2 TIMOTI 4:7 - Yataa 'a Dɔbɛnɛ Nama

⁷ N‑na butuin chɛndɛ chɛ chɛ, n che‑a a danka a. N sin ma ka ni n 'na danaya gbee a.

2 TIMOTI 4:7 ပူးပေါင်းရင်းမြစ်များ

DUKU 11:28

Chɛɛ Chisɔsi ɔ, “I‑a tea an fɔ ka, chɛɛ miin mbe Yataa 'a bai a min‑da, mbɛ an‑na a ma, yɔ bai chɛ‑a min fɔ an ye a ma koe a, dua chenama wa gbu ɛ ma‑a an fan ma.”

DUKU 8:15

Mɔɛ dɔ n sin mbe wan yɔ duu gboo chɛndɛ chɛ, chin fen kuu n bea‑a ka min ma. Ni an‑na sakana bai chɛndɛ chɛ a min, an mbe a sa wan an yii ma chɛndɛ chɛ, mbɛ an‑na a ma, yɔ sakana bai chɛ‑a min fɔ an ye a ma koe a. A sin to, yakɔɔtawa kan kɔ kan ni an tan bɛɛ, an mbe ee sɛmbɛ dan koe a Yataa a.”

CHƆN 17:6

“I‑a mɔɛ dɔ n bɔ wan an bɔɛ n tɛ ɔ, nɛ dunya chɛ ɔ, mbɛ i‑a an be n ma, ma koe a n fɛ denɛ n na. A gbu sin, i wan ta ni an na, a sin to, i wan‑na an be n ma. N‑na i wakoe ɔ yian fan an na, an‑na i sɔn. An sin‑na an too ma sɔ wan i da a kuiɛ ma, chɛ gbɛɛ ɔ.

CHƆN 4:34

Mbɛ Chisɔsi ɔ, “Min 'na dɛya mu n na, ni n‑na a faa ma koe ma, n ni a 'a wai a ban, a‑a n sɔ min na, an mu n 'na daun fenɛ a.

CHISƆSI 'A SƆ MƆƐ NU 13:25

A sin, Chɔn ni kɛn gbɛ a 'a wai a ban tena dunya chɛ ɔ, a‑a a fɔ wan, a ɔ, ‘Ɛ wo yii ma, mbɛ nyɔn mu n na? N fan ma mɔɛ chɛ a, wo yii na chiien mu min na. Chɛɛ wo wo too ma sɔ, a ɛ na tena n gbaa chia a. Kɔɔwa gbu wɛɛ a chenɛ a, n mbe ee che a yuu wɛɛ fuin koe a.’

CHISƆSI 'A SƆ MƆƐ NU 20:24

Chɛɛ ni n 'na wai chɛ koe mu, n ma n ta fɔɛ chɛ ya ni fen kɔ fen na. Wai chɛ, Mansa Chisɔsi‑a min be n ma, n ni a a ban koe mu. N ni sakana bai chɛndɛ chɛ ɔ yian mɔɛ n na, a si Yataa 'a koadia demanɛ ma.

Gboo Kadesia Ko A 2:2

Chisɔsi na‑a koe min dɔ yian n na, an na‑a a ma, n sɛ‑a Chuusaɛn. A sin, n‑na a sa wan an kɔɔ, chɛɛ nn dechee ni bɛnɛ ɔ, nn bɛ an 'na gbakoo n na. N‑na sakana bai chɛndɛ chɛ ɔ yian an na, n na‑a min dɔ yian mɔɛ chɛ n na, miin ma Chu mɔ a. N‑na chɛ ma, min mbe a ma, n‑na wai min chɛ, a ma na to n ma gbama gbama a.

Gboo Fiipai Ko A 1:30

A sin, wo‑a n yen tɔbu min dɔ bia‑a, wo wɛɛ wo e ka an sima ɔ yen tena. A sin, wo e ka tɔbu min dɔ yen tena, an mbe ka tun n bɛɛ ma.

1 TIMOTI 1:18

N 'na den, Timoti, n toen mu n ni chɛ an fɔ i ye a ma koe a. I yii na chii bai chɛ n ma, Yataa 'a gbonka chɛ mɔɛ n na‑a min fɔ tee, a si i ma. An ya i faa a, min mbe a ma, i ni butuinɛ chɛ Chasi ko a, yɔ soya chɛndɛ.

1 TIMOTI 6:12

Butuinɛ chɛ i 'a danaya ko a Chisɔsi a, butuin chɛndɛ an nɛ. I che‑a wan kuɔ fɔ fɔɛ ma sɔn‑da. I sin‑na a fɔ wan den mɔ sɛsɛ ya kɔ, mbɛ i‑a i kai fa Chisɔsi Chasi a. Kuɔ fɔ fɔɛ chɛ bia i boo fea a.

1 TIMOTI 6:20

Timoti, fen chɛ bia i boo fea a, Yataa‑a fenɛ min be i ma. I ma i too ma sɔ wooya chia ɔ bɔɛ ma, chian mbe ee min dɔ Yataa ko a, mɔɛ dɔ n mbe min chee an dɔ yiimatɛ.

2 TIMOTI 1:14

Yataa Nyina 'a gbasaya ɔ, min mbe mmɔ fɛ, tea chɛ min been mu i ma, a bia i boo fea a.

2 TIMOTI 3:10

Chɛɛ i tana gbɛ, i ban‑da n 'na kan chɛ buɛ ma mɛn‑da, ni n sɔnɛ, n yii ma koe fɔɛ ɔ, n 'na danaya Chisɔsi a, n 'na faabiaya, koadia n dɔ, a basan n 'na ko ɔ bia a.

KO Ɔ NUNDENƐ 3:10

Koe min na mu, wo‑a n da a kuiɛ a min, wo‑a wo faa bia. N bɛɛ, n mbe wo kun ma fɛn‑da wan tima chɛ a, tima min na dunya gbɛɛ ɛ ma‑a dɔsimanɛ kɔɔ, mɔɛ gbɛɛ ɛ ma‑a tɔɔya ɔ.

KO Ɔ NUNDENƐ 3:8

A ɔ, “N‑na a ɔ sɔn fan, wo e tachɛ tena buɛ min dɔ. N‑na a ɔ sɔn fan, mbɛ wo 'a gbasaya dɔɔ wɛɛ boo ɔ boo, chɛɛ wo bea‑a wan n da a kuiɛ fɛ, wo ma ka ni n fɛ. A yen ko, chenɛ da a kaenɛ mu gbɛ wo ya ɔ, mɔ ɔ mɔ sin mbe ee nɔ, min mbe a a tɔn.

KO Ɔ NUNDENƐ 6:11

Mbɛ mɔɛ chɛ nu, an‑na miin fa ka, doma wa dɔndɔ dɔndɔ be‑a an ma, doma gbɛ fo. Mbɛ a fɔ‑a an ye, mbɛ an ni a ma kɔn, aan an bɔɛ wai chɛ mɔɛ n da ni fa, an suun ma nyɔɛ nu Chasi ɔ, miin mbe fa‑a yɔ an fan.