2 TIMOTI 1:6 - Yataa 'a Dɔbɛnɛ Nama

⁶ Chɛ an fɛ mu, n mbe a fɔ tena i ye to, mbɛ i ni tachɛ fen chɛ a chɛndɛ chɛ, Yataa‑a boo fenɛ min be i ma, n na‑a n boo bun i ma tima min na i dua koe a.

2 TIMOTI 1:6 ပူးပေါင်းရင်းမြစ်များ

DUKU 19:13

A e na to ta‑a, a‑a a 'a bɔi den tanɛ n chee wan, mbɛ a‑a sanu gbɛnsɛn tanɛ du an ma dɔndɔ dɔndɔɛ a, a ɔ, ‘Wo a ɔ yen, wo e fen nyɔn na sɛ‑a kɔpɔɛ chɛ kun ma, n‑na miin be ka wo ma, n mbe na ka tachɛ chɛ ɔ.’

CHISƆSI 'A SƆ MƆƐ NU 19:6

A sin, Pɔɔ‑a a boo bun an ma, mbɛ Yataa Nyina bea‑a an fɛ. An‑na kamaya bai n fɔ wan, mɔɛ n mbe ee miin dɔ gbɛ ka dechee. Mbɛ an yɛ‑a, an‑na Yataa bai ɔ yian.

CHISƆSI 'A SƆ MƆƐ NU 6:6

Mbɛ mɔɛ chɛ n gbɛɛ, an na‑a mɔ wɔnfea chɛ n na Chisɔsi 'a sɔ mɔɛ chɛ n tena. Sɔ mɔɛ chɛ n‑na an boo bun fan an mɔ wɔnfea chɛ n ma, mbɛ an‑na samunɛ chɛ an ko a.

Gboo Saa Tɛsadonika Ko A 5:19

Wo ma wo boo sɔ Yataa Nyina ya ɔ, a 'a wai chɛ koe a wo ɔ.

1 TIMOTI 4:14

Yataa Nyina‑a fenɛ min be i ma, Yataa 'a gbonka chɛ mɔɛ n koɔ‑a tima min na, mbɛ chɔchi gbakoo n‑na an boo bun i ma, a bia i boo fea a.

1 TIMOTI 4:6

Ni i gboo ɔ ma fa ni dasi chɛ be koe a suun ma nyɔɛ n ma, ni i‑a Chisian danaya ɔ bai sa i faa ɔ, a basan kan chɛndɛ a, i bea‑a min fɛ chɛ gbɛɛ ɔ, e ma‑a wan wai chɛ mɔɛ chɛndɛ a Chisɔsi Chasi ko a.

2 TIMOTI 2:14

Chɛ puin i 'a mɔɛ n yii ma, mbɛ i‑a dasi gbau gbau be an ma Yataa chen kɔɔ, i ɔ an ma koɔ kɔnɔ bai kun ma. Chɛ ee den chɛndɛ suun an ye, chɛɛ ɛ chɛ n fan yɔn gbɔkɔɔ, miin mbe an too ma sɔ‑a a ma.

2 TIMOTI 4:2

Sakana bai chɛ ɔ yian mɔɛ n na, tee kɔɔ sona kɔɔ, i ma bɛn a ɔ yian koe a. Mɔɛ n yiima mun, an‑na ko yama fɔ an ye, mbɛ i‑a an faa ma nande, e ta‑a i faa bia‑a an na, ni i ma‑a an kan‑da.

GBOO IBU MƆƐ N KO A 6:2

Mmɔ ma an kan to, a si yii chɛ koe ma mɔɛ n kunɛ ɔ Yataa chia a. A yɛ to, boo bunɛ mɔɛ n ma, an ni dua ma sɔn, ni mɔɛ kɔɔ sɔ koe a, a ka saya ɔ, a basan kaa a tɛ a, min mbe ma‑a nɔ kuɔ fɔ ko a.

2 PITA 1:12

Chɛ an fɛ mu, n mbe wo yiima n na che tena tun koe chɛ n ma. Wo‑a an tea n dɔ sɔn bɛɛ ka boo ɔ boo, min dɔ yian‑da wo a, a si Chisɔsi ma. A yɛ to, wo e a sɔ tena wan an tea chɛ fɛ gbau gbau.

2 PITA 3:1

N dia nyɔɛ nu, gboo fean bɔɛ an nɛ, n‑na min nyɛn gbɛ wo tena. Gboo fea chɛ n dɔ, n mbe wo yiima a che tena wan koe chɛ n ma chɛndɛ chɛ, wo ni ma wo yii na chii‑a an ma.

CHUDA 1:5

Wo‑a chɛ ɔ sɔn bɛɛ boo ɔ boo, chɛɛ n mbe a ɔ yian‑da wan to wo a. Mbɛ Yataa na‑a Isɔɛɛ mɔɛ n bɔ wan yɔncha ɔ Ichipi chɛnyɛ ɔ. Chɛɛ chɛ gbakɔ, an dɔ nu, a‑a an kasaa wan, koe min na mu, an ma dɔn ni dan koe a a wan Yataa a.