2 TIMOTI 2:9 - Yataa 'a Dɔbɛnɛ Nama

⁹ Sakana bai chɛndɛ chɛ an fɛ mu n mbe tɔɔ tena ka, n chenɛ ɔ chiienɛ ɛ yɔ sawa yɔn mɔɛ. Chɛɛ Yataa 'a bai chen dɔ ma chii ni.

2 TIMOTI 2:9 ပူးပေါင်းရင်းမြစ်များ

DUKU 23:32

A tima chɛ a, soya chɛ n ni wan to ta tena kamin fea dɔ mende a, miin ni mɔ yama n na. An sɔen ni, an ni an bɛɛ fa, an bɛ Chisɔsi a.

CHISƆSI 'A SƆ MƆƐ NU 21:33

Mbɛ soya chɛ n kun ti chɛ, a ta‑a, mbɛ a‑a Pɔɔ bia. Mbɛ a‑a a fɔ, a ɔ, an ni yɔɔɛ fea chɛ a ma. Mbɛ a‑a dɔ tisa chɛ gbɛ, a ɔ, “Nyɔn mu kamin chɛ a, a yɛ to, a gbu sin‑na fen ma?”

CHISƆSI 'A SƆ MƆƐ NU 28:31

A ni bai sa wan an tena, a si Yataa 'a mansaya ma. A yɛ to, a ni mɔɛ n kan fan, a si Mansa Chisɔsi Chasi ma. A nii chɛ ma nun dɔ, mɔ ɔ mɔ sin nii a a gban.

CHISƆSI 'A SƆ MƆƐ NU 9:16

A sin, n mbe a ɔ yian‑da wan a a gbɛ, a wɛɛ, ɛ mɔnɛ min nyɔn sima ɔ bia‑a n ko a.”

Gboo Ɛfisɔsi Ko A 3:1

Chɛ an fɛ mu, n fan Pɔɔ, n mbe samunɛ chɛ tena wo ko a. N fɛn mu ka, n mbe sa ɔ pimbi chenɛ a, koe min na mu, n mbe wai chɛ tena Chisɔsi Chasi ye wo ko a, wo wɛn ma ka Chu mɔ a.

Gboo Fiipai Ko A 1:17

Chɛɛ mɔɛ saa chɛ n sin, an mbe ee a sa tena faa ɔ gbɛ an na, an gbɔsɔen mu dechee an fandi an ko a. An ta yiinachii ɔ, an dɔ, an ni a ma, n 'na mɔnɛ ma ni munda pimbi chen chɛ a nɛ.

Gboo Fiipai Ko A 1:7

A nyin yiinachii chɛ sima ni ma n dɔ, a si wo ma. Koe min na mu, wo wakoe ɛ wan n faa ɔ. A mu min na, wo gbɛɛ, wo e basan tena wan n ma, wai chɛndɛ chɛ chɛ koe a, Yataa‑a min be n ma, a chɛ koe a. Wo basan‑da wan n ma, tima min na n ni ben‑da sɔ‑a sawa ti n na, sakana bai chɛndɛ chɛ ko a, a kɔ ni gbɛa. A sin to, n mbe wɛɛ ka sa ɔ pimbi chenɛ a sanche, wo e basan tena wan n ma.

Gboo Kɔdɔsai Ko A 4:18

N fandi gbu, n fan Pɔɔ, n fɛn mbe ka gboo chɛ nyɛn‑da, n ni wo kɔndɔn. A ni ma wo yii ma, mbɛ n mbe sa ɔ pimbi chenɛ a. Yataa ni wo dua.

Gboo Kɔdɔsai Ko A 4:3

A sin, wo samunɛ chɛ nn ko a, min mbe a ma, Yataa ni chia yian nn na, a 'a bai chɛ ɔ yian koe a. Sakana bai chɛ, Yataa‑a min dɔ nun tee mɔɛ n ma, n ni a ɔ yian den mɔɛ n na. Sakana bai chɛ, a si Chasi ma, n mbe ka sa ɔ pimbi chenɛ a min ko a.

Gboo Saa Tɛsadonika Ko A 1:8

A sin, Mansa Chisɔsi 'a sakana bai chɛ, ɛ che tena wan kan kɔ kan, a ka wo tena. A ma che ni mɔɛ chɛ n dechee ma, miin mbe Masidonia, a basan Akaya a. Nn fan mbe ee bai dɔ gbɛɛ fɔ to, a si a ma. Koe min na mu, nn ma ta kan kɔ kan, mɔɛ n ban‑da a a min‑da.

GBOO FEAN BƆƐ TƐSADONIKA KO A 3:1

A danka a gbɛ, nn suun ma nyɔɛ nu Chasi ɔ, wo samunɛ chɛ nn ko a. An mbe a ma, sakana bai chɛ, a si Mansa Chisɔsi ma, a tɛ ma tɛ, a ni fasan a ɔ ben‑da bui chɛ bui chɛ a. A sin to, mɔɛ n ni an boo a si a kɔɔ basɔmaya a, yɔ wo‑a a ma buɛ min dɔ.

2 TIMOTI 1:12

A sin, chɛ an fɛ mu n mbe ka mɔnɛ bonda chɛ ɔ bia tena. Chɛɛ mau ee n dɔ, koe min na mu, n‑na a ɔ sɔn fan, n kai faen mu min na. A sin n danden fan mu a a, mbɛ a‑a fenɛ min be n ma, ɛ che wan a kun ma fɛn‑da aan a tee dankama chɛ ni che.

2 TIMOTI 1:16

Mansa Chisɔsi ni chinchin Wɔnesifɔyɔsi 'a chenɛ ma, koe min na mu, a ni buɔdia be wan n ma tima sɛsɛ ko a. A ma mau ni n ma, n 'na pimbi chen na sa ko a.

2 TIMOTI 1:8

Chɛ an‑na a fɔ, i ma mau mmɔ 'a mansa wakoe ɔ yian koe a mɔɛ n na. N bɛɛ wakoe, i ma mau n ko a, koe min na mu, n mbe pimbi chenɛ a a si Chasi ko a. Chɛɛ Yataa 'a gbasaya ɔ, i wɛɛ i ta mɔnɛ ɔ bia a 'a sakana bai chɛndɛ ko a. A sin mbe a 'a gbasaya be‑a wan i ma.

2 TIMOTI 2:3

I ta mɔnɛ ɔ bia, yɔ Chisɔsi Chasi 'a soya chɛndɛ.

2 TIMOTI 4:17

Chɛɛ Mansa Chisɔsi sɔ‑a wan n kɔ gban, a‑a a ma n che‑a a 'a sakana bai fɔ‑a chɛndɛ chɛ. Chɛ‑a a ma wan, mɔɛ miin ma Chu mɔ a, an gbɛɛ‑a a a min. A sin to, a‑a n kun ka wan.

1 PITA 2:12

Wo sɔnɛ n ma ni kawa mɔɛ chɛ n tɛ ɔ, miin ma Yataa sɔn. An mbe a ma‑a, ni mɔɛ n‑na wo chee wɛɛ ko yama ma mɔɛ n na, an mbe wo sɔn chɛndɛ chɛ yen‑da wan. Chɛ an mbe a ma‑a an ni tando be Yataa ma, a na tee ma.

1 PITA 2:14

Mbɛ wo yɛ‑a, wo‑a kooya be kɔfana n bɛɛ ma, kun ti wa chɛ‑a gbasaya be miin ma, mɔɛ n kun ma. An fan mbe ko yama ma mɔɛ tɔɔ, mbɛ an‑na ko chɛndɛ ma mɔɛ tando.

1 PITA 3:16

Chɛɛ wo tima ya a ɔ yian koe a an na, basɔmaya chia a. Wo yiima a koenɛ ni ma, min mbe a ma, wo main mɔɛ n ni mau wo ma. Mɔɛ chɛ nu, miin mbe bai yama sa wo ma, wo e ma ko chɛndɛ n ma‑a. Wo e chɛ ma, koe min na mu, wo ma‑a mɔ dɔndɔɛ a, wo bɛ Chasi a.

1 PITA 4:15

Ni wo dɔndɔ wɛɛ ma‑a ko yawaenɛ ɔ bia‑a, a ma ma mɔ fa ko a. A ma ma to kanka chɛ koe wɛɛ a. A yɛ to, ko yama dɔ gbɛɛ ma koe a, chɛ ma, wo da chɛ koe a mɔ dɔ mende n 'na koe ɔ.