CHISƆSI 'A SƆ MƆƐ NU 1:11 - Yataa 'a Dɔbɛnɛ Nama

¹¹ Mbɛ mɔ fea chɛ n dɔ, “Kadidi mɔɛ nu, fen mu wo e sɔ ɔ banda a fɛn‑da tidan? Chisɔsi chɛ, Yataa sɛ‑a ka min na banda bu ɔ, ɛ na‑a wan to mɔya chɛ ɔ, yɔ wo‑a a yen ka buɛ min dɔ sɛ‑a banda bu ɔ.”

CHISƆSI 'A SƆ MƆƐ NU 1:11 ပူးပေါင်းရင်းမြစ်များ

MATIU 16:27

Chɛ an fɛ mu, wo ma ka n fɛ. Koe min na mu, n fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ n 'na maeka n na. Ni nn sin ma‑a na‑a, nn mbe ma‑a wan man‑da Fa Yataa 'a manɛ a. An tima chɛ a, n mbe mɔ ɔ mɔ pawa‑a wan a 'a wai ko a, ɛ min chɛ‑a.

MATIU 16:28

N ni a ma din wo tena, mbɛ mɔɛ dɔ nu nɛ sɔ ɔ sanche, an mbe ma‑a wan fɔɛ ɔ aan an ni chɛ ɔ yen. An mbe a ɔ yen‑da wan n fan, Mɔ Gbu 'a Denɛ, n mbe na‑a tima min na n 'na mansaya ɔ.”

MATIU 24:30

Mbɛ fenɛ ɛ ma‑a wan banda ma, min mbe a ɔ yian‑da mɔɛ n na, mbɛ n fan, Mɔ Gbu 'a Denɛ, n mbe ka na‑a na. Ni n sin ma‑a na‑a, mɔɛ nu dunya gbɛɛ ɔ, an mbe di chɛ‑a wan chinchimaya ɔ. Koe min na mu, mɔɛ gbɛɛ ɛ n yen‑da wan na‑a gbasaya wa ɔ dugbu ɔ, a yɛ to, n mbe ma‑a wan man‑da Yataa 'a manɛ a.

MATIU 25:31

Chisɔsi ɔ, “N fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ maeka n gbɛɛ a. Ni n sin ma‑a na‑a, n mbe ma‑a wan man‑da, mbɛ n si‑a n 'na mansa sea chɛ a, Yataa 'a manɛ ɔ.

MAKI 13:26

A sin, a tima chɛ a, an mbe n fan, Mɔ Gbu 'a Denɛ, an mbe n yen‑da wan na‑a gbasaya wa ɔ dugbu ɔ, a yɛ to, n mbe ma‑a wan man‑da Yataa 'a manɛ a.

MAKI 14:70

Chɛɛ Pita yɛ‑a wan to, a‑a kɔɔsa bia chɛ chɛ wɛɛ ma. A ɔ ma yansan ni, mbɛ mɔɛ miin ni ka nɔ sɔ ɔ, an dɔ, “Mɔ dɔndɔ mu i a, min ni Chisɔsi fɛ. Koe min na mu, i wɛɛ ka‑a Kadidi chɛnyɛ ɔ wan.”

MAKI 16:19

Mbɛ Mansa Chisɔsi ban‑da kɛn koɔ‑a a fɛ den chɛ n tena, Yataa‑a a ya wan, a sɛ banda bu ɔ, mbɛ Chisɔsi si‑a a boo nyima ɔ.

DUKU 21:27

Mbɛ an mbe n yen‑da wan, n fan, Mɔ Gbu 'a Denɛ, n mbe ma‑a na‑a gbasaya wa ɔ dugbu ɔ. A yɛ to, n mbe ma‑a wan man‑da Yataa 'a manɛ a.

DUKU 24:5

Musu chɛ n chian‑da wan kaka, mbɛ an‑na an kunɛ a bun duu ma. Mbɛ kamin chɛ n dɔ, “Wo ma na wo ya a kan‑da kamba ɔ chɛndɛ ba a.

CHƆN 14:3

A sin, ni n ta‑a, mbɛ n‑na kaina chɛ ɔ bɛn wo ko a, n mbe yɛ‑a wan to nɛ wo ya ɔ. Mbɛ n‑na a ma, mmɔ ta‑a, min mbe a ma‑a, n mbe ma‑a kaina min, wo wɛɛ, wo ni ma nɔ.

CHISƆSI 'A SƆ MƆƐ NU 1:2

aan a sɔ tee chɛ a, Yataa‑a a wan Chisɔsi ya min ma, a sɛ banda bu ɔ. A e na to ya‑a, a sɛ banda bu ɔ, a 'a sɔ mɔɛ nu, a na‑a a boo sɔ miin ma, a koɔ‑a pɛn an tena, Yataa Nyina 'a gbasaya ɔ.

CHISƆSI 'A SƆ MƆƐ NU 1:9

Chɛ fɔenɛ gbakɔ, a 'a sɔ mɔɛ n ya to‑a wan a a, aan a ya‑a a sɛ banda bu ɔ. Mbɛ a don‑da dingbii ɔ, a tuin‑da an ya a.

CHISƆSI 'A SƆ MƆƐ NU 13:31

a sin, tee sɛsɛ ko a, a ni bɔ wan mɔɛ chɛ n ya a, an bɛ ni ta miin na chia a a ka Kadidi chɛnyɛ ɔ, a sɛ Chuusaɛn duu ɔ. An fan mu sanche sii n na, a wan Chisɔsi ko a, mɔɛ n tena.

CHISƆSI 'A SƆ MƆƐ NU 2:7

Chɛ ma‑a wan kamaya koe a mɔɛ chɛ n tena, mbɛ an kɔndɔ fii‑a. Mbɛ an dɔ, “Fen ko e nɛ? Mmɔ ɛ ka mɔɛ miin gbɛɛ koɔ kuiɛ a min tena, Kadidi mɔɛ n fan nɛ.

CHISƆSI 'A SƆ MƆƐ NU 3:12

Pita‑a mɔɛ chɛ n yen kɛn an na tindanɛ, a‑a a fɔ an ye, a ɔ, “N bɔ Isɔɛɛ mɔɛ nu, kamin chɛ baun koe ma wo kɔndɔ fii. Wo ma nn ma fɛn ya dɔ mende a. A ma ma wo yii ma, mbɛ nn 'na gbasaya ɔ mu, nn‑na chɛ ma. An ma a fɔ ni, nn mbe a ma wan, Yataa faa ni chima kaka, min‑na a ma, nn‑na a ma kamin chɛ‑a tachɛ chɛ.

CHISƆSI 'A SƆ MƆƐ NU 3:21

Chisɔsi chɛ ɛ to‑a banda bu ɔ wan, aan tima ni che, tima min na Yataa ɛ fen kɔ fen nyan‑da to a nama a. Ɛ ma‑a wan, yɔ a 'a gbonka chɛ mɔɛ chɛ nu, miin ni tenchen a ko a, an‑na a gbonka buɛ min dɔ suun.

Gboo Saa Tɛsadonika Ko A 1:10

A sin, a 'a denɛ na koe, a ka banda bu ɔ, wo e a ma kɔn tena wan. A 'a denɛ Chisɔsi, a‑a a ma min na a kɔɔ sɔ, a ka saya ɔ. A 'a den chɛ sin fan‑na mmɔ kun ka, Yataa ma na faatɛ a bɔ mmɔ ma ya ɔ ma.

Gboo Saa Tɛsadonika Ko A 4:16

Kuiɛ ɛ a fɔ‑a wan mɔɛ n ye, an mbe koe min ma. Chɛ ɛ ma‑a Yataa 'a maeka chenama kuiɛ an na, Yataa 'a buu kuiɛ. A sin, Mansa Chisɔsi wandi ɛ yii‑a wan, a ka banda bu ɔ. Chɛ gbakɔ, mbɛ mɔɛ miin na‑a an kai fa Chisɔsi a, aan an fa‑a, an pɛn mbe an kɔɔ sɔ‑a, an ni yɛ fɔɛ ɔ.

GBOO IBU MƆƐ N KO A 9:28

A chia dɔndɔ gbe chɛ a mu, Chasi wɛɛ na‑a a wandi be gba dɔndɔ gbe wan, mmɔ 'a ko yama n ko a. Chɛɛ Chasi ɛ bɔ‑a wan to a a dunya chɛ ɔ, a gba fean bɔɛ ko a. A sin, a nɛnɛ ee ma‑a ko yama n fan bakoe a. Chɛɛ mɔɛ chɛ n fan kun ka koe mu, miin mbe a ma kɔn tena, an faa gbɛɛ a.

KO Ɔ NUNDENƐ 1:7

A yen ko, Chisɔsi ɛ na tena wan dugbu ɔ. A sin, mɔ ɔ mɔ ɛ a yen‑da wan, a basan chɛ n bɛɛ a, miin na‑a a sɔɔ a kaa fɛ. A sin, mɔɛ n gbɛɛ dunya ɔ, an mbe di‑a wan gbafi gbafi a ko a. A ɛ ma‑a ka wan. A ni ma ka.