3 CHƆN 1:8 - Yataa 'a Dɔbɛnɛ Nama

⁸ Chɛ an fɛ mu, a nyin mmɔ wɛɛ, mmɔ ni toa si an kɔɔ, a nyin mmɔ ni a bun a a, wai chɛndɛ chɛ chɛ‑a, Yataa 'a sakana bai chɛ a ta koe a ya ɔ ma.

3 CHƆN 1:8 ပူးပေါင်းရင်းမြစ်များ

MATIU 10:14

Chɛɛ ni mɔ ɔ mɔ ma a boo si ni wo kɔɔ an chen chɛ a, ni mɔ ɔ mɔ ma a boo si ni wo kɔɔ an duu chɛ ɔ, ni an ma an too ma sɔ ni wo ma, wo bɔ nɔ. Ni wo ma‑a bɔ‑a, wo wo chenɛ a gbɔngbɔn fifii chɛ a, min mbe a ɔ yian an na, mbɛ an‑na koe min ma ka, a ma nyin.

MATIU 10:40

Chisɔsi‑a a fɔ gbɛ an ye, a ɔ, “Ni mɔ ɔ mɔ‑a a boo si wo kɔɔ, a ma a si ni wo dechee an kɔɔ, chɛɛ a‑a a si ka n fan kɔɔ. A sin to, mɔɛ min mbe a boo si‑a n kɔɔ, a ma a si ni ka n dechee an kɔɔ, chɛɛ a‑a a si ka Yataa an kɔɔ, min‑na n sɔ.

DUKU 11:7

Chɛɛ ni i dia nyɔɛ chɛ to‑a a 'a chenɛ bu ɔ, mbɛ a ɔ, ‘I ma n ya kɔɔ tawa,’ a ɔ, ‘n ban‑da gbɛ chenɛ da a tɔn‑da, a sin, n mbe gbɛ sa ɔ wan.’ A ɔ, ‘N 'na denɛ n gbɛɛ mbe gbɛ chinɔɛ ɔ wan.’ A ɔ, ‘N mbe ee che to sanche, n kɔɔ sɔ‑a fen kan kɔ kan be koe a i ma.’ ”

GBOO FEAN BƆƐ KƆYINDI KO A 6:1

Nn bɛ an mbe wai chɛ tena dɔndɔ a, nn bɛ Yataa wandi a. Chɛ ko a gbɛ, nn mbe wo disa tena, wo wɛn‑na Yataa 'a koadia demanɛ ma sɔn, wo ni a bia wo boo fea a.

GBOO FEAN BƆƐ KƆYINDI KO A 8:23

Taitɔsi nan tana, nn bɔɛ mu a a, nn fea, nn mbe wai chɛ tena min na, basan koe a wo ma. Mmɔ suun ma nyɔɛ tɔɛ chɛ n tana sin Chasi ɔ, chɔchi n 'na sɔ mɔɛ mu an na. An sin mbe na basɔmaya an na Chisɔsi Chasi tena.

Gboo Fiipai Ko A 4:3

A sin, n mbe i wɛɛ ɔ tisa tena, i wɛn mbe wai chɛ tena danaya ɔ, n toen mu i ni musu fea chɛ n deman. Koe min na mu, an‑na toa si wan n kɔɔ, n 'na wai ɔ, sakana bai chɛ a ta koe a ya ɔ ma. An bɛ ni Kemendi a, a basan n bɔ wai chɛ mɔɛ tɔɛ n na. A sin, an tɔɛ ɛ wan gboo chɛ ɔ, mɔɛ n tɔɛ ɛ min dɔ, miin mbe kuɔ fɔ fɔɛ ma sɔn‑da.

Gboo Kɔdɔsai Ko A 4:11

Chisɔsi chɛ wɛɛ, min tɔɛ mu ka to Chɔsitɔsi, a wɛɛ ɛ wo kɔndɔn tena. Nn bɛ ɛ wai chɛ mɔɛ miin gbɛɛ a, Yataa 'a mansaya ko a, an sawa chɛ dechee, an fan mu Chu mɔɛ n na. A sin, tima ɔ tima ko a, an bakoe mu buɔdia wa an na n tena.

Gboo Saa Tɛsadonika Ko A 3:2

Mbɛ Timoti sin, nn‑na a sɔ wo tena. Mmɔ suun ma nyɔɛ chɛ, nn bɛ ɛ wai chɛ tena min na Yataa ko a, sakana bai chɛndɛ sa koe a, a si Chasi ma. Nn‑na a ta wo tena, a ni a ma, wo ɔ ni gbɛa, wo ni wo kai fa Chisɔsi a gbau gbau.

FIDEMƆN 1:2

Nn mbe a nyɛn tena to, mmɔ suun ma nyɔɛ musuma, Afia wɛɛ, a tena, ni Akipɔsi, mmɔ bɔɛ soya mɔɛ Chasi 'a wai ɔ, a basan chɔchi tɔɛ gbɛɛ a, miin mbe bɛn nɔ i 'a chenɛ a.

FIDEMƆN 1:24

Chɛ n bɛɛ, n bɔɛ wai chɛ mɔɛ Maki, ni Ayisitakɔsi, ni Demasi, a basan Duku a, an mbe i kɔndɔn tena.

3 CHƆN 1:10

Ni n na‑a nɔ, n mbe a fɔ‑a wan a ye den chɔchi ya kɔɔ, ɛ koe miin ma tena, nn tɔ yama min ɛ ben tena a ɔ tɛ‑a. Chɛ dechee ma, ni mmɔ suun ma nyɔɛ n‑na a tan, a ee ko chɛndɛ ma an na. A ka chɛ ma, mɔɛ miin bɛɛ toenɛ ma, an ni ko chɛndɛ ma an na, ɛ a mɔɛ chɛ n na gban fan. A sin to, ni an mɔɛ chɛ n‑na ko chɛndɛ chɛ ma, ɛ an gbain fan a bɔ chɔchi ɔ.

3 CHƆN 1:7

Koe min na mu, an mbe ka tachɛ min dɔ Chisɔsi Chasi ko a, an ma dɔn ni fen kɔ fen bia koe a, mɔɛ chɛ n na‑a min be, mɔɛ miin nii ma an kai fa ni Chisɔsi a.

3 CHƆN 1:9

N na‑a gboo nyɛn fan nɔ chɔchi tena. Chɛɛ Diotɛfesi, min toen mu a wandi ma koe a an ya ɔ sɔɛ a, a ee dɔn a too ma sɔ koe a, nn da a kuiɛ ma.