2 TIMOTI 4:2 - Yataa 'a Dɔbɛnɛ Nama

² Sakana bai chɛ ɔ yian mɔɛ n na, tee kɔɔ sona kɔɔ, i ma bɛn a ɔ yian koe a. Mɔɛ n yiima mun, an‑na ko yama fɔ an ye, mbɛ i‑a an faa ma nande, e ta‑a i faa bia‑a an na, ni i ma‑a an kan‑da.

2 TIMOTI 4:2 ပူးပေါင်းရင်းမြစ်များ

DUKU 7:23

Wo a fɔ a ye, wo ɔ, mɔ ɔ mɔ, i wɛn gboo ɔ ma fa ni dan koe a n na, e dua ma sɔn‑da wan.”

DUKU 7:4

An ta‑a, mbɛ an‑na Chisɔsi tan, an dɔ, “Fa, i dimu, mmɔ ta, i ni kai chɛ 'a bɔi den chɛ baun, a mu min na, mɔ chɛndɛ wa mu a a.

DUKU 9:60

Mbɛ Chisɔsi wɛɛ ɔ, “Mɔɛ miin mbe yɔ mɔ faenɛ nu, an to nɔ, an ni an 'na mɔ faenɛ n tɔn. Chɛɛ i tana, a nyin i ni ta, i ni Yataa 'a mansaya ɔ yian mɔɛ n na.”

CHISƆSI 'A SƆ MƆƐ NU 16:13

Suin tee che‑a kɛn, nn bɔ‑a wan an duu wa dɛgbɛ chɛ ɔ, mbɛ nn ta‑a yii a sanɛ. A ni wan nn yii ma, mbɛ Chu mɔɛ chɛ n na sɔndenɛ ɛ ma‑a wan nɔ, samun chɛ koe a. Nn‑na musu chɛ n tan fan nɔ, an na sɔndenɛ ɛ kaina dɔndɔɛ, mbɛ nn koɔ‑a an tena.

CHISƆSI 'A SƆ MƆƐ NU 20:7

Tɛnɛ kan kɔ dɔɛ ma, nn bɛn‑da wan kaina dɔndɔɛ, daun chɛ koe a. Pɔɔ‑a Yataa bai sa wan mɔɛ chɛ n tena. A toen ni ben koe an na, a banda ka. Chɛ an fɛ mu, a koɔ‑a wan an tena, aan su ta‑a a tɛ ma.

CHISƆSI 'A SƆ MƆƐ NU 28:16

A sin, nn che‑a kɛn Domi duu ɔ, an‑na a ma wan, Pɔɔ ma‑a a kun ma chenɛ a. Chɛɛ soya mɔɛ ya gba ni wan a fɛ.

GBOO DOMI KO A 10:15

A sin to, sakana bai chɛ ɔ ee che yian‑da mɔɛ n na, ni Yataa ma mɔɛ n na fasan ni dunya ɔ, a ɔ yian koe a. A ni ma yɔ Yataa 'a gboo‑a a fɔ buɛ min dɔ, mbɛ a ma kawaen mu kaka, mbɛ mɔɛ chɛ n mbe chia a, miin mbe na tena sakana bai chɛndɛ a.

GBOO DOMI KO A 12:12

Wo ma buɔdia ɔ, tima ɔ tima ko a. Koe min na mu, wo yii na tɛ tena ɛ wan. Ni yakɔɔtawa‑a wo tan, wo wo faa bia. A sin, wo samunɛ chɛ tima ɔ tima ko a.

Gboo Kadesia Ko A 6:6

Ni an‑na mɔɛ min kan, Yataa bai ma, a ni a boo fenɛ chɛndɛ gbɛɛ ɔ du, a ni a kan mɔɛ kɔ.

Gboo Kɔdɔsai Ko A 1:25

A sin, wo ko a, Yataa‑a n ma wan a 'a wai chɛ mɔɛ a, basan koe a chɔchi ma. A‑a chɛ ma, min mbe a ma, a 'a sakana bai chɛndɛ chɛ ɔ ni yian wo a chɛndɛ chɛ.

Gboo Kɔdɔsai Ko A 4:3

A sin, wo samunɛ chɛ nn ko a, min mbe a ma, Yataa ni chia yian nn na, a 'a bai chɛ ɔ yian koe a. Sakana bai chɛ, Yataa‑a min dɔ nun tee mɔɛ n ma, n ni a ɔ yian den mɔɛ n na. Sakana bai chɛ, a si Chasi ma, n mbe ka sa ɔ pimbi chenɛ a min ko a.

Gboo Saa Tɛsadonika Ko A 1:6

Wo bea‑a wan nn chen gba fɛ, a basan Mansa Chisɔsi wɛɛ ta a. Wo‑a wo boo si wan a 'a sakana bai chɛ kɔɔ, a ma‑a wɛɛ ko yawaen dɔ bia a wo ma. Chɛ gbɛɛ ɔ, Yataa Nyina gboo ɔ ma fa ni a ma koe a wo bu ɔ ni dia.

Gboo Saa Tɛsadonika Ko A 5:14

Nn suun ma nyɔɛ nu Chasi ɔ, nn mbe wo ɔ tisa tena, wo ni dasi be baa baa tɔɛ n ma. Chiandia koo miin gboo ɔ, wo ni an faa ma nande, mbɛ wo‑a chɛ n deman, miin dɔ ma gbɛ. Wo wo faa bia mɔ ɔ mɔ a.

Gboo Saa Tɛsadonika Ko A 5:20

Yataa ɛ a 'a sakana bai min be mɔɛ n ma, a ɔ yian koe a wo a, wo ma ban an bai chɛ n dɔ.

1 TIMOTI 4:13

Yataa 'a gboo chɛ kan an tena, i ni an faa ma nande, mbɛ i‑a an kan, aan n ni na tima min na.

1 TIMOTI 5:20

Tea fɔ an ye fanka ɔ, an fɛn mbe ko yama ma‑a, min mbe a ma, mɔɛ tɔɛ n ni chian.

2 TIMOTI 2:21

A chia dɔndɔ gbe chɛ a, mɔɛ min mbe a wandi boo a ko‑a ko yama ma a, baa ɛ ma‑a wan a ma Yataa tena. A mu min na, ɛ tenchen a kun ti an ko a, a sin ma gbɔsɔɛ ɛ wan a ma. A mɔɛ tana, a ma bɛnden fan mu wai chɛndɛ chɛ koe a.

2 TIMOTI 2:25

A mu mɔɛ an na, min mbe tima ya, a chɛɛ ma nyɔɛ n gba yama yian koe a an na, a faa chimaenɛ ɔ. Koe min na mu, kɔkɔɛ Yataa ɛ a ma‑a wan, an ni an kan kɔ sɔ an 'na ko yama a, mbɛ an‑na an ya a mun tea ma.

2 TIMOTI 3:10

Chɛɛ i tana gbɛ, i ban‑da n 'na kan chɛ buɛ ma mɛn‑da, ni n sɔnɛ, n yii ma koe fɔɛ ɔ, n 'na danaya Chisɔsi a, n 'na faabiaya, koadia n dɔ, a basan n 'na ko ɔ bia a.

TAITƆSI 1:13

A‑a tea bai an fɔ ka. Chɛ an fɛ mu, an tɛn dɔ tɛ chɛndɛ chɛ, min mbe a ma, an na ni ten Chisian danaya ɔ.

TAITƆSI 2:15

Yataa 'a gbasaya ɛ i boo ɔ gbɛ, i ni koe chɛ n gbɛɛ ɔ yian mɔɛ n na, i ni dasi be, i ni an 'na ko yama fɔ an ye. I ma a ma mɔ ɔ mɔ ni baa bɔ i ma.

GBOO IBU MƆƐ N KO A 13:22

Wo dimu, n suun ma nyɔɛ nu Chasi ɔ, wo wo too ma sɔ bai chɛ n ma. Bai chɛ nu, gboo chɛ ɔ, miin mbe wo faa ma nande. Koe min na mu, gboo kundu mu dechee, n‑na min nyɛn ka wo tena.

KO Ɔ NUNDENƐ 3:19

Mɔɛ chɛ nu, n toen mu miin na, n mbe an fan ma nyin, mbɛ n‑na a ma, an tɔɔ‑a. Chɛ an fɛ mu, wo wo ma bɛn, mbɛ wo‑a wo kan kɔ sɔ wo 'a ko yama n na.