2 TIMOTI 2:1 - Yataa 'a Dɔbɛnɛ Nama

¹ I tana, n 'na den, Yataa ni i ɔ gbɛa koadia demanɛ chɛ ɔ, mmɔ‑a min ma sɔn kɛn mmɔ ma‑a mɔ dɔndɔɛ a, mmɔ bɛ Chisɔsi Chasi a.

2 TIMOTI 2:1 ပူးပေါင်းရင်းမြစ်များ

GBOO SAA KƆYINDI KO A 16:13

Wo ma bɛndenɛ ni ma, tima ɔ tima. Wo sɔ gban, wo 'a danaya ɔ, Chisɔsi Chasi a, wo sin ma chian. Wo ɔ ni gbɛa gbau.

Gboo Ɛfisɔsi Ko A 6:10

N ni a fɔ gbɛ wo ye, mbɛ wo ɔ ni gbɛa, koe min na mu, mɔ dɔndɔɛ mu wo a, wo bɛ Mansa Chisɔsi a. Gbasaya wa min nyɔn sima ɛ a ɔ, a ni ma wo ɔ.

Gboo Fiipai Ko A 4:13

Chasi 'a gbasaya ɔ, ɛ min be n ma, n mbe che wan, n ni ko ɔ ko kan kɔ kan ma.

1 TIMOTI 1:18

N 'na den, Timoti, n toen mu n ni chɛ an fɔ i ye a ma koe a. I yii na chii bai chɛ n ma, Yataa 'a gbonka chɛ mɔɛ n na‑a min fɔ tee, a si i ma. An ya i faa a, min mbe a ma, i ni butuinɛ chɛ Chasi ko a, yɔ soya chɛndɛ.

2 TIMOTI 1:1

N fan Pɔɔ, n fan mbe ka gboo chɛ nyɛn‑da i tena, i wan Timoti. N faa ma denɛ mu gbɛ i a. Chisɔsi Chasi 'a sɔ mɔɛ mu n na, yɔ Yataa toen ni buɛ min dɔ a ni ma. A‑a n sɔ, n ni a ɔ yian mɔɛ n na, mbɛ ni mmɔ ma‑a mɔ dɔndɔɛ a, mmɔ bɛ Chisɔsi Chasi a, an mbe a ma, mmɔ ni kuɔ fɔ fɔɛ ma sɔn. Yataa na‑a a fɔ ka wan. Mmɔ Fa Yataa, an fea mmɔ 'a mansa Chisɔsi Chasi a, an 'na dua ni ma i ma, an 'na chinchimaya ni ma i ma, a basan an 'na faachima a.

2 TIMOTI 1:7

Koe min na mu, Yataa Nyina min be mmɔ fɛ, a ee a ma mmɔ ni chian. Chɛɛ ɛ gbasaya an chɛ mmɔ ɔ, a basan koadia a, ni mɔɛ e kun buɛ min dɔ i faa ma.

2 TIMOTI 2:10

Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.

2 TIMOTI 4:17

Chɛɛ Mansa Chisɔsi sɔ‑a wan n kɔ gban, a‑a a ma n che‑a a 'a sakana bai fɔ‑a chɛndɛ chɛ. Chɛ‑a a ma wan, mɔɛ miin ma Chu mɔ a, an gbɛɛ‑a a a min. A sin to, a‑a n kun ka wan.

2 PITA 3:18

Chɛɛ koadia demanɛ, a kun ma ni sa wo tena. A yɛ to, yiima min mbe wo ɔ, a si mmɔ 'a mansa Chisɔsi Chasi ma, mmɔ baun mɔɛ, a kun ma ni sa. Tando ni ma a tɔɛ ma sanche, ni kuɔ fɔ ko a. A ni ma ka.