2 TIMOTI 4:8 - Yataa 'a Dɔbɛnɛ Nama

⁸ A ka gbɛ sanche ma, boo ɔ gbasi woo ɛ n ma kɔn tena banda bu ɔ, Mansa Chisɔsi boo ɔ, a wɛn tanden mu kaa a tɛ ɔ. Ɛ a be‑a wan n ma a tee chɛ ma. A sin mbe ee ma‑a n dɔndɔ gbe an na, chɛɛ chɛ n bɛɛ miin ya ɛ chia a, a na tima ma kɔnɛ a.

2 TIMOTI 4:8 ပူးပေါင်းရင်းမြစ်များ

MATIU 24:36

Chisɔsi ɔ, “Chɛɛ mɔ ɔ mɔ ma a tee gbu sɔn, a basan a tima a, n na koe a. N fan, Yataa 'a denɛ wɛɛ, n ma a ɔ sɔn, ni n mbe na‑a tima min na. Maeka n bɛɛ, an ma a ɔ sɔn. Fa Yataa dɔndɔ gbe, an‑na a ɔ sɔn.

MATIU 7:22

Ni tee chɛ che‑a, Yataa ɛ mɔɛ n gbɛmbo‑a tee min ma, mɔ sɛsɛ n mbe a fɔ‑a wan n ye, an dɔ, ‘Mansa, Mansa, nn ni Yataa bai ɔ yian i wan tɔɛ ɔ. A yɛ to, nn ni nyina yama n gbain i tɔɛ an dɔ, a basan kamaya koe chenama sɛsɛ a, nn ni an chɛ i tɔɛ ɔ wan.’

DUKU 10:12

N ni a ma din wo tena, mɔ yama chɛ nu suun Sɔdɔn duu ɔ, an mbe ee tɔɔya‑a, Yataa ɛ dunya gbɛmbo‑a tee min na, yɔ chɛ nu an duu chɛ ɔ, an mbe tɔɔya‑a buɛ min dɔ.”

GBOO DOMI KO A 2:5

Chɛɛ wo faa a kɔɔen mu, wo too wɛɛ ɔ gbɛ. Chɛ ko a, wo 'a tɔɔya ma ɛ munda‑a wan, tee chɛ ma, tee min ma mɔɛ n mbe Yataa 'a faatɛ ɔ yen‑da. A sin, an mbe a ɔ gbɛ‑a wan, mbɛ ɛ tea kaa an na tɛ.

GBOO DOMI KO A 8:23

Chɛɛ chɛ ee ma fen chɛ n dechee a, Yataa‑a miin nyan. Mmɔ wɛɛ, Yataa Nyina pɛn be‑a mmɔ ma. Chɛ sin ma‑a wɛɛ ka mmɔ ye, mmɔ ɛ kuun tena wan tun mmɔ faa ɔ. Mmɔ ɛ wan chɛ a, mmɔ ɛ ta‑a Yataa ma kɔn‑da, a ni mmɔ ma fion a 'a denɛ n na, gboo nama ɔ ya ɔ ma.

GBOO SAA KƆYINDI KO A 2:9

Chɛɛ min maen mu, ɛ ka wan dechee yɔ min nyɛnden mu Yataa 'a gboo ɔ. A ɔ, mɔ ɔ mɔ ma koe chɛ n dɔ yen nin bɛ, a ya a, a ɔ, a ma an na min ni, a too a, a ɔ, mɔ ɔ mɔ sin ma an dɔ gbɛ ni, a yiima ɔ. A ɔ, koe chɛ nu, Yataa‑a min sa tena ɔ bɛn mɔɛ n ko a, a ɔ, miin toen mu a a.

GBOO SAA KƆYINDI KO A 3:13

Chɛɛ mɔ ɔ mɔ ta wai chɛ buɛ, ɛ bɔ‑a wan ya a ma, kaa a tɛ tee chɛ ma. A sin, ta an mbe a ɔ yian‑da, mɔ ɔ mɔ kan kɔ kan‑na a ta wai min chɛ.

GBOO SAA KƆYINDI KO A 9:25

A sin, bui chɛ mɔɛ kan kɔ kan, ɛ tachɛ wan a wandi a chɛndɛ chɛ koe gbɛɛ ɔ. An mbe chɛ ma, min mbe a ma, an ni mansa banfua ma sɔn, min gbu ee mɛ. Chɛɛ mmɔ tana, mmɔ ɛ bui chɛ tena boo ɔ gbasi woo an ko a, min mbe ma‑a kuɔ fɔ ko a.

GBOO FEAN BƆƐ KƆYINDI KO A 5:2

Mmɔ ɛ wan gbɛ nɛ dunya ma, mmɔ ɛ kuun tena wan. Buɔdia min mbe mmɔ ɔ, a koo kaka an gboo nama chɛ ko a. Mmɔ toen mu gbɛ a ya kɔɔɛ ma, mmɔ 'a gboo nama chɛ, min mbe banda bu ɔ, a ni sɛ gbɛ mmɔ ma.

Gboo Fiipai Ko A 3:11

Chɛ ko a, n bɛɛ, n ni ma mɔɛ dɔndɔ a, Yataa ɛ min kɔɔ sɔ‑a, a yɛ to fɔɛ ɔ.

Gboo Kɔdɔsai Ko A 1:5

Wo e chɛ ma, a mu min na, wo yii na tɛenɛ mu koe chɛ an ma, Yataa‑a min sa tena ɔ bɛn wo ya ɔ banda bu ɔ. Tea bai chɛ, min mu sakana bai chɛndɛ a, a‑a a fo kɛn wo ma tima saa saa ko a, wo‑a a a min fan, ɛ na yiinatɛ min na.

Gboo Saa Tɛsadonika Ko A 1:10

A sin, a 'a denɛ na koe, a ka banda bu ɔ, wo e a ma kɔn tena wan. A 'a denɛ Chisɔsi, a‑a a ma min na a kɔɔ sɔ, a ka saya ɔ. A 'a den chɛ sin fan‑na mmɔ kun ka, Yataa ma na faatɛ a bɔ mmɔ ma ya ɔ ma.

Gboo Saa Tɛsadonika Ko A 5:4

Chɛɛ nn suun ma nyɔɛ nu Chasi ɔ, wo tana, wo ee pimbi ɔ. Chɛ an fɛ mu, an tee chɛ ee che wo tɛnɛ‑a yɔ kanka ɛ na buɛ min dɔ.

GBOO FEAN BƆƐ TƐSADONIKA KO A 2:8

A tima chɛ a mu, mɔɛ min mbe ee sawa kɔɔ, ɛ yen‑da wan. Chɛɛ ni Mansa Chisɔsi na‑a to, fia min mbe bɔ‑a dechee a da ɔ, an mbe an mɔɛ chɛ fa‑a. Chisɔsi ɛ ma‑a man ba min dɔ, an mbe an mɔɛ chɛ kasaa‑a.

1 TIMOTI 6:19

Ni an‑na chɛ ma, an mbe ma‑a ka nyanɛ an kuu chɛ‑a an fandi ko a, dunya nama chɛ ɔ min mbe na tena. Chɛ ɛ a ma‑a wan, an ni fɔɛ ma sɔn, min mu tea fɔɛ a.

2 TIMOTI 1:10

Chɛɛ sanche gbɛ, mmɔ baun mɔɛ Chisɔsi Chasi na‑a dunya ɔ, min mbe a ma, mmɔ ni a 'a koadia deman chɛ ɔ yen. Chasi‑a a ma gbasaya ee to saya boo ɔ mmɔ kun ma. Sakana bai chɛndɛ chɛ ɔ, a‑a kuɔ fɔ fɔɛ yian mmɔ a.

2 TIMOTI 1:12

A sin, chɛ an fɛ mu n mbe ka mɔnɛ bonda chɛ ɔ bia tena. Chɛɛ mau ee n dɔ, koe min na mu, n‑na a ɔ sɔn fan, n kai faen mu min na. A sin n danden fan mu a a, mbɛ a‑a fenɛ min be n ma, ɛ che wan a kun ma fɛn‑da aan a tee dankama chɛ ni che.

2 TIMOTI 1:18

I sin‑na a ɔ sɔn fan chɛndɛ chɛ, a‑a min chɛ n ko a Ɛfisɔsi duu ɔ. Mansa Yataa ni chinchin a ma tee dankama ma.

2 TIMOTI 2:5

A yɛ to, ni i ma‑a Yataa 'a wai chɛ‑a, bea a 'a sawa fɛ. A ɛ wan yɔ bui chɛ tɔmbɔɛ, mɔɛ ee a bɔɛ n gbasi, a ni boo ɔ gbasi woo ma sɔn, ni a ma don ni sawa gbɛɛ kɔɔ.

2 TIMOTI 4:1

Chisɔsi Chasi ɛ ma‑a tima min na a 'a mansaya ɔ, ɛ mɔɛ gbɛɛ gbɛmbo‑a wan, fuɛ n bɛ chɛndɛ ba n na. Chɛ an fɛ mu, Yataa an fea Chasi a, an mbe mɔ yen tena wan. N mbe na tena chɛ an ma din‑da i tena gbau gbau.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

GBOO IBU MƆƐ N KO A 12:11

Ni mmɔ ma‑a tɔɔya kɔɔ, a tima chɛ a, mmɔ ɛ a yen koe an na, min mbe mmɔ faa yɔn, a ee mmɔ bu ɔ dia‑a. Chɛɛ chɛ gbɛɛ ɔ, chɛ gbakɔ, an tɔɔya chɛ ɛ miin koo‑a, an mbe faa chima ma sɔn‑da wan, a bɔ tea koe n dɔ, an mbe miin ma‑a.

GBOO IBU MƆƐ N KO A 9:28

A chia dɔndɔ gbe chɛ a mu, Chasi wɛɛ na‑a a wandi be gba dɔndɔ gbe wan, mmɔ 'a ko yama n ko a. Chɛɛ Chasi ɛ bɔ‑a wan to a a dunya chɛ ɔ, a gba fean bɔɛ ko a. A sin, a nɛnɛ ee ma‑a ko yama n fan bakoe a. Chɛɛ mɔɛ chɛ n fan kun ka koe mu, miin mbe a ma kɔn tena, an faa gbɛɛ a.

CHIMISI 1:12

Yataa ɛ mɔɛ chɛ n dua‑a wan, miin mbe an faa bia, ni ko yawaenɛ‑a an tan. Koe min na mu, ni an‑na an koe chɛ ɔ bia, Yataa ɛ boo ɔ gbasi woo min be‑a an ma, ɛ ma‑a kuɔ fɔ fɔɛ an na. Fɔɛ chɛ, a na‑a tooɔdia be koe an na mɔɛ n ma, miin toen mu a a.

1 PITA 1:4

Chɛ an‑na a fɔ, fen kuu ma chɛ ɛ wan nɔ, Yataa‑a min sa tena ɔ bɛn a 'a denɛ n ko a. Ɛ wan nɔ banda bu ɔ, wo ko a. Ko ɔ ko ma ma ni a a, a sin, tɔmbɛ ee a ma. An fen chɛ ee tui, a sin mbe ee ka a gba ɔ.

1 PITA 5:4

A sin, ni Chasi‑a a kunɛ a bɔ, a wɛn mu mɔɛ n kun ma fɛn mɔɛ n 'na mansa a, wo e banfua chɛ ma sɔn‑da wan, baa koo min ma. Banfua an nɛ, min mandenɛ ɛ ma‑a taun kuɔ fɔ ko a.

KO Ɔ NUNDENƐ 1:7

A yen ko, Chisɔsi ɛ na tena wan dugbu ɔ. A sin, mɔ ɔ mɔ ɛ a yen‑da wan, a basan chɛ n bɛɛ a, miin na‑a a sɔɔ a kaa fɛ. A sin, mɔɛ n gbɛɛ dunya ɔ, an mbe di‑a wan gbafi gbafi a ko a. A ɛ ma‑a ka wan. A ni ma ka.

KO Ɔ NUNDENƐ 19:11

Chɛ gbakɔ, n‑na banda bu ɔ yen a a kaenɛ ɛ. Mbɛ a yen ko, soo gbɛ ɛ nɔ. Mɔɛ min mbe si ɔ an soo chɛ kun ma, a tɔ mu Danaya ni Tea. A sin, kaa min ɛ a a tɛ, tea an mbe ma a ɔ, a sin mbe ee ta chɛɛ ɔ fania kun ma.

KO Ɔ NUNDENƐ 2:10

Wo ma chian tɔɔya kan kɔ kan ma, wo e na tena min chɛ‑a. A yen ko, Sitana ɛ na tena a ma‑a wo dɔ n ni sa pimbi chenɛ a, wo ɔ siman koe a. A sin, wo e tɔɔya ɔ yen‑da wan tee tan ko a. Wo sɔ chidi wo 'a danaya ɔ n na, an ni a fɔ a ni ma saya wɛɛ a wo ko a, wo ma mun. N mbe kuɔ fɔ fɔɛ an be‑a wo ma, wo 'a boo ɔ gbasi woo a.”

KO Ɔ NUNDENƐ 22:20

Mɔɛ chɛ, min mbe koe chɛ n gbɛɛ fɔ‑a, a ɔ, “Tea ko a, n na tima ɔ ma yansan to.” A ni ma ka. Mansa Chisɔsi, na fo.

KO Ɔ NUNDENƐ 4:10

An mbe ma chɛ a, mbɛ gbakoo bi fea kun ma naanin chɛ nu, an‑na an kumbai gbangban a chen kɔɔ, a wɛn mbe si ɔ mansaya ɔ. Mbɛ an‑na a fai, a wɛn mbe ee fa kuɔ fɔ ko a. An 'na mansa banfua nu, an‑na an ya, mbɛ an‑na banfua chɛ n sa a chen kɔɔ, kooya ɔ. Mbɛ an dɔ,

KO Ɔ NUNDENƐ 4:4

Mansa sea bi fea kun ma naanin dɔ mende ni wan nɔ, an mansa sea dɔndɔɛ chɛ a tindanɛ. Gbakoo bi fea kun ma naaninɛ n ni wan si ɔ an mansa sea chɛ n na. An ma bɛnden ni koa gbɛ an dɔ, sanu mansa banfua sienɛ an kun na.