3 CHƆN 1:10 - Yataa 'a Dɔbɛnɛ Nama

¹⁰ Ni n na‑a nɔ, n mbe a fɔ‑a wan a ye den chɔchi ya kɔɔ, ɛ koe miin ma tena, nn tɔ yama min ɛ ben tena a ɔ tɛ‑a. Chɛ dechee ma, ni mmɔ suun ma nyɔɛ n‑na a tan, a ee ko chɛndɛ ma an na. A ka chɛ ma, mɔɛ miin bɛɛ toenɛ ma, an ni ko chɛndɛ ma an na, ɛ a mɔɛ chɛ n na gban fan. A sin to, ni an mɔɛ chɛ n‑na ko chɛndɛ chɛ ma, ɛ an gbain fan a bɔ chɔchi ɔ.

3 CHƆN 1:10 ပူးပေါင်းရင်းမြစ်များ

DUKU 6:22

“Ni mɔ gbu n too‑a wo a a si n ma, n fan, Mɔ Gbu 'a Denɛ, dua mu a a wo ma. Ni an‑na an kan kɔ sɔ wo a, mbɛ an‑na wo main, mbɛ an yɛ‑a, an‑na bai yama sa wo ma.

CHƆN 9:22

A woo mɔɛ chɛ n na‑a chɛ fɔ, ya ɔ sɔɛ chɛ n ma chianɛ an dɔ. Koe min na mu, a ɔ bɛnden fan ni, mbɛ mɔ ɔ mɔ min mbe a fɔ‑a den, mbɛ Chisɔsi an mu kunka mansa a, a ma nyin a ko a. A mɔɛ chɛ ka‑a mɔɛ tɔɛ n ma fɛsɛ fɛsɛ, na koe a an fan Chu n 'na samun chɛ chenɛ a.

CHISƆSI 'A SƆ MƆƐ NU 1:15

Tee kuunden gbakɔ, mɔɛ miin‑na an kai fa Chisɔsi Chasi a, an bɛn‑da wan kaina dɔndɔ. An danɛ taen fan ni mɔ chɛmɛ dɔndɔ, ni mɔ bi fea ɔ. Mbɛ Pita‑a a kɔɔ sɔ, koɔ koe a an tena.

GBOO FEAN BƆƐ KƆYINDI KO A 13:2

N‑na wo a si wan, n 'na gba fean bɔɛ ɔ, wo kɔndɔn‑da. N‑na wo a si wan, wo wɛn na‑a ko yama ma, a kɔma a, a basan mɔɛ tɔɛ n gbɛɛ a. Chɛɛ n mbe a fɔ‑a wan to sanche, mbɛ n mbe ee ka buɛ min dɔ wo tɛ ɔ, mbɛ n mbe na‑a to tima min na, mɔ ɔ mɔ kun mbe ee bɔ‑a tɔɔya ɔ.

Gboo Kadesia Ko A 6:10

Chɛ ko a, Yataa ɛ mmɔ kɔ‑a buɛ min dɔ, mmɔ ni ko chɛndɛ ma tima ɔ tima, mɔ ɔ mɔ a. A sin, a bɛɛ bɛɛ mɔɛ chɛ nu, mmɔ kai faen mu Chisɔsi a, mmɔ bɛ miin na.

1 TIMOTI 5:13

A ka chɛ ma, an mbe a kuu sɔ wan nyapen nyapencha ma yan‑da, benbenɛ a chenɛ n kun ma. Min yau chɛ ma, an mbe tɔ tɛ chɛ wan a basan ko ɔ fɔɛ ma yanɛ a, bai n fɔɛ a min ma an fɔ bai a.

2 CHƆN 1:10

Ni mɔ ɔ mɔ na‑a wo 'a chenɛ a, kan dɔ mende a min kaen mu Chasi ta ma, wo ma wo ya kɔɔɛ yian a mɔɛ chɛ a, wo gbu ma a kɔndɔn.

2 CHƆN 1:12

Ko sɛsɛ ɛ wan n yii ma, a fɔ koe a wo ye. Chɛɛ n mbe ee a finɛ puin tena a gbɛ ɔ. N mbe min ma tena, n yiima ɛ a fɔ tena wan n ye, n ni na wo kɔndɔn, mmɔ ni chia ɔ bɔ dɔndɔ chɛ. Chɛ an mbe a ma‑a, mmɔ gbɛɛ, mmɔ 'a buɔdia da ni fa gban.

3 CHƆN 1:3

Suun ma nyɔɛ dɔ n na‑a wan, an‑na a fɔ n ye, mbɛ e wan sɔ ɔ den Chisɔsi ko a, yɔ e buɛ min dɔ Yataa 'a chia ma teaya ɔ, tee ɔ tee a. Chɛ‑a n bu ɔ dia wan kaka.

3 CHƆN 1:5

N dia nyɔɛ, i tanden mu i 'a wai ɔ, e min chɛ tena mmɔ suun ma nyɔɛ n ye, an dɔ n mu wɛɛ sonda n na i tena.