CHISƆSI 'A SƆ MƆƐ NU 1:14 - Yataa 'a Dɔbɛnɛ Nama

¹⁴ An gbɛɛ ni wan kuiɛ dɔndɔya ɔ, samunɛ chɛ koe a tima ɔ tima ko a. An bɛ an ni ma musu chɛ n na, miin na‑a ta Chisɔsi san‑da. Chisɔsi de Mɛi wɛɛ, a ni ma wan nɔ, ni Chisɔsi suun ma nyɔɛ kaima nu.

CHISƆSI 'A SƆ MƆƐ NU 1:14 ပူးပေါင်းရင်းမြစ်များ

MATIU 12:46

Chisɔsi ɛ koɔ tena chɛ wan mɔ fanka chɛ tena, mbɛ a de na‑a, a sɔ‑a baa ma, an bɛ a dɔ kaima n na. An toen ni an ni a yen.

MATIU 21:22

Ni danaya ma‑a wo ɔ Yataa ko a, ɛ ko ɔ ko chɛ‑a wan wo ye, wo e samunɛ chɛ‑a min ko a.”

MATIU 27:55

Musu sɛsɛ n bɛɛ ni wan nɔ, miin na‑a a sɔ Chisɔsi fɛ a ka Kadidi chɛnyɛ ɔ. A sin, an fan ni a deman chia sɛsɛ a. An sɔ‑a wan pɔɔ, an mbe koe chɛ n gbɛɛ ma mɛn‑da.

MAKI 15:40

Musu n bɛɛ, an ni wan nɔ, an mbe sɔ ɔ pɔɔ, an ya bɛndenɛ ɛ a ma. Bɔɔɛ Mɛi min ka‑a Makadaa duu ɔ, a ni wan nɔ. Bɔɔɛ Mɛi dɔndɔɛ wɛɛ ni wan nɔ. A 'a denɛ ni Chimisi dɔɔma a, ni Chosesi. Bɔɔɛ Sadome wɛɛ ni wan nɔ.

MAKI 16:1

Mbɛ suin tee chɛ ben‑da kɛn, bɔɔɛ Mɛi, min ka‑a Makadaa duu ɔ, an fea Chimisi de Mɛi a, ni bɔɔɛ Sadome, an ta‑a, an‑na tu kunyɛ a diama san. Musu chɛ n toen ni, an ni tu kunyɛ a diama chɛ fasi fasi Chisɔsi su chɛ ma.

DUKU 11:13

Ni wo wɛn sɔnɛ yau ka, ni wo kosan fan fen chɛndɛ n be‑a wo 'a denɛ n ma, mmɔ Fa sin gbɛ, min mbe banda bu ɔ, ɛ fen chɛndɛ be‑a wan wo ma, min benden mu wo ta n ma. Ɛ Yataa Nyina be‑a wan chɛ n ma, miin mbe a ɔ tisa‑a a ko a.”

DUKU 18:1

Tee dɔndɔ a, Chisɔsi‑a tai tɛ wan a fɛ denɛ n tena. Tai chɛ‑a a ɔ yian fan an na, mbɛ a nyin fan an ni samunɛ ma ti bia tima ɔ tima ko a. A yɛ to, an gboo ɔ ma fa samun chɛ a.

DUKU 23:49

Chɛɛ koe chɛ n gbɛɛ ni ben tena tima min na, Chisɔsi dia nyɔɛ chɛ n bɛɛ ni wan nɔ sɔ ɔ pɔɔ, an mbe an dɔ yen‑da. Musu miin bɛɛ na‑a a ma sɔ ka, a ka Kadidi chɛnyɛ ɔ, an ni wan an tɛ ɔ.

DUKU 23:55

Musu miin na‑a a sɔ ka Chisɔsi fɛ a ka Kadidi chɛnyɛ ɔ, an ta‑a wan an bɛ Chosɛfi n na. Mbɛ an‑na kamba chɛ yen, mbɛ an‑na a ɔ sɔn Chisɔsi tɔndenɛ ni buɛ min dɔ.

DUKU 24:10

Musu chɛ n fan nii nɛ, miin‑na bai chɛ ɔ yian Chisɔsi 'a sɔ mɔɛ n na. Mɛi min na‑a ka Makadaa, ni Chowana, ni Mɛi dɔndɔɛ Chimisi de, a basan musu dɔ gbɛɛ n na.

DUKU 24:33

Mbɛ a ya kɔɔɛ a, an‑na an kɔɔ sɔ, mbɛ an yɛ‑a Chuusaɛn duu ɔ. An na‑a Chisɔsi fɛ den tan kun ma dɔndɔɛ chɛ n tan fan, an na sɔndenɛ ɛ kaina dɔndɔ, an bɛ Chisɔsi fɛ mɔɛ dɔ n na,

DUKU 24:53

An ni wan Yataa 'a kata ɔ, an mbe tando be‑a Yataa ma tima ɔ tima ko a.

DUKU 8:20

Mbɛ mɔ dɔndɔ‑a a fɔ Chisɔsi ye, a ɔ, “I de yen ko sɔ ɔ baa ma, an bɛ i dɔ kaima n na. An toen mu an ni i yen.”

CHISƆSI 'A SƆ MƆƐ NU 2:1

Tee chɛ che‑a kɛn, an ni min chee an dɔ Pɛndekɔsi, mɔɛ miin gbɛɛ na‑a an kai fa ka Chisɔsi a, an na kanden fan ni Chuusaɛn kaina dɔndɔɛ.

CHISƆSI 'A SƆ MƆƐ NU 2:42

Chɛ gbakɔ, mɔɛ chɛ n‑na an too ma sɔ wan kanɛ ma, Chisɔsi 'a sɔ mɔɛ chɛ n ni min chɛ, a si Yataa wakoe ma. Kuiɛ a kanɛ ni wan to an gbɛɛ tɛ ɔ, a sin, an ni daunɛ chɛ wan kaina dɔndɔɛ tima ɔ tima ko a. An ni bɛn fan to tima ɔ tima ko a, samun chɛ koe a. An‑na an 'na tima gbɛɛ be wan, koe chɛ n gbɛɛ ma koe a.

CHISƆSI 'A SƆ MƆƐ NU 2:46

Tee ɔ tee a, an ni bɛn fan kaina dɔndɔ Yataa 'a kata ɔ. An sin ni daunɛ chɛ wan an nyɔn tɛ ɔ an 'na chenɛ n na. An ni daun chɛ n chɛ faaɔgbɛ an dɔ, ni buɔdia ɔ,

CHISƆSI 'A SƆ MƆƐ NU 6:4

Mbɛ nn tana sin, nn ma gbɔsɔɛ ɛ ma‑a dechee samun chɛ an na, ni Yataa 'a bai sa koe a.”

GBOO DOMI KO A 12:12

Wo ma buɔdia ɔ, tima ɔ tima ko a. Koe min na mu, wo yii na tɛ tena ɛ wan. Ni yakɔɔtawa‑a wo tan, wo wo faa bia. A sin, wo samunɛ chɛ tima ɔ tima ko a.

GBOO SAA KƆYINDI KO A 14:13

Chɛ an fɛ mu, mɔɛ min mbe kamaya bai n fɔ, mɔ ee miin dɔ gbɛ ka dechee, a ni samunɛ chɛ, gbasaya ni ma nɔ a a ben koe a.

Gboo Ɛfisɔsi Ko A 6:18

Wo samunɛ chɛ, tima ɔ tima ko a, Yataa Nyina ɛ wo sɔ‑a buɛ min dɔ chia ma. Wo 'a samunɛ sin gbɛɛ ɔ, wo Yataa ɔ tisa, a ni basan wo ma. Chɛ ko a, ko ɔ ko ma a ma, wo gboo ɔ ni fa. Ni wo sin ma‑a samunɛ chɛ‑a tima ɔ tima ko a, wo a chɛ Yataa 'a mɔɛ n gbɛɛ ko a.

Gboo Kɔdɔsai Ko A 4:2

Wo ma sɛmbɛ samunɛ chɛ koe a pien. Wo e ma chɛ a, wo wo yii si koe n ma, wo e ta‑a Yataa wai bɔ‑a, tima ɔ tima ko a.