2 TIMOTI 2:2 - Yataa 'a Dɔbɛnɛ Nama

² N na‑a i kan fan koe n sɛsɛ ma, a sin, mɔ sɛsɛ ni wan nɔ siiya a. An kan chɛ a ben mɔ dɔ mende n tena, miin danayaen mu, an ni mɔ dɔ mende n bɛɛ kan.

2 TIMOTI 2:2 ပူးပေါင်းရင်းမြစ်များ

MATIU 13:52

Mbɛ a ɔ, “Chɛ ma yau. Koe min na mu, ni mɔ ɔ mɔ‑a Yataa 'a sawa sɔn, ni mɔ ɔ mɔ‑a n 'na kanɛ sɔn, a si Yataa 'a mansaya ma, ɛ wan yɔ chen ti. Ni a boo fenɛ ma gbɔsɔɛ‑a a bia, ɛ a bɔ wan a ka a sa tena ɔ bɛn tena, a boo fenɛ kɔma basan a nama a.”

MATIU 24:25

Wo‑a ɔ yen gbɛ, mbɛ koe miin mbe na tena ma‑a, n ban‑da an dɔ yian‑da wo a.

DUKU 12:42

Mbɛ Mansa Chisɔsi ɔ, “Wo ma yɔ wai chɛ mɔɛ, danaya ni min dɔ, a basan yiimatɛ a. Ni a kun ti ma‑a ta‑a tachɛ ɔ, ɛ a to wan a bɔɛ n kun ma, daun fenɛ be koe a an ma, tima ma.

GBOO SAA KƆYINDI KO A 4:2

A yɛ to, bɔi den kan kɔ kan gbu sin, a dinden fan mu a ma, wai chɛ koe a danaya ɔ.

GBOO FEAN BƆƐ KƆYINDI KO A 2:14

Chɛɛ n mbe Yataa wai bɔ tena. Nn ma‑a mɔ dɔndɔɛ a, Chisɔsi Chasi a. An mbe a ma tena tima ɔ tima ko a, nn mbe kun Sitana ma. A sin, Yataa ɛ a ma wan, nn mbe sakana bai chɛ ɔ yian kan kɔ kan, a si Chasi ma, yɔ fen kunyɛ a diama ɛ ta buɛ min dɔ.

GBOO FEAN BƆƐ KƆYINDI KO A 3:5

Nn fandi gbu, an ma a fɔ ni, mbɛ nn mbe kun fan nn ni wai chɛ chɛ nn ta gbasaya a. Nn 'na gbasaya, ɛ ka Yataa an tena.

Gboo Kɔdɔsai Ko A 1:7

Wo‑a a min ka wan Ɛpafasi a, nn bɛ ɛ Yataa 'a wai chɛ min na. A mu mɔɛ an na, min ko a di nn ye, koe min na mu, ɛ Chasi 'a wai chɛ tena nɔ danaya ɔ, nn ko a.

1 TIMOTI 1:12

N mbe Chisɔsi Chasi wai bɔ tena, mmɔ 'a mansa. An‑na a yii na chii n na, mbɛ n danayaen fan mu wai chɛ koe a a ko a. A‑a gbasaya wɛɛ be n ma a chɛ koe a.

1 TIMOTI 1:18

N 'na den, Timoti, n toen mu n ni chɛ an fɔ i ye a ma koe a. I yii na chii bai chɛ n ma, Yataa 'a gbonka chɛ mɔɛ n na‑a min fɔ tee, a si i ma. An ya i faa a, min mbe a ma, i ni butuinɛ chɛ Chasi ko a, yɔ soya chɛndɛ.

1 TIMOTI 4:14

Yataa Nyina‑a fenɛ min be i ma, Yataa 'a gbonka chɛ mɔɛ n koɔ‑a tima min na, mbɛ chɔchi gbakoo n‑na an boo bun i ma, a bia i boo fea a.

1 TIMOTI 4:6

Ni i gboo ɔ ma fa ni dasi chɛ be koe a suun ma nyɔɛ n ma, ni i‑a Chisian danaya ɔ bai sa i faa ɔ, a basan kan chɛndɛ a, i bea‑a min fɛ chɛ gbɛɛ ɔ, e ma‑a wan wai chɛ mɔɛ chɛndɛ a Chisɔsi Chasi ko a.

1 TIMOTI 5:22

I 'a tima ya i boo bun koe a mɔɛ kun ma, a yian koe a gbakoo ya a. I 'a tima ya, mɔ dɔ mende 'a ko yama maenɛ a ee na sin i ma. To Yataa gbee an na tun.

1 TIMOTI 6:12

Butuinɛ chɛ i 'a danaya ko a Chisɔsi a, butuin chɛndɛ an nɛ. I che‑a wan kuɔ fɔ fɔɛ ma sɔn‑da. I sin‑na a fɔ wan den mɔ sɛsɛ ya kɔ, mbɛ i‑a i kai fa Chisɔsi Chasi a. Kuɔ fɔ fɔɛ chɛ bia i boo fea a.

2 TIMOTI 3:10

Chɛɛ i tana gbɛ, i ban‑da n 'na kan chɛ buɛ ma mɛn‑da, ni n sɔnɛ, n yii ma koe fɔɛ ɔ, n 'na danaya Chisɔsi a, n 'na faabiaya, koadia n dɔ, a basan n 'na ko ɔ bia a.

2 TIMOTI 3:14

Chɛɛ i tana, a a tun dan koe a tea chɛ n na, nn‑na i kan miin na, an bia i boo fea a. I‑a a ɔ sɔn fan mɔɛ miin nyɔn sima an na i kan.

GBOO IBU MƆƐ N KO A 2:17

Chɛ an na‑a a ma, a na‑a ma wan mɔ gbu a, chia ɔ chia a, yɔ Yataa‑a a suun ma nyɔɛ n na dan buɛ min dɔ. Chɛ ni a ma, a ni chinchincha yian. A yɛ to, a ni ma tɛ mɔ wa a, mɔ gbu n tɛ Yataa a, min danayaen mu Yataa 'a wai ɔ. A ni a ma, Yataa ni a boo bɔ mɔɛ n 'na ko yama n dɔ.