2 TIMOTI 1:3 - Yataa 'a Dɔbɛnɛ Nama

³ N mbe Yataa wai bɔ tena i ko a, n mbe wai chɛ tena min ye n yiima a koenɛ a fion, yɔ n bemba n ta bemba n ni a ma tee buɛ min dɔ. N mbe samunɛ chɛ tena i ko a su ɔ tee a.

2 TIMOTI 1:3 ပူးပေါင်းရင်းမြစ်များ

DUKU 2:37

A to‑a fuinyaya chɛ an dɔ gbɛ, aan a sanɛ che‑a san bi sɛi kun ma naaninɛ ɔ. A nii bɔ Yataa 'a kata chɛ ɔ. Su ɔ ni tee a, ɛ Yataa fai wan nɔ, ɛ samunɛ chɛ, a basan sun bia a.

CHISƆSI 'A SƆ MƆƐ NU 22:3

“Chu mɔɛ mu n na. N suun‑da Tasɔsi wan, Sidisia chɛnyɛ ɔ. Chɛɛ n bɔ‑a a ɔ nɛ wan, Chuusaɛn chɛ. Kamadiɛɛ 'a kan denɛ ni n na. A‑a n kan fan chɛndɛ chɛ, mmɔ bemba n ta bemba n ta sawa bia koe a gbau gbau gbu a. A sin, n‑na n fandi be wan, Yataa 'a wai chɛ koe a, n faa gbɛɛ a, n sɔɛ a. N bankan‑da wan, Yataa 'a wai chɛ koe a, yɔ wo wɛɛ, wo wɛn mbe ka bi nɛ.

CHISƆSI 'A SƆ MƆƐ NU 23:1

Mbɛ Pɔɔ‑a kuti wa chɛ ma fɛn, mbɛ a‑a a fɔ, a ɔ, “N suun ma nyɔɛ nu, a ka n suun tima ma, aan a sɔ tee chɛ ma, n ma sika ni n fandi ɔ. A sin, n mbe tachɛ tena tea chia an na, Yataa chen kɔɔ.”

CHISƆSI 'A SƆ MƆƐ NU 24:14

Chɛɛ n mbe dɔn tena chɛ an ma, i chen kɔɔ. Mbɛ nn bemba n ta bemba n 'na Yataa chɛ, n mbe an fai, a sɔ koe a chia chɛ fɛ, Chisɔsi‑a min yian, a sɔ koe a a fɛ. An‑na a fɔ an ma, mbɛ tea chia ma chɛ a. Chɛɛ n danden fan mu ko ɔ ko a, min mbe sawa chɛ ɔ, Yataa na‑a min be Mosisi ma, a basan koe chɛ n na, miin mbe Yataa 'a gbonka chɛ mɔɛ n 'na gboo n dɔ.

CHISƆSI 'A SƆ MƆƐ NU 24:16

Chɛ an fɛ mu, tima ɔ tima ko a, n mbe ko sɛsɛ ɔ bia wan, n yiima a koenɛ ni ma Yataa tena, a basan n bɔ mɔ gbu n bɛɛ a.

CHISƆSI 'A SƆ MƆƐ NU 26:4

“Chu mɔɛ n gbɛɛ‑a a ɔ sɔn fan, n ni fɔɛ min nyɔn sima ɔ, n kamin tɔngbɔ tɔɛ a. An‑na a ɔ sɔn fan, a ka a tima chɛ ma, n tachɛ‑a buɛ min dɔ, n 'na fɔɛ gbɛɛ ɔ, n ta chɛnyɛ ɔ, a basan Chuusaɛn duu wɛɛ ɔ a.

CHISƆSI 'A SƆ MƆƐ NU 27:23

Koe min na mu, kunun yɛɛ ma, Yataa min ta mu n na, a yɛ to, n mbe min fai, a 'a maeka ni wan sɔ ɔ n baima,

GBOO DOMI KO A 9:1

N mbe ka tea bai an fɔ tena. N mbe ee fania fɔ tena, a mu min na, Chasi an ta mu n na. N 'na yiinachii gbu wɛɛ, an fea Yataa Nyina a, ɛ min 'na gbasaya kɔɔ, an dɔnden fan mu n 'na tea chɛ ma.

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

Gboo Kadesia Ko A 1:14

A gbu sin, Chu mɔɛ n 'na sawa chɛ ɔ, n tɔɛ na‑a bɔ wan, a ben n ya teen ma an sɛsɛ ma, n 'na mɔɛ n tɛ ɔ. N bemba n ta bemba n 'na manda chɛ ko a, mɔ nii sai bɔ n na ɛnden bɛɛ a.

Gboo Saa Tɛsadonika Ko A 3:10

Su ɔ tee a, nn mbe samunɛ chɛ tena wo ko a, nn faa gbɛɛ a. Nn mbe a ɔ tisa tena, a ni a ma mmɔ bɛ ni mmɔ nyɔn ye, nn ni wo deman chia dɔ n na, miin nyin wo 'a danaya ko a.

1 TIMOTI 1:19

Danaya Chisɔsi Chasi ko a, a fea yiima a koenɛ a, a bia i boo fea a. Mɔɛ dɔ n mbe sɛmbɛ wan dan koe a Chasi a, koe min na mu, an mbe koe ma an yiima ma dɔn ni, min ma koe a.

1 TIMOTI 1:5

Chɛ fɔen mu i ye, min mbe a ma, koadia ni ma nɔ. Koadia min kaen mu faa ɔ gbɛenɛ ɔ, yiima a koenɛ fion, a basan danaya gbau gbau a Yataa a.

1 TIMOTI 5:5

Fuinya musu chɛndɛ chɛndɛ, mɔ ee min boo ɔ, a yii faen mu Yataa an ma. Su ni tee a, ɛ samunɛ chɛ wan, ɛ ta‑a Yataa ɔ tisa‑a a deman koe a.

2 TIMOTI 1:5

Danaya gbau gbau min mbe i ɔ Chisɔsi ko a, a puin‑da n yii ma. Danaya min nyɔn sima ni i mama Doyisi ɔ an fea i de Yunisi a, n danden fan mu a a, mbɛ an mbe i ɔ.

2 TIMOTI 3:15

A sin, a ni ma i yii ma, mbɛ i‑a bai chɛ kan fan a ka i den mɛsɛ tɔɛ ma, bai chɛ min mbe Yataa 'a gboo ɔ. Chɛ ɛ kun fan a ni yiima be i ma, min mbe che i sɔ‑a chia ma bauncha ma sɔn koe a, min mbe ka danaya ɔ Chisɔsi Chasi a.

GBOO IBU MƆƐ N KO A 13:8

Chisɔsi Chasi ma mun ni a kɔma a, a ee mun bi tee chɛ kɔ, a sin mbe ee mun‑da kuɔ fɔ ko a.