2 TIMOTI 1:5 - Yataa 'a Dɔbɛnɛ Nama

⁵ Danaya gbau gbau min mbe i ɔ Chisɔsi ko a, a puin‑da n yii ma. Danaya min nyɔn sima ni i mama Doyisi ɔ an fea i de Yunisi a, n danden fan mu a a, mbɛ an mbe i ɔ.

2 TIMOTI 1:5 ပူးပေါင်းရင်းမြစ်များ

CHƆN 1:47

Chisɔsi‑a Natanɛɛ yen kɛn na‑a a tena, a‑a chɛ an fɔ, a si a ma. A ɔ, “Isɔɛɛ mɔɛ chɛndɛ chɛndɛ a yen ko na‑a, tɔɛ chɛ bɛnden mu min kun ma. Mɔɛ mu a a, a ee mɔ ɔ mɔ bun.”

CHISƆSI 'A SƆ MƆƐ NU 16:1

Pɔɔ an fea Sidasi a, an ta‑a pɛn Dabi duu ɔ, mbɛ an ben‑da Diisa duu ɔ chia a. An‑na Chisɔsi fɛ mɔ dɔndɔ tan fan nɔ, min tɔ ni Timoti. A de ni Chu mɔɛ an na, min na‑a a kai fa Chisɔsi a. Chɛɛ a fa ni Kiisi mɔɛ an na.

CHISƆSI 'A SƆ MƆƐ NU 26:26

Koe min na mu, Mansa Akipa‑a koe chɛ n gbɛɛ ɔ sɔn fan. A sin fan tena mu, n mbe koɔ tena ka, ko ɔ ko boo ee n na. Koe min na mu, n yiima a koen fan mu, mbɛ a chen kɔɔ mu, koe chɛ n gbɛɛ ma‑a. Koe min na mu, an nii ma chɛ ni a ɔ nun dɔ.

GBOO DOMI KO A 14:14

N fan, nn fea Mansa Chisɔsi a, nn ma‑a gbɛ mɔ dɔndɔɛ a. Chɛ an fɛ mu, n‑na a sɔn fan, tea tea ko a, mbɛ daun fen kan kɔ kan mbe ee nɔ, mmɔ ɛ min daun, min ma nyamuien mu Yataa tena. Chɛɛ ni mɔ gbu dan‑da a a, mbɛ fenɛ ma nyin a daun koe a, an fen chɛ, mbɛ a ma nyamui‑a Yataa tena, a daun koe a an mɔɛ chɛ boo ɔ.

GBOO DOMI KO A 14:5

A yɛ to, ɛ ma wan mɔɛ dɔ n yii ma, mbɛ tee ɛ wan nɔ, min benden mu tee tɔɛ gbɛɛ ma Yataa tena. Chɛɛ mɔɛ dɔ n ta yiima ɔ, tee gbɛɛ a kanden fan mu, dɔndɔ wɛɛ ma ben ni a nyɔn ma. Mɔɛ si tena fea chɛ n tɛ ɔ, mɔ ɔ mɔ ni yiinachii chɛ a wandi ko a.

GBOO DOMI KO A 15:14

N bɔ Chisianɛ nu, n fandi gbu wɛɛ danden fan mu a a, mbɛ mɔ chɛndɛ wa mu wo wɛɛ gbu a. Wo‑a wo boo nyima tɛ bɔɛ sɔn fan wo manɛ a chɛndɛ chɛ. Wo‑a a ɔ sɔn fan, wo e dasi be buɛ min dɔ wo nyɔn ma.

GBOO DOMI KO A 4:21

A dandenɛ ni a a chɛndɛ chɛ, mbɛ Yataa‑a tooɔdia min chɛ a a, mbɛ ɛ a ma‑a wan.

GBOO DOMI KO A 8:38

N danden fan mu a a chɛndɛ chɛ, mbɛ ko ɔ ko ee che a ma‑a, mmɔ sɔɔ ni bɔ Chasi ɔ. Mmɔ ni fa wan, mmɔ ni ma fɔɛ ɔ wan, mmɔ ko a di wan a ye. Maeka n ni ma, ni nyina yama nu, a basan gbasaya gbɛɛ n na, an mbe ee che mmɔ ko sɔɔ bɔ‑a a ɔ. A sin to, koe min gbɛɛ ɛ ma tena sanche chɛ ɔ, a basan koe n na, miin mbe na tena ma‑a ya ɔ ma, an bɛɛ ee che chɛ ma‑a.

GBOO FEAN BƆƐ KƆYINDI KO A 6:6

Nn‑na a ɔ yian fan, mbɛ nn mbe wai chɛ tena Yataa an ko a. Nn sɔnɛ a koen fan mu Yataa tena, a 'a yiimatɛ ɛ wan nn dɔ, nn mbe nn faa bia wan. A sin to, nn mbe ko chɛndɛ ma wan mɔɛ n na. Yataa Nyina ɛ wai chɛ tena wan nn dɔ, koadia wɛɛ ɛ nn faa ɔ.

1 TIMOTI 1:5

Chɛ fɔen mu i ye, min mbe a ma, koadia ni ma nɔ. Koadia min kaen mu faa ɔ gbɛenɛ ɔ, yiima a koenɛ fion, a basan danaya gbau gbau a Yataa a.

1 TIMOTI 4:6

Ni i gboo ɔ ma fa ni dasi chɛ be koe a suun ma nyɔɛ n ma, ni i‑a Chisian danaya ɔ bai sa i faa ɔ, a basan kan chɛndɛ a, i bea‑a min fɛ chɛ gbɛɛ ɔ, e ma‑a wan wai chɛ mɔɛ chɛndɛ a Chisɔsi Chasi ko a.

2 TIMOTI 1:12

A sin, chɛ an fɛ mu n mbe ka mɔnɛ bonda chɛ ɔ bia tena. Chɛɛ mau ee n dɔ, koe min na mu, n‑na a ɔ sɔn fan, n kai faen mu min na. A sin n danden fan mu a a, mbɛ a‑a fenɛ min be n ma, ɛ che wan a kun ma fɛn‑da aan a tee dankama chɛ ni che.

2 TIMOTI 3:15

A sin, a ni ma i yii ma, mbɛ i‑a bai chɛ kan fan a ka i den mɛsɛ tɔɛ ma, bai chɛ min mbe Yataa 'a gboo ɔ. Chɛ ɛ kun fan a ni yiima be i ma, min mbe che i sɔ‑a chia ma bauncha ma sɔn koe a, min mbe ka danaya ɔ Chisɔsi Chasi a.

GBOO IBU MƆƐ N KO A 11:13

Mmɔ bɔ kɔnkɔɛ chɛ n sin, an nii ma sɛmbɛ ni an kai fa koe a Yataa a, aan an fa‑a a nyɔn na. An sin nii ma fen chɛ n ma sɔn ni, Yataa na‑a an too ɔ dia miin na. Chɛɛ an na‑a to pɔɔ wan, an‑na an fen chɛ n yen, mbɛ an bu ɔ dia‑a. An gbu sin dɔn‑da wan a ma den, mbɛ sonda mu an na, dunya chɛ ɔ.

GBOO IBU MƆƐ N KO A 6:9

Chɛɛ wo wan, nn dia nyɔɛ nu, miin ko a di nn ye kaka, nn‑na chɛ fɔ wɛɛ boo ɔ boo, nn yii na tɛen fan mu wo ko a. Nn‑na a ɔ sɔn fan, mbɛ wo e chia chɛndɛ an ma, bauncha ko a.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.