2 TIMOTI 1:7 - Yataa 'a Dɔbɛnɛ Nama

⁷ Koe min na mu, Yataa Nyina min be mmɔ fɛ, a ee a ma mmɔ ni chian. Chɛɛ ɛ gbasaya an chɛ mmɔ ɔ, a basan koadia a, ni mɔɛ e kun buɛ min dɔ i faa ma.

2 TIMOTI 1:7 ပူးပေါင်းရင်းမြစ်များ

DUKU 10:19

A yen ko, n‑na gbasaya be wo ma. Wo e tɛn‑da wan ka n ma, a basan chinchima n na, chɛɛ an mbe ee ko ɔ ko ma‑a wo a. N‑na gbasaya be wo ma, Sitana 'a gbasaya gbɛɛ kun ma, ko yama kan kɔ kan mbe ee ma‑a wo a.

DUKU 15:17

“Chɛɛ ko bonda chɛ si‑a kɛn a a, a danka a, a‑a yiimatɛ ma sɔn fan gbɛ, mbɛ a ɔ, ‘Daun fenɛ ɛ wan fa 'a wai chɛ mɔɛ n gbɛɛ boo ɔ, an mbe min daun a tɔɛ ɛ to. Chɛɛ n sin yen ko gbɛ nɛ, n mbe fa‑a kɔnkɔɛ a.

DUKU 24:49

Mbɛ a yen ko, n mbe a a yii‑a wan wo tena, Fa Yataa na‑a wo too ɔ dia‑a min na. Chɛɛ wo ma ka nɛ Chuusaɛn aan wo ni gbasaya ma sɔn, min mbe ka‑a banda bu ɔ.”

DUKU 8:35

Mɔ sɛsɛ n na‑a wan, min mbe a ma, an ni a ɔ yen min ma‑a. An che‑a kɛn, nyina yama chɛ n ni ka kaminɛ min fɛ, an‑na a tan fan, ɛ si ɔ Chisɔsi chen kɔɔ. A ma chiienɛ ɛ, a sin a yiima tɛenɛ ɛ. Chɛ‑a a ma wan, an gbɛɛ chian‑da.

CHƆN 14:27

“N mbe wo to tena faachima an dɔ. Faachima min nyɔn sima ɛ n dɔ, n mbe an be tena wo ma. N ta faachima, n mbe min be, a ee ka yɔ dunya chɛ ɔ nɛnɛ. Wo ma ma faamɔnɛ ɔ, a sin to, wo ma chian, a si koe chɛ n ma, miin mbe ma‑a.

CHISƆSI 'A SƆ MƆƐ NU 1:8

Chɛɛ wo e gbasaya ma sɔn‑da wan, ni Yataa Nyina chɛ bea‑a wo fɛ. A tima chɛ a, wo e a ɔ yian‑da wan mɔɛ n na, wo‑a min dɔ sɔn, a si n ma. Wo e a ɔ yian‑da wan mɔɛ n na Chuusaɛn duu ɔ, wo ni a ɔ yian Chudia chɛnyɛ tɔɛ gbu gbɛɛ ɔ, ni Samayia chɛnyɛ ɔ, a che kan kɔ kan dunya gbɛɛ ɔ.”

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 20:24

Chɛɛ ni n 'na wai chɛ koe mu, n ma n ta fɔɛ chɛ ya ni fen kɔ fen na. Wai chɛ, Mansa Chisɔsi‑a min be n ma, n ni a a ban koe mu. N ni sakana bai chɛndɛ chɛ ɔ yian mɔɛ n na, a si Yataa 'a koadia demanɛ ma.

CHISƆSI 'A SƆ MƆƐ NU 21:13

Chɛɛ Pɔɔ ɔ te, “Wo e di chɛ tena ka, n faa yɔn koe an na. Fen mu wo e chɛ ma tena? N ma ma bɛn ni, n sa koe dechee an ko a pimbi chenɛ a, chɛɛ n fa koe wɛɛ gbu a, Chuusaɛn duu ɔ, Mansa Chisɔsi ko a.”

CHISƆSI 'A SƆ MƆƐ NU 26:11

Tima sɛsɛ ko a, n‑na an na mɔnɛ wan, Chu n 'na samun chɛ chenɛ n na. A sin to, n‑na butuin chɛ wan, a ma koe a, an ni Yataa main. Mbɛ n yɛ‑a, faatɛ wa ɔ, n‑na ko yawaenɛ sa an ma. N ni ta wan duu wa dɔ mende n bɛɛ ɔ, chɛnyɛ dɔ mende n dɔ.

CHISƆSI 'A SƆ MƆƐ NU 26:25

Mbɛ Pɔɔ ɔ te, “Kɔfana Fesɔsi, n ma woo ni. N mbe ka tea ma gbaaenɛ an fɔ tena.

CHISƆSI 'A SƆ MƆƐ NU 6:8

Sitibin ni mɔɛ an na, Yataa na‑a min dua a sɛmbɛnden na. A sin, Yataa Nyina ni wan a fɛ, min‑na a ma, a ni kun kamaya ko sɛsɛ ma koe a, miin ni a ɔ yian, mbɛ sakana bai chɛ ka‑a Yataa tena wan.

CHISƆSI 'A SƆ MƆƐ NU 9:22

Yataa‑a gbasaya be wan Sɔɔ ma, a 'a Yataa bai sa ɔ. Chɛ‑a a ma wan, ni a‑a a ɔ yian mɔɛ n na, mbɛ Chisɔsi an mu kunka mansa a, dɔ tisa nii ma nɔ. A da a bai kɔ ni gbɛɛ buɛ min dɔ, Chu mɔɛ miin ni Damasikɔsi, an nii che bai ɔ bai sa‑a.

GBOO DOMI KO A 5:5

Yiinatɛ chɛ mmɔ ɔ, a ee ma fania a, koe min na mu, Yataa 'a koadia koo mmɔ faa an dɔ. Yataa Nyina, min mbe mmɔ fɛ, Yataa wandi‑a min be mmɔ ma, an‑na koadia chɛ chɛ mmɔ ɔ.

GBOO DOMI KO A 8:15

A mu min na, Yataa‑a a Nyina min be wo ma, ma koe a wo fɛ, a ee wo ma yɔnɛ n na, a ni a ma chiandia ni ma wo ɔ. Chɛɛ min mbe ma, Yataa Nyina ɛ wo ma Yataa 'a denɛ n fan na. A sin Yataa Nyina chɛ ɛ a ma‑a wan, wo ni Yataa chee, wo ɔ, wo fa.

GBOO SAA KƆYINDI KO A 2:4

A sin, n da a bai nu, daɔdia nii ma, yiimatɛ ɔ yian koe a. Chɛɛ n ni sakana bai miin dɔ yian, an ni a ɔ yian fan, mbɛ Yataa Nyina an ni n fɛ, an wai chɛ n chɛ‑a.

Gboo Kadesia Ko A 5:22

Chɛɛ ni Yataa Nyina ma‑a mɔɛ fɛ, ɛ a mɔɛ chɛ ma ka wan. An fan nɛ koadia a, buɔdia, faachima, faabia, ko chɛndɛ ma, mɔ chɛndɛya, ni mɔɛ ma koe danaya tɔɛ a.

Gboo Kɔdɔsai Ko A 1:8

A sin‑na a ɔ yian nn na, Yataa Nyina‑a a ma buɛ min dɔ, koadia ɛ wo faa ɔ.

GBOO IBU MƆƐ N KO A 2:15

Mbɛ mɔɛ chɛ n gbɛɛ, miin ni yɔncha ɔ, an 'na fɔɛ gbɛɛ ko a, saya ma chianɛ fɛ, a‑a an kun bɔ a ɔ.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

1 CHƆN 4:18

Koe min na mu, Yataa 'a koadia mmɔ ko a, ɛ faagbaa bonda chɛ ban fan mmɔ ma. Ni mmɔ‑a mmɔ yii na chii, mbɛ tɔɔya ɛ wan mmɔ ya ɔ, an mbe a ma, mmɔ faa ɛ gbaa ka. Chɛ ɛ a ɔ yian fan, mbɛ Yataa 'a koadia kuu ma si nin bɛ mmɔ faa ɔ.