3 CHƆN 1:6 - Yataa 'a Dɔbɛnɛ Nama

⁶ Koadia min nyɔn sima e a yian tena an na, a a benden fan mu gbɛ chɔchi tena nɛ. An mbe ka tachɛ min dɔ, ɛ nyan‑da wan, i ni an na ben masaa chɛndɛ a, min mbe Yataa faa chima.

3 CHƆN 1:6 ပူးပေါင်းရင်းမြစ်များ

CHISƆSI 'A SƆ MƆƐ NU 15:29

Wo ma daun fenɛ daun, mɔɛ n‑na min bɔ yasi a, fen chɛ n tena, miin ma Yataa a. Wo ma soe kan kɔ kan daun, min kanɛ a ma tɛ ni, wo gbu sin ma wii daun. A yɛ to, wo ma koe tɛ. Ni wo ma wo boo chɛ ni to chɛ n dɔ, a nyin fan wo ko a. Wo mmɔ a gbɛ.

CHISƆSI 'A SƆ MƆƐ NU 15:3

Mbɛ chɔchi mɔɛ chɛ n‑na an ma saa kɛn, an ben‑da wan Fonisia chɛnyɛ ɔ, an fea Samayia chɛnyɛ a. An ni a ɔ yian fan mɔɛ n na, mbɛ mɔɛ miin ma ka Chu mɔ a, an‑na an kai fa buɛ min dɔ Chisɔsi a. An sin ma‑a wan buɔdia wa a, suun ma nyɔɛ chɛ n gbɛɛ tena, Chasi ɔ.

CHISƆSI 'A SƆ MƆƐ NU 21:5

Chɛɛ nn 'na tima ban‑da kɛn nɔ duu chɛ ɔ, nn‑na nn saa wan an na, ta koe a. An gbɛɛ, musu nu, kai nu, an bɛ an 'na denɛ n na, an‑na nn ma sɔ wan. Nn che‑a kɛn yii da a, nn gbɛɛ, nn‑na nn kumbai gbangban fan, nn‑na samunɛ chɛ Yataa tena.

GBOO DOMI KO A 15:24

Chɛ an fɛ mu, n toen mu n ni na gbɛ, n ni wo yen. N mbe ma‑a ta‑a Sipen chɛnyɛ ɔ, n mbe ben‑da wan wo tena chia a, n ni wo yen. Ni n‑na tima ɛnden ya wo tena, buɔdia ɔ, mbɛ wo basan‑da n ma ben koe a Sipen chɛnyɛ ɔ.

GBOO FEAN BƆƐ KƆYINDI KO A 1:16

N toen ni n ni che wo ma, ni n ma‑a ta‑a Masidonia chɛnyɛ ɔ. A yɛ to, ni n ma‑a yɛ‑a a ka nɔ. N ni chɛ ma‑a, min mbe a ma, wo ni n deman, n 'na ta chɛ ɔ Chudia chɛnyɛ ɔ.

Gboo Fiipai Ko A 4:14

Chɛɛ chɛ gbɛɛ ɔ, mɔ chɛndɛ mu wo a, n 'na ko yawaenɛ ya koe a.

Gboo Kɔdɔsai Ko A 1:10

Chɛ ɛ a ma‑a wan, wo ni kosan tachɛ‑a fɔɛ ɔ, min mbe nyan Mansa Chisɔsi tena, a faa ni chima a da faenɛ ɔ. Tima ɔ tima, wo e ko chɛndɛ sɛsɛ ma‑a wan. Wo 'a yiimatɛ ma ni mun‑da a si Yataa wakoe ma.

Gboo Saa Tɛsadonika Ko A 2:12

Nn‑na wo nande wan, nn‑na wo bu ɔ dia. Nn‑na a ma din fan wo tena, mbɛ wo ni ma fɔɛ ɔ, min na di Yataa ye. A wan mbe wo chee tena, ma koe a a 'a mansaya kɔɔ, manɛ ɔ.

TAITƆSI 3:13

A ma i ma gbɔsɔɛ a, i ni Senasi deman, dɔya chɛ, an fea Apɔdɔsi a, an 'na tachɛ ɔ. An mbe ta fen kɔ fen na tachɛ chɛ ɔ, a be an ma.

1 PITA 2:20

Koe min na mu, ni wo‑a wo gbasi koe ma, mbɛ an‑na wo gbasi, wo ee tɔnɔn sɔn a ɔ. Chɛɛ ni wo‑a ko chɛndɛ ma, mbɛ wo‑a ko yawaenɛ ɔ bia a ko a, ɛ Yataa faa chima‑a wan.

3 CHƆN 1:12

Demetiɔsi tana, mɔ ɔ mɔ ɛ a bai tena wan. A sin tea gbu sin ko a, nn bɛɛ, nn mbe wan a bai tena. I sin‑na a ɔ sɔn fan, mbɛ ni nn na‑a chɛ ma, tea ɛ wan a ɔ.