya ɔ, Yataa ɛ min chɛ.

CHISƆSI 'A SƆ MƆƐ NU 21:17

Nn na‑a kɛn Chuusaɛn duu ɔ, nn suun ma nyɔɛ chɛ nu Chasi ɔ, an‑na an boo si wan nn kɔɔ, buɔdia wa a.

CHISƆSI 'A SƆ MƆƐ NU 21:20

An sin‑na Pɔɔ 'a bai chɛ n na min kɛn, an‑na tando be wan Yataa ma. Mbɛ an‑na a fɔ Pɔɔ ye, an dɔ, “Nn suun ma nyɔɛ Chasi ɔ, i wandi‑a a ɔ yen, mbɛ Chu mɔ wu sɛsɛ nu, an‑na an kai fa buɛ min dɔ Chisɔsi a. A yɛ to, an‑na a ma wan, an ma gbɔsɔɛ a, mmɔ 'a Chu sawa n bia koe a.

CHISƆSI 'A SƆ MƆƐ NU 21:7

Nn ban‑da kɛn nn 'na tachɛ ma Taya duu ɔ, mbɛ nn‑na a fo Tɔdɛmaisi duu ɔ. A sin, suun ma nyɔɛ chɛ nu nɔ Chasi ɔ, nn‑na an kɔndɔn fan tee dɔndɔ ko a.

CHISƆSI 'A SƆ MƆƐ NU 22:5

Chu n tɛ mɔ wa Yataa a, ni Chu kuti wa ɔ mɔɛ n gbɛɛ, an mbe kun fan an ni siiya bɔ chɛ ma. N‑na gboo nyɛndenɛ ma sɔn, a ka an fan na, ta koe a mmɔ suun ma nyɔɛ n tena, Damasikɔsi duu ɔ. A sin, n ni ta tena nɔ, chɛ n bɛɛ bia koe an na, n ni na an na, an chiienɛ ɛ, Chuusaɛn duu ɔ, an tɔɔya koe a.

CHISƆSI 'A SƆ MƆƐ NU 28:14

Suun ma nyɔɛ dɔ nu Chasi ɔ, nn‑na an tan fan nɔ, a sin, an‑na nn dɔ bia wan, ma koe a an 'na sondaya a, tɛn sɔngbɔ dɔndɔ ko a. Mbɛ nn danka‑a gbɛ na‑a Domi duu ɔ.

GBOO SAA KƆYINDI KO A 15:6

Mbɛ a‑a a ma wan to, a fɛ mɔɛ nu, miin benden ni mɔ chɛmɛ duu ma, a‑a a wandi yian an na, dɔndɔ a. An fɛ den chɛ n dɔ nu, a faen bɛɛ mu gbɛ, chɛɛ an sɛsɛ, an mbe wan bɛ tun ka fɔɛ ɔ sanche.

KO Ɔ NUNDENƐ 11:13

A sin, a tima chɛ kɔɔ, duu gboo samba‑a wan, a ma chianden ba a. An duu wa duenɛ si tena tanɛ a, kaka dɔndɔɛ yɔn‑da gbae. Mɔ wu wɔnfea n (7,000) fa‑a. Mɔɛ tɔɛ n chian‑da wan, a ɔ benden ba a, mbɛ an‑na Yataa tando, banda bu ɔ mansa.

KO Ɔ NUNDENƐ 3:4

Chɛɛ chɛ gbɛɛ ɔ, wo dɔ n mbe wan nɔ Sadisi duu chɛ ɔ, wo wɛn tachɛ buɛ nyin Yataa tena. Wo mɔɛ chɛ nu, mmɔ bɛ, mmɔ ɛ doma gbɛ don‑da wan, mmɔ ni tachɛ chɛ. Chɛ ɛ ma‑a wan, koe min na mu, chɛ bɛnden fan mu an ma.