2 TIMOTI 4:5 - Yataa 'a Dɔbɛnɛ Nama

⁵ Chɛɛ i tana, sɔ chidi. Ko yawaenɛ ɔ bia, i ni i sɔɛ gbɛɛ chɛ Yataa 'a sakana bai chɛndɛ ɔ yian koe a mɔɛ n na. I 'a wai gbɛɛ chɛ, Yataa 'a wai chɛ mɔɛ ɛ min chɛ.

2 TIMOTI 4:5 ပူးပေါင်းရင်းမြစ်များ

MATIU 25:16

Mbɛ a ya kɔɔɛ a, sɛn dɔ kaminɛ, min na‑a kain gbɛnsɛn wu duu chɛ ma sɔn ka, a ta‑a. Mbɛ a bun‑da fee fenɛ san‑da, ɛ a ma tachɛ. A‑a chɛ ma kɛn, a kun‑da wan kain gbɛnsɛn wu duu dɔ mende ma.

MAKI 13:34

A ɛ wan yɔ mɔɛ, ɛ ma ta‑a tachɛ ɔ. A ɛ ma a waa boo ka‑a, ɛ a 'a bɔi denɛ n to wan chenɛ kun ma fɛn koe a. A ɛ mɔ ɔ mɔ ta wai be wan a ma, mbɛ a‑a a fɔ a 'a chen ma kɔn mɔɛ n ye, a ɔ, an ni chenɛ kun ma fɛn.

MAKI 13:37

A sin, n mbe min fɔ wo ye, n mbe an fɔ mɔɛ gbɛɛ ye. Wo ma bɛndenɛ ni ma.”

DUKU 12:37

Ɛ ma‑a wan bɔi den chɛ n ma buɔdia a, miin mbe ee chinɔ‑a, aan an kun ti ni yɛ. N ni a ma din wo tena, mbɛ kun ti chɛ ɛ a ma bɛn‑da wan, mbɛ a‑a a 'a bɔi den chɛ n chee, mbɛ a wandi gbu‑a daun fenɛ ya, a‑a a be an ma a daun koe a.

CHISƆSI 'A SƆ MƆƐ NU 21:8

Banda ɔ ka‑a kɛn, nn bɔ‑a wan nɔ, mbɛ nn na‑a Sisayea duu ɔ. Nn ta‑a wan kamin dɔndɔ 'a chenɛ a, sondaya a. A tɔ ni Fiipi, min ni ben ben sakana bai chɛndɛ chɛ ɔ yian‑da, a si Chisɔsi ma. A ni mɔ dɔndɔ an na to, mɔ wɔnfea chɛ n tɛ ɔ, Chuusaɛn mɔɛ n na‑a an boo sɔ miin ma.

GBOO DOMI KO A 15:19

A yɛ to, a bɔ‑a to koe n tɔmɔsi gbau gbau n dɔ, a basan kamaya koe wa n na, n‑na miin ma. A sin, Yataa Nyina‑a gbasaya be n ma koe chɛ n gbɛɛ ma koe a. A sin chia chɛ a mu, Yataa 'a sakana bai chɛndɛ chɛ a si Chasi ma, n‑na a sa wan kan kɔ kan, a ka Chuusaɛn duu ɔ, a ta Idiikɔn chɛnyɛ ɔ.

Gboo Ɛfisɔsi Ko A 4:11

A wan‑na koadia demanɛ chɛ mɔɛ n na, ma koe dama dama. A‑a mɔɛ dɔ n ma a 'a sɔ mɔɛ n na, mbɛ a‑a dɔ n ma Yataa 'a gbonka chɛ mɔɛ n na. Dɔ n sin, a‑a an ma Yataa bai sa mɔɛ n na, mbɛ a‑a gbasaya be dɔ n sin ma, an bɔɛ n sɔ koe a chia ma, a basan an kan koe a Yataa bai a.

Gboo Ɛfisɔsi Ko A 4:12

A‑a chɛ n ma, min mbe a ma, mmɔ wɛn mu ka Yataa 'a mɔɛ n na, mmɔ ma ni bɛn an wai chɛ koe a. Chɛ ni a ma, mmɔ ɔ ni gbɛa gbau gbau, mmɔ wɛn mu Chasi gboo a.

Gboo Kɔdɔsai Ko A 1:25

A sin, wo ko a, Yataa‑a n ma wan a 'a wai chɛ mɔɛ a, basan koe a chɔchi ma. A‑a chɛ ma, min mbe a ma, a 'a sakana bai chɛndɛ chɛ ɔ ni yian wo a chɛndɛ chɛ.

Gboo Kɔdɔsai Ko A 4:17

Wo a fɔ Akipɔsi ye, wo ɔ, a ni a ɔ yen, mbɛ ɛ wai chɛ chɛ tena wan, Mansa Chisɔsi‑a a boo bun a ma, min chɛ koe a.

Gboo Saa Tɛsadonika Ko A 5:6

Chɛ ko a, mmɔ ma ma chinɔɛ ɔ, yɔ mɔɛ tɔɛ chɛ nu. Chɛɛ mmɔ ni ma mmɔ ya a tima ɔ tima ko a, mmɔ yiima sienɛ ɛ chidi.

1 TIMOTI 4:12

I ma a ma mɔ ɔ mɔ ni a yii dɛn i ta kun ma, i kamin tɔngbɔya koe a. Chɛɛ ma tɔmɔsi a an ko a chia sɛsɛ a, i da a bai basan i sɔnɛ ɔ, koadia ɔ, danaya ɔ Chisɔsi a, a sin ma bɔ ee i sɔnɛ ma.

1 TIMOTI 4:15

Koe chɛ n ma i ma gbɔsɔɛ a, i ni i wandi be an ma koe a, min mbe a ma, mɔ ɔ mɔ ni a ɔ yen, e ta tena buɛ min dɔ ya ɔ ma.

2 TIMOTI 1:8

Chɛ an‑na a fɔ, i ma mau mmɔ 'a mansa wakoe ɔ yian koe a mɔɛ n na. N bɛɛ wakoe, i ma mau n ko a, koe min na mu, n mbe pimbi chenɛ a a si Chasi ko a. Chɛɛ Yataa 'a gbasaya ɔ, i wɛɛ i ta mɔnɛ ɔ bia a 'a sakana bai chɛndɛ ko a. A sin mbe a 'a gbasaya be‑a wan i ma.

2 TIMOTI 2:10

Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.

2 TIMOTI 2:3

I ta mɔnɛ ɔ bia, yɔ Chisɔsi Chasi 'a soya chɛndɛ.

2 TIMOTI 4:17

Chɛɛ Mansa Chisɔsi sɔ‑a wan n kɔ gban, a‑a a ma n che‑a a 'a sakana bai fɔ‑a chɛndɛ chɛ. Chɛ‑a a ma wan, mɔɛ miin ma Chu mɔ a, an gbɛɛ‑a a a min. A sin to, a‑a n kun ka wan.

GBOO IBU MƆƐ N KO A 13:17

Wo kooya be wo ya ɔ sɔɛ n ma, wo ni bea an da a kuiɛ n fɛ. An fan mbe wo kun ma fɛn tena, tima ɔ tima ko a. Koe min na mu, an mbe na‑a wan a ɔ yian‑da Yataa a, an ni wo kun ma fɛn buɛ min dɔ. Ni wo‑a kooya be an ma, an mbe an 'na wai chɛ‑a buɔdia an na. Ni wo ma kooya be ni an ma, an mbe a chɛ‑a faa yɔnɛ an na. A sin mbe ee ma‑a ko a tenden na wo tena.

1 PITA 1:13

Chɛ an fɛ mu, wo wo yiima ɔ bɛn gbɛ chɛndɛ chɛ, wai n chɛ koe a, wo e min chɛ. Wo kun wo tachɛ buɛ kun ma fɛn‑da tima ɔ tima ko a, wai chɛ koe a. Wo yii na tɛenɛ ni ma gbae dua chɛ ma, min mbe be‑a wo ma. Dua chɛ, wo e min sɔn‑da, Yataa ɛ Chisɔsi Chasi yian‑da tima min na.

KO Ɔ NUNDENƐ 3:2

Koe min na mu, n‑na a ɔ yen, mbɛ wo tachɛ buɛ ma Yataa faa chima nin bɛ. Chɛ an‑na a fɔ, wo wo kunɛ kɔɔ sɔ wo 'a danaya ɔ Yataa a, wo ɔ ni gbɛa, a bɔ gboo ɔ fa chɛ ɔ wo 'a Chisiancha ɔ. Gboo ɔ fa chɛ ma a ma wo ni sɛmbɛ dan koe a n na.