3 CHƆN 1:9 - Yataa 'a Dɔbɛnɛ Nama

⁹ N na‑a gboo nyɛn fan nɔ chɔchi tena. Chɛɛ Diotɛfesi, min toen mu a wandi ma koe a an ya ɔ sɔɛ a, a ee dɔn a too ma sɔ koe a, nn da a kuiɛ ma.

3 CHƆN 1:9 ပူးပေါင်းရင်းမြစ်များ

MATIU 7:8

Koe min na mu, mɔ ɔ mɔ min mbe a a tun‑da Yataa ɔ tisa koe a fen kɔ fen ko a, ɛ a be‑a wan an mɔɛ chɛ ma. Mɔ ɔ mɔ min mbe a a tun‑da a ya a kan‑da fenɛ a chɛndɛ chɛ, ɛ a yen‑da wan. Mɔ ɔ mɔ min mbe a a tun‑da chenɛ da tu koe a, Yataa ɛ a da a ka‑a wan a ye.

MAKI 9:34

Chɛɛ an‑na a ɔ maun fan don. Koe min na mu, an na‑a chia ɔ bɔɛ chɛ wan, mɔ chenama wa koe ma an tɛ ɔ.

MAKI 9:37

“Mɔ ɔ mɔ min mbe a boo si‑a den mɛsɛ bonda chɛ kɔɔ, a‑a a boo si ka n fan kɔɔ. A sin, mɔ ɔ mɔ min mbe a boo si‑a n kɔɔ, a‑a a boo si ka Yataa an kɔɔ, min‑na n sɔ.”

DUKU 9:48

Mbɛ a‑a a fɔ an ye, a ɔ, “Ni mɔ ɔ mɔ‑a a boo si den den chɛ nyɔn sima kɔɔ n tɔɛ ɔ, a‑a a boo si ka n fan kɔɔ. A sin, ni mɔ ɔ mɔ‑a a boo si n kɔɔ, a‑a a boo si ka Yataa an kɔɔ, min‑na n na na. A mu min na, mɔ ɔ mɔ min mu mɔ dɔma a wo gbɛɛ wo tɛ ɔ, an mu mɔ chenama a.”

GBOO DOMI KO A 12:10

Wo to wo nyɔn na chɛndɛ chɛ wo faa gbɛɛ a, yɔ mɔɛ ɛ to buɛ min dɔ a suun ma nyɔɛ n na. A sin, wo ma bɛndenɛ ni ma basɔmaya be koe a wo nyɔn ma, tima ɔ tima ko a.

Gboo Kɔdɔsai Ko A 1:18

Chisɔsi Chasi an mu chɔchi kun ti a. Chɔchi mu a gboo an na. A wan mbe fɔɛ be a 'a mɔɛ n ma. Koe min na mu, Yataa‑a a pɛn kɔɔ sɔ, a ka saya ɔ, min mbe a ma, a ni ma gbasaya tɔɛ a fen kɔ fen kun ma.

2 CHƆN 1:9

Mɔ ɔ mɔ min ma a too ma sɔ ni kan chɛ ma, Chasi‑a min chɛ, chɛɛ a‑a a ta sa a kun ma, a mɔɛ chɛ ma mɔ dɔndɔ a an fea Yataa a. Mɔ ɔ mɔ min mbe a too ma sɔ‑a kan chɛ ma, Chasi‑a min chɛ, a mɔɛ chɛ ma‑a mɔ dɔndɔɛ a, an fea Fa Yataa a, a basan a 'a denɛ Chisɔsi a.

3 CHƆN 1:8

Chɛ an fɛ mu, a nyin mmɔ wɛɛ, mmɔ ni toa si an kɔɔ, a nyin mmɔ ni a bun a a, wai chɛndɛ chɛ chɛ‑a, Yataa 'a sakana bai chɛ a ta koe a ya ɔ ma.