2 TIMOTI 2:8 - Yataa 'a Dɔbɛnɛ Nama

⁸ I yii ni to Chisɔsi Chasi kɔ, min bɔ‑a Mansa Defidi 'a dambi ɔ, a yɛ to, a wɛn kɔɔ sɔ‑a a ka saya ɔ. Sakana bai chɛndɛ chɛ, n mbe min kan, a‑a a fɔ ka wan.

2 TIMOTI 2:8 ပူးပေါင်းရင်းမြစ်များ

MATIU 1:1

Chisɔsi bemba n ta bemba n fan nɛ. Chisɔsi bɔ‑a Mansa Defidi 'a dambi an dɔ, min bɛɛ bɔ‑a Ebeami 'a dambi ɔ.

DUKU 24:46

Mbɛ a ɔ, “Chɛ an nyɛnden mu Yataa 'a gboo ɔ. Mbɛ n fan, kunka mansa, mbɛ n mbe tɔɔya ɔ bia‑a pɛn, mbɛ n‑na n kɔɔ sɔ gbɛ a ka saya ɔ, tee fea a sawan bɔɛ ma.

CHISƆSI 'A SƆ MƆƐ NU 13:23

Defidi chɛ, a 'a dambi ɔ mu, Yataa‑a a ma, mmɔ‑a baun mɔɛ ma sɔn, min mu Chisɔsi a. A‑a Isɔɛɛ mɔɛ n too ɔ dia an na.

CHISƆSI 'A SƆ MƆƐ NU 2:24

Chɛɛ Yataa‑a a bɔ wan saya 'a mɔnɛ boo ɔ, a‑a a ma, Chisɔsi chɛ‑a a kɔɔ sɔ a ka saya ɔ. Koe min na mu, saya nii che gbasaya din‑da a ma ɛnden bɛɛ a.

CHISƆSI 'A SƆ MƆƐ NU 2:30

Yataa 'a gbonka chɛ mɔɛ ni a a, a sin na‑a a ɔ sɔn fan, Yataa na‑a tooɔdia min chɛ a a. Yataa na‑a a too ɔ dia wan gbau gbau, mbɛ a wan Defidi gbu cheeya dɔndɔ, ɛ a ma‑a wan mansa chenama a, yɔ Defidi wandi gbu ni buɛ min dɔ.

GBOO DOMI KO A 16:25

Mmɔ tando be Yataa ma. A wan mbe kun a ma‑a mmɔ gboo ɔ ee fa‑a, dan koe a a a. N mbe chɛ an fɔ wo ye, n mbe ma sakana bai chɛndɛ chɛ ɔ yian‑da wo a, a si Chisɔsi Chasi ma. A sin fɔen mu ka wan ko ɔ nunden chɛ wɛɛ ɔ, min na bɔ‑a ya a ma. An tea ɔ nunden chɛ, Yataa nii ma a ma ni mɔ gbu ni fua min dɔ sɔn‑da san sɛsɛ sɛsɛ ko a suun.

GBOO DOMI KO A 2:16

Chɛ an fɛ mu, koe chɛ n gbɛɛ ɛ ma‑a wan tee chɛ ma, Yataa ɛ a ma‑a tee min na Chisɔsi Chasi ni kaa tɛ koe ma, miin mbe nun dɔ mɔɛ n yiima ɔ. N mbe bai chɛ an fɔ tena mɔɛ n ye, sakana bai chɛndɛ chɛ ɔ, n mbe min dɔ yian ka.

GBOO SAA KƆYINDI KO A 15:1

N suun ma nyɔɛ nu Chasi ɔ, ka n mbe chɛ puin gbɛ wo yii ma, a si sakana bai chɛndɛ chɛ ma, n ni min fɔ wo ye. Wo na‑a min na min, a sin, wo 'a kaifa gbu Chisɔsi a, a kuu sien mu an ma gbau gbau.

GBOO SAA KƆYINDI KO A 15:4

Mbɛ an‑na a tɔn kɛn, tee fea a sawan bɔɛ ma, Yataa‑a a kɔɔ sɔ, a ka saya ɔ. A ma‑a wan ka, yɔ a nyɛnden mu buɛ min dɔ to Yataa 'a gboo ɔ.

GBOO FEAN BƆƐ TƐSADONIKA KO A 2:14

Nn ni sakana bai chɛndɛ min sa ka wo tena, Yataa na‑a wo chee an dɔ, bauncha chɛ ma sɔn koe a. A na‑a wo chee, min mbe a ma, a ni basɔmaya be wo ma, yɔ a na‑a min nyɔn sima be mmɔ 'a mansa Chisɔsi Chasi ma.

1 TIMOTI 1:11

Kan chɛ ɛ kamaya sakana bai chɛndɛ an dɔ, Yataa wandi, mmɔ ɛ min tando, a‑a min be n ma.

1 TIMOTI 2:7

Chɛ ko a mu, a‑a n ya sɔ mɔɛ a, sakana bai chɛndɛ ɔ yian koe a. N ni mɔɛ n kan, Chu mɔ ma miin na, dan koe a Chisɔsi a, a basan tea sakana bai chɛndɛ a. N mbe ka tea an fɔ‑a, fania ma chɛ a.

2 TIMOTI 1:8

Chɛ an‑na a fɔ, i ma mau mmɔ 'a mansa wakoe ɔ yian koe a mɔɛ n na. N bɛɛ wakoe, i ma mau n ko a, koe min na mu, n mbe pimbi chenɛ a a si Chasi ko a. Chɛɛ Yataa 'a gbasaya ɔ, i wɛɛ i ta mɔnɛ ɔ bia a 'a sakana bai chɛndɛ ko a. A sin mbe a 'a gbasaya be‑a wan i ma.

2 TIMOTI 2:7

I yii si koe chɛ n ma, n mbe miin fɔ tena, koe min na mu, mansa Chisɔsi ɛ a ma‑a wan, i ni an gbɛɛ ɔ gbɛ.

KO Ɔ NUNDENƐ 5:5

Mbɛ gbakoo chɛ n dɔndɔ‑a a fɔ n ye, a ɔ, “Sɛmbɛ di chɛ‑a. A yen ko, an mbe a wɛn chee, an dɔ, Chuda dambi ɔ mɔɛ n 'na yaa, a wan bɔ‑a Mansa Defidi 'a dambi ɔ, a kun‑da a chɛɛ ma nyɔɛ n ma. Chɛ an‑na a fɔ, ɛ kun fan a ni yuu wɔnfea chɛ n tɛ gboo chɛ ma, a ni a ma fɛn.”