2 TIMOTI 2:7 - Yataa 'a Dɔbɛnɛ Nama

⁷ I yii si koe chɛ n ma, n mbe miin fɔ tena, koe min na mu, mansa Chisɔsi ɛ a ma‑a wan, i ni an gbɛɛ ɔ gbɛ.

2 TIMOTI 2:7 ပူးပေါင်းရင်းမြစ်များ

DUKU 21:15

Koe min na mu, n mbe bai n don‑da wan wo da a, mbɛ n‑na yiimatɛ be wo ma. Ni wo‑a bai kan kɔ kan fɔ, wo chɛɛ ma nyɔɛ n mbe ee che‑a kɔɔsa bia chɛ‑a a ma.

DUKU 24:45

A‑a a ma wan, an‑na Yataa 'a gboo ɔ gbɛ chɛndɛ chɛ.

DUKU 9:44

“N mbe na tena bai min fɔ‑a wo ye, n toen mu wo ni wo too ma sɔ a ma chɛndɛ chɛ. N fan, Mɔ Gbu 'a Denɛ, an mbe na tena wan n ma tachɛ‑a, mɔɛ n ma.”

CHƆN 14:26

Min mbe wo deman‑da, Yataa Nyina, Fa ɛ na‑a min na na‑a n gba ɔ, an mbe wo kan‑da ko ɔ ko ma, a si n 'na bai n ma. A sin mbe a ma‑a wan, n 'na bai chɛ n ni puin wo yii ma, n ni bai miin fɔ, mmɔ bɛ ni tima min na.

CHƆN 16:13

Chɛɛ ni Yataa Nyina chɛ na‑a, min mbe tea ɔ yian a si Yataa ma, ɛ a ma‑a wan, wo ni tea gbɛɛ ɔ sɔn. A ee koɔ‑a wo tena a kun ma gbasaya n dɔ, chɛɛ ɛ min na min‑da Yataa a, ɛ an fɔ‑a wo ye. A sin, koe miin mbe na tena ma‑a, ɛ an fan dɔ yian‑da wo a.

CHISƆSI 'A SƆ MƆƐ NU 7:10

a sin ni basan fan a ma tima ɔ tima, ni ko yawaenɛ‑a a tan. An ta‑a wan Chosɛfi a mansa chen kɔɔ, Ichipi chɛnyɛ ɔ. Chɛɛ Yataa na‑a sɔn chɛndɛ be wan a ma, a basan yiimatɛ a. Chɛ‑a a ma wan, Chosɛfi wakoe a dia‑a Ichipi mansa chɛ ye. A sin, a‑a Chosɛfi ma wan kɔfana a Ichipi chɛnyɛ gbɛɛ kun ma. A yɛ to, Chosɛfi an ni to ya ɔ sɔɛ a, mansa chɛ 'a chenɛ n gbɛɛ kun ma.

GBOO SAA KƆYINDI KO A 12:8

Mɔɛ dɔndɔɛ ɛ nɔ, Yataa Nyina‑a sakana bai min don a da a, a fɔ koe a mɔɛ n ye, yiimatɛ wa an be a ɔ. Mɔɛ dɔndɔɛ sin, Nyina dɔndɔ chɛ‑a a ma wan, yiimatɛ bai wa, ɛ ma a da a bai ɔ.

Gboo Fiipai Ko A 4:8

N mbe min fɔ tena gbɛ sanche, n suun ma nyɔɛ nu Chasi ɔ, wo wo yii na chii koe chɛ n ma, baa ɛ miin ma, Yataa toen mu koe miin na. Koe nu, miin nyin, mabɔ ee miin ma ɛnden bɛɛ a, basɔmaya koe nu. Mɔɛ n mbe che kawa‑a koe miin ma, an mbe koe miin bai, dua ɛ koe miin dɔ.

Gboo Kɔdɔsai Ko A 1:9

Chɛ ko a, a bia an tee chɛ ma, nn‑na a a min tee min na, nn ma sɛmbɛ ni samunɛ chɛ koe a wo ko a. Nn mbe samunɛ chɛ tena wan tima ɔ tima ko a, Yataa ni a ma, a toen mu koe miin na, wo ni an dɔ gbɛ chɛndɛ chɛ. A sin, n mbe a ɔ tisa tena, a ni yiimatɛ gbɛɛ be wo ma, a wan Yataa Nyina ɛ min be.

1 TIMOTI 4:15

Koe chɛ n ma i ma gbɔsɔɛ a, i ni i wandi be an ma koe a, min mbe a ma, mɔ ɔ mɔ ni a ɔ yen, e ta tena buɛ min dɔ ya ɔ ma.

2 TIMOTI 2:6

A sawan bɔɛ mu sɛnɛ sa mɔɛ an na, min sɔɛ donden mu kaka, an pɛn pɛn ta ɛ che a da ma.

2 TIMOTI 2:8

I yii ni to Chisɔsi Chasi kɔ, min bɔ‑a Mansa Defidi 'a dambi ɔ, a yɛ to, a wɛn kɔɔ sɔ‑a a ka saya ɔ. Sakana bai chɛndɛ chɛ, n mbe min kan, a‑a a fɔ ka wan.

GBOO IBU MƆƐ N KO A 12:3

Wo wo yii na chii a mɔnɛ‑a buɛ min dɔ. A yɛ to, a‑a toomaya min dɔ bia, ko yama ma mɔɛ n boo ɔ. Chɛ an fɛ mu, wo ma a ma wo faa ni yɔn, wo ni sɛmbɛ wo kai fa koe a Yataa a.

GBOO IBU MƆƐ N KO A 13:7

Wo ma nyina wo ya ɔ sɔɛ n ma, chɛ nu, miin na‑a Yataa bai sa wo tena. Wo wo yii na chii min na‑a an tan fɔɛ ɔ, mbɛ wo‑a wo kai fa Yataa a, yɔ an ni buɛ min dɔ.

GBOO IBU MƆƐ N KO A 3:1

Chɛ an fɛ mu, nn suun ma nyɔɛ nu Chasi ɔ, wo wɛn mbe tenchen Yataa ko a, a sin na‑a wo wɛɛ chee wan, wo wo yii na chii wɛ Chisɔsi chɛ a. Mmɔ ɛ a fɔ wan, mbɛ Yataa 'a sɔ mɔɛ mu a a, a sin, tɛ mɔ wa mu a a, mɔ gbu n tɛ Yataa a.

GBOO IBU MƆƐ N KO A 7:4

Wo a ɔ yen gbɛ, a mu mɔ chenama min nyɔn sima a. Mmɔ bɔ kɔnkɔɛ, Ebeami, a na‑a miin gbɛɛ ma sɔn chɛɛ ɔ, a na‑a wan si tena tanɛ a, mbɛ a‑a si tena dɔndɔɛ be Mɛchisɛdɛki chɛ ma.

CHIMISI 1:5

Ni yiimatɛ ee wo ɔ, a ɔ sɔn koe a, Yataa toen mu wo ni ma buɛ min dɔ, wo a ɔ tisa. A ee ban‑da a be koe a wo ma. Koe min na mu, ɛ fen sɛsɛ be wan mɔ gbu ma, a bu ɔ diama ɛ.

CHIMISI 3:15

Toomaya, ni mɔ gbu to koe a a wandi faa ma koe n na dechee, Yataa ta yiimatɛ ma an na. Dunya chɛ ma yiimatɛ an nɛ, Yataa Nyina ma to ni min na. Sitana an mbe dechee sɔ ɔ an yiimatɛ chɛ nyɔn sima kɔ.

CHIMISI 3:17

Chɛɛ koe saa saa mu min na, Yataa ta yiimatɛ, ko ɔ ko ee a ma. Sɔnkɔ sɔnkɔ ee a kɔ chia a, faachima an mbe a ɔ. A yɛ to, basamaya an be a ɔ, chinchimaya, ni ko chɛndɛ ma. Yiimatɛ an nɛ, min mbe ee mɔ ya bɔ, nɛnɛn feaya sin mbe ee a ɔ.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.