2 TIMOTI 4:1 - Yataa 'a Dɔbɛnɛ Nama

¹ Chisɔsi Chasi ɛ ma‑a tima min na a 'a mansaya ɔ, ɛ mɔɛ gbɛɛ gbɛmbo‑a wan, fuɛ n bɛ chɛndɛ ba n na. Chɛ an fɛ mu, Yataa an fea Chasi a, an mbe mɔ yen tena wan. N mbe na tena chɛ an ma din‑da i tena gbau gbau.

2 TIMOTI 4:1 ပူးပေါင်းရင်းမြစ်များ

MATIU 16:27

Chɛ an fɛ mu, wo ma ka n fɛ. Koe min na mu, n fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ n 'na maeka n na. Ni nn sin ma‑a na‑a, nn mbe ma‑a wan man‑da Fa Yataa 'a manɛ a. An tima chɛ a, n mbe mɔ ɔ mɔ pawa‑a wan a 'a wai ko a, ɛ min chɛ‑a.

DUKU 19:12

Chɛ‑a a ma wan, a‑a a fɔ, a ɔ, “Mansa den dɔndɔ bɔ‑a wan a 'a chɛnyɛ ɔ, mbɛ a ta‑a gboo mansa chɛnyɛ dɔ mende ɔ pɔɔ. A toen ni kun ti wa min ni nɔ, a ni a si mansa a, mbɛ a yɛ‑a a waa a.

DUKU 19:15

“Chɛ gbɛɛ ma‑a wɛɛ, an‑na kamin chɛ ma wan mansa a, mbɛ a yɛ‑a a waa a. A ya kɔɔɛ a, a‑a a ma wan, an‑na a 'a bɔi den tanɛ chɛ n chee a chen kɔɔ. A toen ni a ni a ɔ sɔn, ni bɔi den chɛ n‑na fen nyɔn ma sɔn dɔndɔ dɔndɔɛ a.

DUKU 23:42

Mbɛ a ɔ, “Kai Chisɔsi, i yii na chii n na, ni i na‑a tima min na gbasaya ɔ, i 'a mansa wai chɛ koe a.”

CHISƆSI 'A SƆ MƆƐ NU 10:42

A sin‑na a fɔ wan nn ye, a ɔ, nn ni Yataa bai sa mɔɛ n tena. Mbɛ nn‑na siiya bɔ, a si a wakoe ma. A ɔ yian koe a, mbɛ Yataa‑a a wan Chisɔsi an yian, kaa a tɛ koe a, chɛndɛ ba n ko a, an bɛ fuɛ n na.

CHISƆSI 'A SƆ MƆƐ NU 17:31

Koe min na mu, a‑a tee yian, ɛ tea gbɛmbo chɛ‑a mɔ gbu gbɛɛ a, dunya ɔ tee min ma. Ɛ a ma‑a wan, a na‑a a boo sɔ mɔɛ min ma, a ni mɔɛ n gbɛmbo. A sin‑na yiinatɛ be wan mmɔ ma, a‑a a ma kɛn, kamin chɛ‑a a kɔɔ sɔ, a ka saya ɔ.”

GBOO DOMI KO A 2:16

Chɛ an fɛ mu, koe chɛ n gbɛɛ ɛ ma‑a wan tee chɛ ma, Yataa ɛ a ma‑a tee min na Chisɔsi Chasi ni kaa tɛ koe ma, miin mbe nun dɔ mɔɛ n yiima ɔ. N mbe bai chɛ an fɔ tena mɔɛ n ye, sakana bai chɛndɛ chɛ ɔ, n mbe min dɔ yian ka.

Gboo Kɔdɔsai Ko A 3:4

Chasi dɔndɔ gbe, an mbe a ma wo ni ma fɔɛ nama ɔ. A sin, ni a yɛ‑a to dunya chɛ ɔ, wo bɛ an mbe ma‑a a a. A sin mbe ma‑a Yataa 'a manɛ min dɔ, wo wɛɛ, wo e ma‑a an dɔ.

GBOO FEAN BƆƐ TƐSADONIKA KO A 2:8

A tima chɛ a mu, mɔɛ min mbe ee sawa kɔɔ, ɛ yen‑da wan. Chɛɛ ni Mansa Chisɔsi na‑a to, fia min mbe bɔ‑a dechee a da ɔ, an mbe an mɔɛ chɛ fa‑a. Chisɔsi ɛ ma‑a man ba min dɔ, an mbe an mɔɛ chɛ kasaa‑a.

1 TIMOTI 5:21

N toen mu i ni dasi chɛ ya i sɔɛ a, i ma a to mɔ ko a, i sin ma a ɔ sii mɔ ko a. Yataa ɛ mɔ yen tena wan, Chisɔsi Chasi ɛ mɔ yen‑da, maeka n bɛɛ, Yataa‑a min ya, an‑na mɔ yen.

2 TIMOTI 1:10

Chɛɛ sanche gbɛ, mmɔ baun mɔɛ Chisɔsi Chasi na‑a dunya ɔ, min mbe a ma, mmɔ ni a 'a koadia deman chɛ ɔ yen. Chasi‑a a ma gbasaya ee to saya boo ɔ mmɔ kun ma. Sakana bai chɛndɛ chɛ ɔ, a‑a kuɔ fɔ fɔɛ yian mmɔ a.

2 TIMOTI 2:14

Chɛ puin i 'a mɔɛ n yii ma, mbɛ i‑a dasi gbau gbau be an ma Yataa chen kɔɔ, i ɔ an ma koɔ kɔnɔ bai kun ma. Chɛ ee den chɛndɛ suun an ye, chɛɛ ɛ chɛ n fan yɔn gbɔkɔɔ, miin mbe an too ma sɔ‑a a ma.

2 TIMOTI 4:18

Ɛ n kun bɔ‑a wan ko yama kan kɔ kan dɔ, mbɛ a‑a n baun, a ta‑a n na a 'a banda bu ɔ mansaya ɔ. Tando ni ma a tɔɛ ma, kuɔ fɔ ni kuɔ fɔ. A ni ma ka.

2 TIMOTI 4:8

A ka gbɛ sanche ma, boo ɔ gbasi woo ɛ n ma kɔn tena banda bu ɔ, Mansa Chisɔsi boo ɔ, a wɛn tanden mu kaa a tɛ ɔ. Ɛ a be‑a wan n ma a tee chɛ ma. A sin mbe ee ma‑a n dɔndɔ gbe an na, chɛɛ chɛ n bɛɛ miin ya ɛ chia a, a na tima ma kɔnɛ a.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

1 PITA 1:7

Wo e chɛ n dɔ bia koe min na, a ɔ yian koe mu, mbɛ wo kai faen fan mu Chisɔsi Chasi a chɛndɛ chɛ. Ta an mbe a ma, mɔ ni sanu ma kawa koe ɔ sɔn. Sanu min ka, mɔɛ ɛ kun, a ni a yɔn. Kaifa nan gbu sin, wo‑a min chɛ, a sɔnkɔ ee, a benden mu sanu ma. Ko yawaenɛ chɛ nu, an fan mbe a ma, wo ee mun‑da, wo e sɔ‑a wan gban. Wo sin mbe na‑a boo ɔ gbasi ma sɔn‑da wan, wo ni tando ma sɔn, a basan dua a. Chɛ ɛ ma‑a wan an tee chɛ ma, Yataa ɛ Chisɔsi Chasi yian‑da tee min ma.

1 PITA 4:5

Chɛɛ an‑na koe miin gbɛɛ ma, an mbe a ɔ yian‑da wan Yataa chen kɔɔ. A ma bɛndenɛ mu gbɛ kaa a tɛ koe a fuɛ n ma, an bɛ chɛndɛ ba an na.

1 PITA 5:4

A sin, ni Chasi‑a a kunɛ a bɔ, a wɛn mu mɔɛ n kun ma fɛn mɔɛ n 'na mansa a, wo e banfua chɛ ma sɔn‑da wan, baa koo min ma. Banfua an nɛ, min mandenɛ ɛ ma‑a taun kuɔ fɔ ko a.

2 PITA 1:11

Chia chɛ sin na mu, wo e tea da faenɛ ma sɔn‑da ben koe a, a ta dɔndɔ gbe mmɔ 'a mansa, ni mmɔ baun mɔɛ Chisɔsi Chasi, ɛ kaina min mansaya ɔ kuɔ fɔ ko a. Yataa ɛ a boo si‑a wan wo kɔɔ.

2 PITA 1:17

Koe min na mu, nn bɛ ni nɔ kɔnkɔ duaen chɛ ma, tima min na Fa Yataa‑a basɔmaya wa be mansa Chisɔsi ma. A sin, nn‑na kuiɛ chenama wa a min fan, kamaya ɔ, a ka banda bu ɔ Yataa tena. Kuiɛ chɛ ɔ, “N 'na denɛ an nɛ, a ko a di n ye kaka. N faa chimaen mu a ko a.” Nn fandi gbu an‑na kuiɛ chɛ a min, a ka banda bu ɔ.

1 CHƆN 2:28

N 'na denɛ nu, tea ko a, wo wo boo a chii, ma koe a mɔ dɔndɔɛ a, wo bɛ a a. Chɛ ɛ a ma‑a wan, mmɔ kunɛ kɔɔ sɔenɛ ni ma a tena, mmɔ ee na‑a mmɔ ya kɔɔɛ nun‑da a ma tima chɛ a, ɛ na‑a to tima min na.

KO Ɔ NUNDENƐ 1:7

A yen ko, Chisɔsi ɛ na tena wan dugbu ɔ. A sin, mɔ ɔ mɔ ɛ a yen‑da wan, a basan chɛ n bɛɛ a, miin na‑a a sɔɔ a kaa fɛ. A sin, mɔɛ n gbɛɛ dunya ɔ, an mbe di‑a wan gbafi gbafi a ko a. A ɛ ma‑a ka wan. A ni ma ka.