2 TIMOTI 1:1 - Yataa 'a Dɔbɛnɛ Nama

^1-2 N fan Pɔɔ, n fan mbe ka gboo chɛ nyɛn‑da i tena, i wan Timoti. N faa ma denɛ mu gbɛ i a. Chisɔsi Chasi 'a sɔ mɔɛ mu n na, yɔ Yataa toen ni buɛ min dɔ a ni ma. A‑a n sɔ, n ni a ɔ yian mɔɛ n na, mbɛ ni mmɔ ma‑a mɔ dɔndɔɛ a, mmɔ bɛ Chisɔsi Chasi a, an mbe a ma, mmɔ ni kuɔ fɔ fɔɛ ma sɔn. Yataa na‑a a fɔ ka wan. Mmɔ Fa Yataa, an fea mmɔ 'a mansa Chisɔsi Chasi a, an 'na dua ni ma i ma, an 'na chinchimaya ni ma i ma, a basan an 'na faachima a.

2 TIMOTI 1:1 ပူးပေါင်းရင်းမြစ်များ

CHƆN 10:28

N fɛ mɔɛ nu, n mbe kuɔ fɔ fɔɛ an be‑a an ma, min mbe a ma, an mbe ee fa‑a, an ni to saya ɔ. Mɔ ɔ mɔ ee che an bɔ‑a n boo ɔ.

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

CHƆN 5:24

“N mbe chɛ ma din tena wo tena, mbɛ mɔɛ min mbe n da a bai a min‑da, a ni a kai fa Fa Yataa a, min‑na n sɔ, a mɔɛ chɛ ɛ kuɔ fɔ fɔɛ ma sɔn‑da wan. A mɔɛ chɛ, kaa a ee tɛ‑a a wakoe ma, a ni tɔɔ. A ban‑da saya ɔ tandin‑da, a ta kuɔ fɔ fɔɛ ɔ.

CHƆN 6:40

A mu min na, Fa Yataa toen mu min na, an nɛ. Mɔ ɔ mɔ min mbe dɔn‑da a ma, mbɛ Yataa 'a denɛ mu n na, mbɛ a‑a a kai fa n na, n ni a ma, a ni kuɔ fɔ fɔɛ ma sɔn. A sin, n mbe an kɔɔ sɔ‑a wan, a ka saya ɔ tee dankama ma.”

CHƆN 6:54

Chɛɛ mɔ ɔ mɔ min mbe n gboo daun‑da, mbɛ a‑a n wii min, kuɔ fɔ fɔɛ an mbe a ko a. A sin, n mbe a kɔɔ sɔ‑a wan saya ɔ, a yɛ to fɔɛ ɔ, tee dankama ma.

GBOO DOMI KO A 1:1

N fan Pɔɔ, Chisɔsi Chasi 'a wai chɛ mɔɛ, n fan mbe ka gboo chɛ nyɛn‑da. Yataa an‑na n chee ma koe a a 'a sɔ mɔɛ a, mbɛ a‑a a ma, n ma‑a tenchen mɔɛ a, min mbe a 'a sakana bai chɛndɛ chɛ ɔ yian mɔɛ n na.

GBOO DOMI KO A 5:21

N da a bai kunɛ a bia koe a, ko yama‑a gbasaya ɔ yian buɛ min dɔ saya ɔ, Yataa 'a koadia demanɛ a ta gbasaya wɛɛ ɔ, mmɔ ya‑a ka wan mɔ tandenɛ n na a chen kɔɔ. Chɛ‑a a ma wan, mmɔ‑a kuɔ fɔ fɔɛ ma sɔn, mmɔ 'a mansa Chisɔsi Chasi‑a min be.

GBOO DOMI KO A 6:23

Ko yama tana, saya an mu a tɔnɔnɛ a, a wandi ɛ na min na. Chɛɛ Yataa ɛ min be mmɔ ma gbama gbama a, an nɛ kuɔ fɔ fɔɛ a. Chɛ ɛ ma wan, koe min na mu, mmɔ ma‑a mɔ dɔndɔɛ a Chisɔsi Chasi a, mmɔ 'a mansa.

GBOO SAA KƆYINDI KO A 1:1

N fan Pɔɔ, n fan mbe gboo chɛ nyɛn tena wo tena, nn fea Sositɛnesi a, mmɔ suun ma nyɔɛ Chasi ɔ. Yataa wandi gbu, an dɔn‑da, a boo sɔ koe a n ma, n ni ma Chisɔsi Chasi 'a sɔ mɔɛ a.

GBOO FEAN BƆƐ KƆYINDI KO A 1:1

N fan Pɔɔ, n fan mbe gboo chɛ nyɛn tena, nn fea mmɔ suun ma nyɔɛ a Chasi ɔ, min mu Timoti a. Chisɔsi Chasi 'a sɔ mɔɛ mu n na. Yataa wandi an dɔn‑da, n ma koe a sɔ mɔɛ chɛ a. N mbe a nyɛn tena wo wan tena, wo wɛn mbe Yataa 'a chɔchi ɔ, Kɔyindi duu ɔ, wo bɛ Yataa 'a mɔɛ n gbɛɛ a, miin mbe nɔ Akaya chɛnyɛ tɔɛ gbɛɛ ɔ.

GBOO FEAN BƆƐ KƆYINDI KO A 1:20

Koe min na mu, Yataa ɛ tooɔdia min gbɛɛ chɛ, Chisɔsi an mbe a gbɛɛ a tachɛ. Chɛ an fɛ mu, mmɔ ɛ a fɔ, mmɔ ɔ, “A ni ma ka,” Chisɔsi tɔɛ ɔ, basɔmaya be koe a Yataa ma.

Gboo Kadesia Ko A 3:26

Koe min na mu, ni wo‑a wo kai fa Chisɔsi Chasi a, wo gbɛɛ mu Yataa 'a denɛ n fan na, wo gbɛɛ mu gbɛ mɔ dɔndɔɛ an na, wo bɛ Chisɔsi Chasi a.

Gboo Kadesia Ko A 3:28

Wo gbɛɛ, wo bɛ Chisɔsi Chasi a, wo ma‑a gbɛ mɔ dɔndɔɛ a. Tɛ bɔ kan kɔ kan mbe ee to Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin mu yɔnɛ n na, an bɛ chɛ n na, miin mbe an fandi ko a. Tɛ bɔ ee mɔ kaima an ma, an bɛ musu n na. Mɔ tɛ bɔ ee to nɔ.

Gboo Ɛfisɔsi Ko A 3:6

Yataa‑a dɔbɛn chɛ an yian an na. Mbɛ Chisianɛ miin ma Chu mɔ a, an mbe an ta ma sɔn‑da wan dua gbɛɛ ɔ, Yataa ɛ min be. Ɛ ma‑a wan dechee yɔ Chisianɛ nu, miin mu Chu mɔɛ n na, an mbe a ma sɔn‑da buɛ min dɔ. Mɔɛ miin ma Chu mɔ a, an ma‑a mɔ dɔndɔɛ a, an bɛ Chu mɔɛ n na. Yataa‑a a 'a mɔɛ n too ɔ dia min na, mɔɛ miin ma Chu mɔ a, an bɛɛ an mbe a ma sɔn‑da wan. Koe min na mu, an mu mɔ dɔndɔɛ an na Chisɔsi Chasi a. Yataa 'a sakana bai chɛndɛ‑a a fɔ ka wan.

1 TIMOTI 6:19

Ni an‑na chɛ ma, an mbe ma‑a ka nyanɛ an kuu chɛ‑a an fandi ko a, dunya nama chɛ ɔ min mbe na tena. Chɛ ɛ a ma‑a wan, an ni fɔɛ ma sɔn, min mu tea fɔɛ a.

2 TIMOTI 1:10

Chɛɛ sanche gbɛ, mmɔ baun mɔɛ Chisɔsi Chasi na‑a dunya ɔ, min mbe a ma, mmɔ ni a 'a koadia deman chɛ ɔ yen. Chasi‑a a ma gbasaya ee to saya boo ɔ mmɔ kun ma. Sakana bai chɛndɛ chɛ ɔ, a‑a kuɔ fɔ fɔɛ yian mmɔ a.

2 TIMOTI 1:13

Bea tea bai chɛ n fɛ, n‑na i kan miin na. An ni ma tɔmɔsi a i tena. Koe min na mu, mmɔ ma‑a mɔ dɔndɔɛ a Chisɔsi Chasi a, a sin i ma sɛmbɛ dan koe ma a a, a basan koadia a.

2 TIMOTI 1:9

A‑a mmɔ baun fan, mbɛ a‑a mmɔ chee ma koe a a ta mɔɛ n na. A ma chɛ ma ni mmɔ sɔn chɛndɛ an ko a. Chɛɛ Yataa e na to dunya a dan‑da, a wandi na‑a a ɔ bɛn ka wan, a 'a koadia demanɛ ɔ, a‑a min dɔ yian Chisɔsi Chasi ɔ.

2 TIMOTI 2:1

I tana, n 'na den, Yataa ni i ɔ gbɛa koadia demanɛ chɛ ɔ, mmɔ‑a min ma sɔn kɛn mmɔ ma‑a mɔ dɔndɔɛ a, mmɔ bɛ Chisɔsi Chasi a.

2 TIMOTI 2:10

Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.

2 TIMOTI 2:3

I ta mɔnɛ ɔ bia, yɔ Chisɔsi Chasi 'a soya chɛndɛ.

2 TIMOTI 3:15

A sin, a ni ma i yii ma, mbɛ i‑a bai chɛ kan fan a ka i den mɛsɛ tɔɛ ma, bai chɛ min mbe Yataa 'a gboo ɔ. Chɛ ɛ kun fan a ni yiima be i ma, min mbe che i sɔ‑a chia ma bauncha ma sɔn koe a, min mbe ka danaya ɔ Chisɔsi Chasi a.

GBOO IBU MƆƐ N KO A 9:15

Chɛ an fɛ mu, Chasi an mbe mmɔ tɛ Yataa a, dɔbɛn nama chɛ ko a. Chɛ ni a ma, Yataa ɛ mɔɛ miin chee‑a, an ni kuɔ fɔ fɔɛ chɛ ma sɔn, min bakoe na‑a don an too ɔ. Koe min na mu, Chasi ban‑da gbɛ saya chɛ‑a, mɔɛ kun ka koe a, a bɔ an 'na ko yama n dɔ, an na‑a miin ma dɔbɛnɛ kɔma kɔɔ.

1 CHƆN 2:25

A‑a mmɔ too ɔ dia chɛ an na, kuɔ fɔ fɔɛ.