2 TIMOTI 1:8 - Yataa 'a Dɔbɛnɛ Nama

⁸ Chɛ an‑na a fɔ, i ma mau mmɔ 'a mansa wakoe ɔ yian koe a mɔɛ n na. N bɛɛ wakoe, i ma mau n ko a, koe min na mu, n mbe pimbi chenɛ a a si Chasi ko a. Chɛɛ Yataa 'a gbasaya ɔ, i wɛɛ i ta mɔnɛ ɔ bia a 'a sakana bai chɛndɛ ko a. A sin mbe a 'a gbasaya be‑a wan i ma.

2 TIMOTI 1:8 ပူးပေါင်းရင်းမြစ်များ

MAKI 8:38

Sanche, mɔ yama yama bonda chɛ n tɛ ɔ, miin mbe ee dan ko a, ni mɔ ɔ mɔ ban‑da n dɔ, a basan n da a kuiɛ a, n bɛɛ, n mbe na‑a wan banda a ɔ. N fan, Mɔ Gbu 'a Denɛ, n mbe na‑a tima min na mansaya ɔ, n mbe ban‑da wan a ɔ. A tima chɛ a, n mbe ma‑a wan man‑da, Fa Yataa 'a manɛ a, nn bɛ maeka n na.”

DUKU 9:26

Ni mɔ ɔ mɔ ban‑da n dɔ, a basan n da a kuiɛ a, n bɛɛ, Mɔ Gbu 'a Denɛ, n mbe na‑a tima min na mansaya ɔ, n mbe ban‑da wan a ɔ. A tima chɛ a, n mbe ma‑a wan man‑da Fa Yataa 'a manɛ a, nn bɛ maeka n na.

CHƆN 15:27

A sin gbu, wo wɛɛ, wo e n bakoe ɔ yian‑da wan mɔɛ n na. Koe min na mu, kɛn n‑na a kuu sɔ kanɛ chɛ‑a, mmɔ bɛ an mbe ben ben tena.

CHƆN 19:35

N fɛn na‑a koe chɛ ɔ yen ma‑a, n fan mbe ka a ɔ yian‑da. N‑na min dɔ yian, tea mu a a, a sin, n‑na a ɔ sɔn fan, mbɛ n mbe tea an fɔ. Chɛ ɛ a ma wan, wo ni a a tun wo kai fa koe a Chisɔsi a.

CHISƆSI 'A SƆ MƆƐ NU 5:41

Chɛɛ an bu ɔ ni di wan, an mbe kɛn ka‑a Chu kuti wa chɛ ɔ. Koe min na mu, an‑na a ɔ sɔn fan, mbɛ Yataa‑a an ya mɔ chɛndɛ n na, mauma koe ɔ bia koe a Chisɔsi ko a.

GBOO DOMI KO A 1:16

N 'na danaya Yataa 'a sakana bai chɛndɛ chɛ a, a da faenɛ mu gban. Koe min na mu, Yataa 'a gbasaya ɛ wan sakana bai chɛ ɔ. Chia mu an na, Yataa ɛ a 'a mɔɛ n baun min na, a 'a mɔɛ chɛ n gbɛɛ, miin‑na an kai fa Chisɔsi a. A saa mu Chu mɔɛ n fan na, mbɛ chɛ n bɛɛ, miin ma Chu mɔ a, an na‑a an gbaa chia a.

GBOO DOMI KO A 16:25

Mmɔ tando be Yataa ma. A wan mbe kun a ma‑a mmɔ gboo ɔ ee fa‑a, dan koe a a a. N mbe chɛ an fɔ wo ye, n mbe ma sakana bai chɛndɛ chɛ ɔ yian‑da wo a, a si Chisɔsi Chasi ma. A sin fɔen mu ka wan ko ɔ nunden chɛ wɛɛ ɔ, min na bɔ‑a ya a ma. An tea ɔ nunden chɛ, Yataa nii ma a ma ni mɔ gbu ni fua min dɔ sɔn‑da san sɛsɛ sɛsɛ ko a suun.

GBOO DOMI KO A 8:36

Yɔ Yataa 'a gboo‑a a fɔ buɛ min dɔ, a ɔ, “I wan Yataa ko a, nn mbe wan saya ma chianɛ kɔɔ tee ɔ tee a, nn mbe wan gbɛ dechee yɔ sa miin mbe sɔ ɔ yuu a, fa koe a.”

GBOO DOMI KO A 9:33

Yataa 'a gboo na‑a bai sa a si an sen chɛ an ma, a ɔ, “A yen ko, n 'na senɛ si Sayɔn duu ɔ, mɔɛ n mbe an chenɛ n na tu‑a min na, an sen chɛ, mɔɛ n mbe nama‑a min ma, mbɛ an bea‑a. Chɛɛ mɔ ɔ mɔ, i wɛn mbe i kai fa‑a a a, i mɔɛ chɛ ee che‑a mau‑a.”

GBOO SAA KƆYINDI KO A 1:6

Chɛ‑a a ɔ yian fan ka, mbɛ nn‑na bai min fɔ wo ye, a si Chisɔsi Chasi ma, mbɛ wo boo a sien mu a kɔɔ chɛndɛ chɛ.

GBOO FEAN BƆƐ KƆYINDI KO A 6:7

Sakana bai chɛ wɛɛ, nn mbe min sa, Yataa 'a gbasaya an mbe a ɔ. Chɛɛ chɛ fenɛ miin mbe nn boo nyima a, an mbe to nn manɛ a, an mu nn tan buɛ an na, nn tandenɛ min chɛen mu Yataa tena.

Gboo Ɛfisɔsi Ko A 3:1

Chɛ an fɛ mu, n fan Pɔɔ, n mbe samunɛ chɛ tena wo ko a. N fɛn mu ka, n mbe sa ɔ pimbi chenɛ a, koe min na mu, n mbe wai chɛ tena Chisɔsi Chasi ye wo ko a, wo wɛn ma ka Chu mɔ a.

Gboo Ɛfisɔsi Ko A 3:13

Chɛ an fɛ mu, wo dimu, wo faa ma yɔn, a si tɔɔya chɛ ma, n mbe min chɛ tena wo ko a. A gbu sin ni na basɔmaya a wo tena.

Gboo Ɛfisɔsi Ko A 4:1

Chɛ an fɛ mu, n fan, n fɛn mbe ka bia ɔ, Mansa Chisɔsi ko a, n mbe wo disa tena wo ni chɛ ma. Yataa‑a wo chee ka buɛ min dɔ a ta mɔɛ n na, wo ma an fɔɛ ɔ, min ma biaen mu an chee chɛ ko a.

Gboo Ɛfisɔsi Ko A 4:17

Sanche gbɛ, n mbe chɛ an fɔ tena, n ni a kɔ din, Mansa Chisɔsi 'a gbasaya ɔ. Wo ma ma, yɔ mɔɛ chɛ nu, miin ma Yataa sɔn, an mbe koe n ma buɛ min dɔ. An mbe an yii na chii buɛ min dɔ, wooya wa an mbe a ɔ.

Gboo Fiipai Ko A 1:7

A nyin yiinachii chɛ sima ni ma n dɔ, a si wo ma. Koe min na mu, wo wakoe ɛ wan n faa ɔ. A mu min na, wo gbɛɛ, wo e basan tena wan n ma, wai chɛndɛ chɛ chɛ koe a, Yataa‑a min be n ma, a chɛ koe a. Wo basan‑da wan n ma, tima min na n ni ben‑da sɔ‑a sawa ti n na, sakana bai chɛndɛ chɛ ko a, a kɔ ni gbɛa. A sin to, n mbe wɛɛ ka sa ɔ pimbi chenɛ a sanche, wo e basan tena wan n ma.

Gboo Fiipai Ko A 3:10

N toen mu, n ni Chisɔsi sɔn, n ni gbasaya chɛ a tisɔn, Yataa‑a min ya, a‑a Chisɔsi kɔɔ sɔ, a ka saya ɔ. N toen mu to, n ni tɔɔya chɛ sima ɔ bia, a‑a min dɔ bia, n ni ma yɔ a wan, a 'a saya ta fɛ chia a.

Gboo Fiipai Ko A 4:13

Chasi 'a gbasaya ɔ, ɛ min be n ma, n mbe che wan, n ni ko ɔ ko kan kɔ kan ma.

Gboo Kɔdɔsai Ko A 1:11

Nn mbe samunɛ chɛ tena, Yataa ni gbasaya gbɛɛ be wo ma, a 'a gbasaya kamayaen ba ɔ. Wo ni ko gbɛama kan kɔ kan dɔ bia, faabia ɔ, wo bu ɔ diama ɛ.

Gboo Kɔdɔsai Ko A 1:24

Sanche chɛ ɔ, n mbe tɔɔya min gbɛɛ chɛ tena, wo ko a, n bu ɔ diama mu. A sin, n gboo chɛ ɔ, n mbe tɔɔya chɛ a ban‑da wan, Chasi‑a min dɔ bia, a gboo ko a, min mu chɔchi a.

Gboo Saa Tɛsadonika Ko A 3:4

Koe min na mu, mmɔ bɛ ni wɛ tima min na, nn‑na a fɔ wan wo ye pɔɔ, mbɛ ko yawaen dɔ bia ɛ mmɔ ya ɔ. A sin, yɔ wo wandi‑a a ɔ sɔn gbɛ buɛ min dɔ, a ma‑a ka wan.

1 TIMOTI 2:6

min‑na a wandi fɔɛ be, min mbe a ma, a ni mmɔ gbɛɛ kun ka. Chɛ‑a a ɔ yian fan a tima chɛ a, mbɛ tima gbu an che‑a ka, Yataa toen mu mmɔ gbɛɛ ni bauncha ma sɔn.

2 TIMOTI 1:10

Chɛɛ sanche gbɛ, mmɔ baun mɔɛ Chisɔsi Chasi na‑a dunya ɔ, min mbe a ma, mmɔ ni a 'a koadia deman chɛ ɔ yen. Chasi‑a a ma gbasaya ee to saya boo ɔ mmɔ kun ma. Sakana bai chɛndɛ chɛ ɔ, a‑a kuɔ fɔ fɔɛ yian mmɔ a.

2 TIMOTI 1:12

A sin, chɛ an fɛ mu n mbe ka mɔnɛ bonda chɛ ɔ bia tena. Chɛɛ mau ee n dɔ, koe min na mu, n‑na a ɔ sɔn fan, n kai faen mu min na. A sin n danden fan mu a a, mbɛ a‑a fenɛ min be n ma, ɛ che wan a kun ma fɛn‑da aan a tee dankama chɛ ni che.

2 TIMOTI 1:16

Mansa Chisɔsi ni chinchin Wɔnesifɔyɔsi 'a chenɛ ma, koe min na mu, a ni buɔdia be wan n ma tima sɛsɛ ko a. A ma mau ni n ma, n 'na pimbi chen na sa ko a.

2 TIMOTI 2:3

I ta mɔnɛ ɔ bia, yɔ Chisɔsi Chasi 'a soya chɛndɛ.

2 TIMOTI 2:8

I yii ni to Chisɔsi Chasi kɔ, min bɔ‑a Mansa Defidi 'a dambi ɔ, a yɛ to, a wɛn kɔɔ sɔ‑a a ka saya ɔ. Sakana bai chɛndɛ chɛ, n mbe min kan, a‑a a fɔ ka wan.

2 TIMOTI 2:9

Sakana bai chɛndɛ chɛ an fɛ mu n mbe tɔɔ tena ka, n chenɛ ɔ chiienɛ ɛ yɔ sawa yɔn mɔɛ. Chɛɛ Yataa 'a bai chen dɔ ma chii ni.

2 TIMOTI 4:17

Chɛɛ Mansa Chisɔsi sɔ‑a wan n kɔ gban, a‑a a ma n che‑a a 'a sakana bai fɔ‑a chɛndɛ chɛ. Chɛ‑a a ma wan, mɔɛ miin ma Chu mɔ a, an gbɛɛ‑a a a min. A sin to, a‑a n kun ka wan.

2 TIMOTI 4:5

Chɛɛ i tana, sɔ chidi. Ko yawaenɛ ɔ bia, i ni i sɔɛ gbɛɛ chɛ Yataa 'a sakana bai chɛndɛ ɔ yian koe a mɔɛ n na. I 'a wai gbɛɛ chɛ, Yataa 'a wai chɛ mɔɛ ɛ min chɛ.

1 PITA 1:5

Wo danɛ min chɛ‑a Chisɔsi Chasi a, an fɛ mu Yataa ɛ wo kun ma fɛn tena gbasaya ɔ, aan wo ni bauncha ma sɔn. Wo e an bauncha chɛ sin ma sɔn‑da tee dankama tee ma wan.

1 CHƆN 4:14

A yɛ to, Fa Yataa‑a a 'a denɛ a na wan, min mbe a ma, a ni dunya kun ka. Nn‑na chɛ ɔ yen fan nn ya a, a sin, nn mbe koe ɔ yian fan, a si a ma.

CHUDA 1:24

Sanche gbɛ, mmɔ tando be Yataa ma. An mu dechee mmɔ 'a Yataa a, an mbe mmɔ baun, a 'a denɛ Chisɔsi Chasi ɔ, mmɔ 'a mansa. A wan Yataa, an mbe a ma, mmɔ ee bea, mbɛ a‑a a ma, mmɔ sɔ‑a a chen kɔɔ manɛ ɔ, mabɔ kan kɔ kan mbe ee mmɔ ma, mɔɔ buɔdia mmɔ ɔ. Mansaya, ni bemaya, a basan gbasaya a, a ka suun ma, aan sanche, ɛ Yataa an boo ɔ, kuɔ fɔ, ni kuɔ fɔ ko a. A ni ma ka.

KO Ɔ NUNDENƐ 1:2

Chɔn chɛ koɔ‑a wan den, a si koe chɛ n gbɛɛ ma, maeka chɛ‑a miin yian a a, a si Yataa da a bai ma, a basan Chisɔsi Chasi 'a siiya a.

KO Ɔ NUNDENƐ 1:9

N fan mu, n fan Chɔn, wo suun ma nyɔɛ Chasi ɔ. Mmɔ gbɛɛ, mɔ dɔndɔɛ mu mmɔ a, mmɔ bɛ Chisɔsi a, an mu mmɔ 'a mansa a. A sin, mmɔ gbɛɛ, mmɔ ɛ tɔɔya dɔndɔɛ an dɔ bia tena, mmɔ ɛ mmɔ faa bia‑a, a ko a. Yataa 'a sakana bai sa koe a, a basan Chisɔsi wakoe a, n na ta‑a Patimɔsi bia ɔ an ko a, yii tinɛ ɔ duu gboo chɛ ma.

KO Ɔ NUNDENƐ 12:11

Mmɔ 'a mɔɛ n‑na Sitana bea chɛɛ ɔ, sa tɔngbɔɛ wii 'a gbasaya an dɔ mu, a basan Yataa 'a sakana bai a, an ni min sa. An nii ma chian ni saya ma.

KO Ɔ NUNDENƐ 19:10

Mbɛ n‑na n kumbai gbangban a chen kɔɔ, a fai koe a. Chɛɛ a ɔ te n ma, a ɔ, “I ma chɛ ma. Yataa an fai. N mbe wai chɛ an ko a, yɔ wo e wai chɛ buɛ min dɔ a ko a. Wo gbɛɛ, wo wɛn kai faen mu tea chɛ a, min ka‑a Chisɔsi tena. An tea chɛ, an mbe a ma, mɔɛ n ni Yataa bai sa.” Koe min na mu, Chisɔsi‑a bai min fɔ, an mu Yataa 'a sakana bai kunɛ a mɔ gbu n tena.