3 CHƆN 1:11 - Yataa 'a Dɔbɛnɛ Nama

¹¹ N dia nyɔɛ, i ma bea mɔɛ n fɛ, miin mbe ko yama ma. Chɛɛ bea chɛ n fan fɛ, miin mbe ko chɛndɛ ma. Mɔ ɔ mɔ min mbe koe ma min nyin, Yataa 'a mɔɛ mu. Chɛɛ mɔ ɔ mɔ min mbe koe ma, min ma nyin, a ma Yataa sɔn.

3 CHƆN 1:11 ပူးပေါင်းရင်းမြစ်များ

CHƆN 10:27

N 'na sa n mbe an too ma sɔ wan n da a bai ma, n mbe min fɔ. N‑na an sɔn, a sin, an mbe bea wan n fɛ.

CHƆN 12:26

Mɔ ɔ mɔ min toen mu, a ni ma n kɔɔ, mɔɔ ni a bea‑a n fɛ. Koe min na mu, n 'na bɔi denɛ ɛ ma kaina chɛ wan, n mbe ma‑a kaina min. A sin, Fa Yataa ɛ baa be‑a wan mɔ ɔ mɔ ma, min mbe ma‑a n kɔɔ.

CHƆN 3:20

Mɔ ɔ mɔ min mbe ko yama n ma, a ma to ni man chɛ a, a sin, a e na man chɛ ɛ ma kaina min. Koe min na mu, a ma to ni, man chɛ ni a 'a ko yama n na bɔ ya a ma.

GBOO SAA KƆYINDI KO A 11:1

Chasi na‑a min ma, n mbe bea tena an fan fɛ. Wo wɛɛ, n mbe min ma tena, wo bea an fan fɛ.

GBOO SAA KƆYINDI KO A 4:16

Chɛ an fɛ mu, wo dimu, wo sɔ n chen gba ɔ, wo ni tachɛ Yataa a, yɔ n mbe a ma tena buɛ min dɔ.

Gboo Ɛfisɔsi Ko A 5:1

Chɛ an fɛ mu, wo mu ka buɛ min dɔ Yataa faa ma denɛ n na, a nyin gbu wo ni butuin chɛ, wo ni a sɔnɛ ya.

Gboo Fiipai Ko A 3:17

N suun ma nyɔɛ nu Chasi ɔ, wo bea n sɔnɛ fɛ. A sin, wo ya ma ka chɛ n fɛ, miin mbe koe n ma tena, yɔ nn na‑a miin tɔmɔsi a tachɛ.

Gboo Saa Tɛsadonika Ko A 1:6

Wo bea‑a wan nn chen gba fɛ, a basan Mansa Chisɔsi wɛɛ ta a. Wo‑a wo boo si wan a 'a sakana bai chɛ kɔɔ, a ma‑a wɛɛ ko yawaen dɔ bia a wo ma. Chɛ gbɛɛ ɔ, Yataa Nyina gboo ɔ ma fa ni a ma koe a wo bu ɔ ni dia.

Gboo Saa Tɛsadonika Ko A 2:14

Chɛ sin fan fɛ mu, nn suun ma nyɔɛ nu Chasi ɔ, wo na‑a ko yawaenɛ ɔ bia wo chɛnyɛ nyɔɛ n boo ɔ. Wo na‑a bɔ ka chɛ n fan gba ɔ, chɔchi nu Chudia chɛnyɛ ɔ, miin kai faen ni Chisɔsi Chasi a. An bɛɛ na‑a ko yawaenɛ n dɔ bia ka wan, Chu mɔɛ n boo ɔ, an chɛnyɛ nyɔɛ nu.

2 TIMOTI 3:10

Chɛɛ i tana gbɛ, i ban‑da n 'na kan chɛ buɛ ma mɛn‑da, ni n sɔnɛ, n yii ma koe fɔɛ ɔ, n 'na danaya Chisɔsi a, n 'na faabiaya, koadia n dɔ, a basan n 'na ko ɔ bia a.

GBOO IBU MƆƐ N KO A 6:12

Chɛ ɛ a ma‑a wan, wo ee ma‑a gboo ɔ fa tɔɛ n na. Chɛɛ wo e bea wan mɔɛ chɛ n fɛ, miin‑na an kai fa Yataa a, an‑na an faa bia, mbɛ Yataa na‑a an too ɔ dia min gbɛɛ a, an‑na an ma sɔn.

1 PITA 3:11

A ni a kan kɔ sɔ ko yama ma a, a ni ko chɛndɛ ma. A ni yɛ, a ni butuinɛ chɛ, a faa gbɛɛ a, faachima ko a.

1 PITA 3:13

Mɔ ɔ mɔ ee ko ma‑a wo a, ni wo ma bɛndenɛ ma‑a ko chɛndɛ ma koe a, tima ɔ tima.

1 CHƆN 2:29

Wo‑a a ɔ sɔn fan, mbɛ Chisɔsi tanden fan mu Yataa tena. A sin mbe nyan fan gbɛ, wo ni a ɔ sɔn, mbɛ mɔ ɔ mɔ min tanden mu, Yataa 'a denɛ mu a a.

1 CHƆN 3:10

Yataa 'a denɛ nu, ni Sitana 'a denɛ nu, mmɔ ɛ na tena an tɛ bɔɛ sɔn‑da ka wan. Mɔɛ min mbe ee tan‑da, Yataa 'a den ma a mɔɛ chɛ a, n mbe ee baa mɔɛ chɛ ma, min ma to ni a suun ma nyɔɛ a.

1 CHƆN 4:1

N dia nyɔɛ nu, wo ma dan mɔɛ n gbɛɛ a, miin mbe a fɔ‑a, mbɛ Yataa Nyina ɛ wan an fɛ. Wo an mɔɛ chɛ n fɔ bai ma mɛn pɛn, min mbe a ma, wo ni a ɔ sɔn, ni Yataa Nyina an mbe an fɛ tea ko a. Wo chɛ ma, koe min na mu, fania fɔ mɔɛ n sɛsɛ fasanden mu a ɔ, an mbe an fandi ya‑a Yataa 'a gbonka chɛ mɔɛ n na.