2 TIMOTI 3:4 - Yataa 'a Dɔbɛnɛ Nama

⁴ Mɔ bun mɔɛ mu an na, mɔɛ miin mbe ee an yii na chii an mbe ma koe ma‑a, dɔ diaya faenɛ ɛ an gboo a gban. An ma to ni Yataa a, an toen mu dechee dunya ma buɔdia an na.

2 TIMOTI 3:4 ပူးပေါင်းရင်းမြစ်များ

CHISƆSI 'A SƆ MƆƐ NU 19:36

Mɔ ɔ mɔ ee che mmɔ kɔɔsa bia‑a, a si ko bonda chɛ ma. Chɛ an fɛ mu gbɛ, a nyin wo ni wo faa chima, wo ma na ko kan kɔ kan ma, yiimatɛ ee min dɔ.

CHISƆSI 'A SƆ MƆƐ NU 7:52

Yataa 'a gbonka chɛ mɔ kan kɔ kan nii nɔ, ni wo bemba n ta bemba n ma ko ma gbaaenɛ sa ni min ma. An‑na Yataa 'a gbonka chɛ mɔɛ chɛ n fa wan, miin na‑a a gbonka suun, a si Yataa 'a wai chɛ mɔɛ ma. Mbɛ an wai chɛ mɔɛ chɛ, min tanden mu a chen kɔɔ, ɛ na‑a wan. Chɛɛ wo gbu‑a a ma tachɛ gbɛ, mbɛ wo‑a a fa.

GBOO DOMI KO A 11:20

Tea gbu mu chɛ a. Chɛɛ an ma danɛ min chɛ ni Yataa a, an‑na a ma, an wagban‑da a ma. Wo tana sin, wo chii‑a gban a ma, koe min na mu, wo danda a a. Chɛɛ wo ma dɔpandaya bɔ, a si chɛ ma. Wo e min ma, chianɛ ni ma wo ɔ Yataa ko a.

GBOO DOMI KO A 16:18

A mu min na, an mɔɛ chɛ nu miin mbe ko bonda chɛ n ma, an mbe ee ma ka mmɔ 'a mansa Chisɔsi 'a wai an chɛ‑a. An gbɔsɔen mu dechee an faa ma koe n fan ko a. An da ɔ di, an sin mbe mɔɛ n yii a faa faa wan bai sɛsɛ a, mɔɛ miin woo koe ma gbɛ, mbɛ an‑na an bun.

1 TIMOTI 3:6

A ni ma mɔɛ an na min kai faen mu Chisɔsi a tima dɔ ko a. Chɛɛ ni tima kundu ko a mu dechee, kɔkɔɛ ɛ a ma‑a wan, a ni dɔpandaya bɔ. A sin, Yataa ee a tɔɔya‑a, yɔ Sitana ma‑a buɛ min dɔ.

1 TIMOTI 5:6

Chɛɛ fuinya musu min kunɛ a fuinden mu buɔdia bɔ koe a, a nɛnɛ ban‑da, a fɔɛ ɛ wɛɛ boo ɔ boo a sun da a.

1 TIMOTI 6:17

N toen mu i ni a fɔ chɛ n ye, miin nyanden mu dunya chɛ ɔ, an ma dɔpandaya bɔ, an sin ma an yii sɔ an 'na nyanɛ ma, fenɛ mu a a, min ma namaen mu. Chɛɛ an ni an yii sɔ Yataa an ma, min mbe fen kɔ fen be mmɔ ma, mmɔ 'a buɔdia ko a.

CHUDA 1:19

Dunya ma mɔ bonda chɛ nu, Yataa Nyina ee miin fɛ, an fan mbe na ko a fasanɛ a.

CHUDA 1:4

Mɔɛ dɔ n yen ko, miin mbe ee Yataa kuiɛ ma, an mbe kan yama chɛ, an na‑a mmɔ tɛ ɔ yɛdɛn yɛdɛn. Mɔɛ chɛ n bakoe nyɛnden fan mu suun suun, mbɛ Yataa ɛ kaa a tɛ‑a wan an bakoe ma, a ni an tɔɔya. An ma Yataa sɔn, Yataa ɛ chinchin fan an ma. Chɛɛ an mbe an chinchincha chɛ an ya, mbɛ an ma‑a fɔɛ yama ɔ. An mbe yɛ wan to, mbɛ an ban‑da Chisɔsi Chasi ɔ, min mu mmɔ 'a mansa dɔndɔɛ a, mmɔ kun ti.